Sigingo 23:31 - Mbeti ti Nzapa - Tënë so amu fini

³¹ Fade mbi yeke sara titene katikati ti sese ti ala alondo na kota ngu-ingo ti Asosongo ague ngbii asi na kota ngu-ingo ti Mediterane, akiri alondo na benyama ti Sinai ague ngbii asi na *bale ti Efrate. Mbi yeke zia azo ti sese ni na maboko ti ala si ala yeke tumba azo ni.

Sigingo 23:31 ပူးပေါင်းရင်းမြစ်များ

Tongo nda ti aye 15:18

Gi na lango ni so KOTA GBIA asara *mbuki na popo ti lo na Abram, lo tene: “Mbi yeke mu ande kodro so na ahale ti mo. Kodro ni ayeke londo na ngu ti Ezipte ague ngbii asi na *bale ti Efrate.

1 Agbia 11:2

Ando *KOTA GBIA atene na azo ti Israel: “Alingbi ala bongbi na awali ti amara ni so pepe, awali ni abongbi nga na ala pepe. Tongaso pepe, awali ni ayeke kiri na be ti ala, azo ti Israel titene ala voro anzapa ti ala.” Me Salomon amu be ti lo gi na ala, ngbanga ti so lo ye awali ni so.

1 Agbia 20:13

Tongaso mbeni wayanga-Nzapa aga abaa Akab, gbia ti Israel si atene na lo: “Tënë so *KOTA GBIA atene ayeke so: ‘Mo baa gba ti aturugu so? Gi laso laso, mbi yeke zia ala na maboko ti mo, tongaso si mo hinga, mo tene, mbi laa mbi yeke KOTA GBIA.’ ”

1 Agbia 8:65

Na ngoi ni so, Salomon na azo ti Israel so kue ayeke na tere ti lo asara matanga ti Akpangba. Azo ni ayeke gbani, ala londo na ando nde nde laa aga: ti londo na sese ti Lebo-Hamat, na mbage ti Banga ngbii asi na ngu ti Ezipte, na mbage ti Mbongo. Ala sara matanga ni na dawa ti KOTA GBIA na ya ti lango mbarambara; na pekoni, ala kiri asara matanga ni na ya ti lango mbarambara, so ti tene kue lango baleoko na osio.

2 Mbai 9:26

Salomon ayeke sara komandema na ndö ti agbia kue, ti londo na *bale ti Efrate asi na kodro ti azo ti Filistii, akiri ague ngbii asi na katikati ti sese ti Ezipte.

Abia (Psaumes) 72:8

Ayeke nzoni lo sara komandema, ti londo na mbeni kota ngu-ingo ngbii asi na mbeni kota ngu-ingo, ti londo na *bale ti Efrate ngbii asi na nda ti sese kue!

Wungo ti azo 21:34

KOTA GBIA atene na Moïse: “Mo sara mbeto ti lo pepe! Mbi zia Og na maboko ti mo awe, lo na aturugu ti lo, na kodro ti lo kue. Fade mo yeke sara na lo gi ye so mo sara na Sihon, gbia ti azo ti mara ti Amori, so aduti na gbata ti Heshebon.”

Wungo ti azo 34:2

Mu yanga so na azo ti Israel, mo tene: “Ala ga nduru ti li na sese ti Kanaan awe. Kanaan ayeke sese so a yeke mu na ala titene aga ti ala; akatikati ni ayeke so:

Ndia ti fani use ni 1:7

Fadeso, ala londo, ala gue na sese ti ahoto so azo ti mara ti Amori ayeke daa nga na asese so ayeke na tere ni, so azo ti Kanaan ayeke lango daa, so ti tene na lando ti Jourdain, na sese ti ahoto, na *Kodro-ti-gbeni, na sese ti Negev nga na sese so ayeke na tere ti kota ngu-ingo ti Mediterane. Ala gue nga ngbii, ala si na ahoto ti Liban nga na *bale ti Efrate.

