Sigingo 23:33 - Mbeti ti Nzapa - Tënë so amu fini

³³ Alingbi azo ni asara kodro na ndo ti ala pepe, tongaso pepe, fade azo ni ayeke handa ala titene ala sara siokpari so ake mbi. Biani, tongana ala azo ti mbi, ala voro anzapa ti azo ni, fade vorongo anzapa ni ayeke ga tongana kuku ndali ti ala.”

Sigingo 23:33 ပူးပေါင်းရင်းမြစ်များ

1 Agbia 14:16

KOTA GBIA ayeke do azo ti Israel ti zia, ngbanga ti so Yeroboam asara siokpari si lo pusu nga azo ti Israel ti sara siokpari.”

2 Mbai 33:9

Me Manase apusu azo ti Juda na ti Jérusalem titene ala kiri asara sioni ahon amara so KOTA GBIA afâ ando ala kue kue kue na dawa ti azo ti Israel so.

Abia (Psaumes) 106:36

Ala voro anzapa ti azo ni si ayanda ni aga kuku ti gbungo ala.

Sigingo 10:7

Azo ti gbe ti Faraon atene na lo: “Zo so ayeke ngba tongana kuku ti gbungo e ngbii asi lawa? Zia lege na azo ti Israel titene ala gue, avoro KOTA GBIA, Nzapa ti ala. Kodro ti Ezipte ayeke gue ti buba laa; ade mo hinga ni pepe?”

Sigingo 23:24

Fade ala yeke kuku na gbe ti anzapa ti amara ni so pepe, ala yeke voro anzapa ni pepe; ala yeke mu peko ti sarango ye ti amara ni pepe. Me fade ala yeke buba alimo ti anzapa ni biani biani, ala yeke kungbi na sese angbongboro têne ti ala so ala leke si aluti na nduzu so.

Sigingo 34:12

Kodro so ala yeke gue daa so, ala sara hange si ala na azo ni aga ambuki pepe. Tongaso pepe, fade ye ni ayeke ga kuku ti gbungo ala.

Ndia ti fani use ni 12:30

Me tongana KOTA GBIA ahunzi amara ni so kue na dawa ti ala, azo ti Israel, alingbi ala sara hange si ala ti na ya ti kuku ti azo ni pepe na hakango peko ti sarango ye ti ala. Ala gi ti hinga lege ti vorongo anzapa ti amara ni so pepe! Ala tene pepe: “Azo ti mara ni ayeke voro ando anzapa ti ala tongana nyen? E nga, e ye ti sara tongana ala.”

Ndia ti fani use ni 20:18

Tongaso si amara ni so amanda na ala, azo ti Israel pepe, asioni sarango ye so amara ni ayeke sara ti mu ngia na anzapa ti ala. Tongaso pepe, fade ye ni ayeke sara si ala, azo ti Israel, ala sara siokpari ti ke KOTA GBIA Nzapa ti ala.

Ndia ti fani use ni 7:1

Moïse atene: Fade *KOTA GBIA Nzapa ti ala ayeke gue na ala titene ala li na ya ti kodro so ala yeke mu ni titene aga ti ala. Lo yeke tumba gba ti amara nde na dawa ti ala, amara mbarambara so awu mingi si ala yeke ngangu mingi ahon ala: azo ti mara ti Het, ti Girgashi, ti Amori, ti Kanaan, ti Perizi, ti Hivi na ti Yebus.

Ndia ti fani use ni 7:16

Amara so kue KOTA GBIA ayeke zia ala na maboko ti ala, azo ti Israel, alingbi ala baa mawa ti ala pepe, ala fâ ala kue ahunzi ala. Ala voro anzapa ti amara ni so pepe. Tongaso pepe, fade anzapa ni ayeke ga kuku ti gbungo ala.

2 Timothée 2:26

si li ti ala akiri daa. Tongaso, fade ala yeke sigigi na ya ti gbanda ti Zabolo so lani akanga ala titene ala sara gi ye so be ti lo aye.

Josué 10:40

Josué atiri bira si lo mu sese ni kue: sese ti ahoto, sese ti mbage ti Mbongo, ti *Kodro-ti-gbeni, sese so ayeke na tere ti ahoto. Lo fâ agbia ni, lo zia zo oko angba na fini pepe. Lo fâ aye so ayeke na fini, lo hunzi ala tongana ti so KOTA GBIA, Nzapa ti Israel amu yanga na lo.

Josué 23:13

ayeke nzoni ala hinga biani atene, fade KOTA GBIA, Nzapa ti ala ayeke ngba ti tumba azo ti mara so na dawa ti ala pepe. Amara ni ayeke ga tongana gbanda wala kuku ti gbungo ala, wala tongana zaza so a yeke pika na ndö ti peko ti ala, wala tongana ki na le ti ala. Na ndani, ala yeke hunzi kue na ndö ti nzoni sese so KOTA GBIA, Nzapa ti ala amu na ala.

Awafango-ngbanga 2:2

Me mbi mu yanga na ala titene ala na azo ti kodro so aga ambuki pepe. Fade ala kungbi agbalaka ti azo ni kue na sese. Me ala ma yanga ti mbi pepe. Nyen laa ala sara so, nyen?

Awafango-ngbanga 2:3

Tongaso mbi tene: ‘Fade mbi yeke tumba azo ni na dawa ti ala pepe; azo ni ayeke ngba na popo ti ala, anzapa ti azo ni ayeke duti tongana kuku ndali ti ala.’ ”

1 Samuel 18:21

Saul atene na be ti lo, atene: “Fade mbi yeke mu na lo Mikal titene lo ga tongana kuku si azo ti Filistii alingbi ti zia maboko na ndö ti David.” Nilaa, fani use, Saul atene na David: “Laso, mo yeke ga kogara ti mbi.”