Ndia ti fani use ni 1:8

Ala baa: mbi mu na ala sese so awe. Ala gue, amu ni titene aga ti ala, ngbanga ti so ayeke sese so mbi, KOTA GBIA, mbi deba yanga ti mbi ti mu na akotara ti ala Abraham, Isaac na Jacob nga na *ahale ti ala na peko ti ala!”

Ndia ti fani use ni 11:24

Ndo so kue gere ti ala ayeke do ni ayeke ga ti ala: katikati ti sese ti ala ayeke londo na benyama na mbage ti Mbongo, ague ngbii asi na ahoto ti Liban na mbage ti Banga. Mbeni katikati ni ayeke londo na yanga ti *bale ti Efrate, na mbage ti To, ague ngbii asi na yanga ti kota ngu-ingo ti Mediterane na mbage ti Do.

Ndia ti fani use ni 2:33

KOTA GBIA Nzapa ti e azia lo na maboko ti e; e hon ndö ti lo na bira, lo na amolenge ti lo ti koli na aturugu ti lo kue.

Ndia ti fani use ni 2:36

Ti londo na gbata ti Aroer so ayeke na yanga ti ngu ti Arnon ti hon na mbage ti gbata so ayeke na popo-hoto ngbii ti si na Galaad, mbeni gbata oko so akara e ayeke daa pepe. KOTA GBIA Nzapa ti e azia agbata ni kue na maboko ti e.

Ndia ti fani use ni 20:16

Ti agbata ti amara so KOTA GBIA Nzapa ti ala ayeke mu ni na ala titene aga ti ala, ye so kue ayeke na fini, fade ala yeke zia ni pepe titene angba na fini.

Ndia ti fani use ni 3:2

Tongaso *KOTA GBIA atene na mbi: “Sara mbeto ti lo pepe! Mbi yeke zia lo na maboko ti mo, lo na aturugu ti lo nga na sese ti lo. Fade mo yeke sara na lo gi ye so mo sara na Sihon, gbia ti azo ti Amori, so lo yeke lango lani na gbata ti Heshebon.”

Ndia ti fani use ni 6:19

Tongana ti so KOTA GBIA atene, fade ala yeke tumba awato ti ala yongoro na dawa ti ala.

Ndia ti fani use ni 9:3

Alingbi ala hinga laso atene, *KOTA GBIA Nzapa ti ala wani laa ayeke tambula na dawa ti ala tongana wâ so ayeke gbi ndo kue. Fade lo yeke kinda azo ni na dawa ti ala si lo yeke nika ala. Ala azo ti Israel, ala yeke tumba azo ni si ala yeke fâ ala kue ti hunzi ala gi hio tongaso, alingbi na zendo so KOTA GBIA amu na ala.

Josué 1:4

Fade katikati ti kodro ti ala ayeke londo na benyama, na mbage ti Mbongo, ague ngbii asi na ahoto ti Liban, na mbage ti Banga. Mbeni katikati ni ayeke londo na kota *bale ti Efrate, na mbage ti To, amu kodro ti azo ti mara ti Het, ague ngbii asi na kota ngu-ingo ti Mediterane, na mbage ti Do.

Josué 10:19

Me ti ala, ala luti pepe, ala tumba peko ti awato ti ala. Ala kanga lege na awato ni titene ala li na ya ti agbata ti ala pepe. Biani, *KOTA GBIA Nzapa ti ala, azia awato ni na maboko ti ala awe.”

Josué 10:8

*KOTA GBIA atene na Josué: “Sara mbeto pepe! Mbi zia ala na maboko ti mo awe; zo oko na popo ti ala ti gbu le ni na mo ayeke daa pepe.”

Josué 13:6

Mbeni sese so angba ayeke sese so ahoto ayeke daa so ayeke na popo ti Liban na Misrefot-Maim; azo ti sese ni kue ayeke azo ti Sidon. Na singo ti ala azo ti Israel, mbi yeke tumba azo ti sese ni. Mo yeke bi mbeni ye ti baa lege so mo yeke kangbi sese ni na popo ti azo ti Israel titene aga ti ala, tongana ti so mbi mu yanga na mo.

Josué 2:24

Ala tene na lo: “Taa-tënë, KOTA GBIA azia kodro ni kue na maboko ti e awe. Ataa azo ti kodro ni kue, ngangu ti ala ahunzi na dawa ti e.”

Josué 21:44

KOTA GBIA amu ala lege ti wu tere na ya ti sese ni kue, tongana ti so lo deba yanga ti lo lani na akotara ti ala. KOTA GBIA azia awato ti ala kue na maboko ti ala, mbeni oko alingbi ti gbu le ni na ala pepe.

Josué 23:14

Ti mbi, mbi ga nduru ti zia sese so awe. Me ti ala, ayeke nzoni ala hinga na be ti ala kue, na yingo ti ala kue atene, azendo so kue KOTA GBIA, Nzapa ti ala amu na ala angba senge pepe; lo sara ye kue alingbi na ni.

Josué 24:11

Ala fâ ngu ti Jourdain si ala si na Jéricho. Azo ti Jéricho ni atiri bira na ala. Azo ti mara ti Amori, ala ti Perizi, ala ti Kanaan, ala ti Het, ala ti Girgashi, ala ti Hivi na ala ti Yebus nga atiri bira na ala. Me mbi zia azo ni kue na maboko ti ala, azo ti Israel.

Josué 24:12

Mbi tokua adidiri kozo ti ala si adidiri ni atumba agbia use ti Amori yongoro na tere ti ala, azo ti Israel. Ayongoro zeme ti ala wala akokora ti ala laa atumba agbia ni pepe.

Josué 24:18

KOTA GBIA atumba amara kue na dawa ti e, mbirimbiri azo ti mara ti Amori so ayeke lango ando na sese ni so. Tongaso, e nga, fade e yeke sara kua na KOTA GBIA, ngbanga ti so lo yeke Nzapa ti e.”

Josué 24:8

Na pekoni mbi gue na ala, azo ti Israel na sese ti azo ti mara ti Amori so ayeke na To ti ngu ti Jourdain. Azo ti Amori ni atiri bira na ala si mbi zia azo ti Amori ni na maboko ti ala. Ala azo ti Israel, ala mu sese ti azo ni aga ti ala, ngbanga ti so mbi fâ azo ni, mbi hunzi ala kue na dawa ti ala.

Josué 8:18

KOTA GBIA atene na Josué: “Yoro likongo so ayeke na maboko ti mo na mbage ti Ai, ngbanga ti so mbi yeke zia gbata ni na maboko ti mo.” Josué ayoro likongo ni na mbage ti Ai.

Josué 8:7

Tongaso ala, aturugu, fade ala yeke sigigi na ndo so ala honde tere ti ala daa so si ala yeke mu gbata ni. Biani, KOTA GBIA, Nzapa ti ala ayeke zia ni na maboko ti ala.

Josué 9:7

Azo ti Israel atene na azo ti mara ti Hivi so, atene: “E hinga pepe, kodro ti ala ayeke nduru na e ge! Tongana ayeke tongaso, fade e na ala e ga ambuki ni tongana nyen?”

Awafango-ngbanga 1:4

Azo ti mara ti Juda na ti Siméon alondo na bira na tere ti azo ti Kanaan nga na azo ti Perizi. KOTA GBIA azia azo ni na maboko ti ala; ala fâ azo saki baleoko na gbata ti Bezek.

Awafango-ngbanga 11:21

*KOTA GBIA, Nzapa ti Israel azia Sihon na aturugu ti lo kue na maboko ti azo ti Israel; azo ti Israel ahon ndö ti ala na bira ni. Azo ti Israel amu sese so kue azo ti Amori ayeke lango daa.

1 Samuel 23:4

David akiri ahunda KOTA GBIA si KOTA GBIA akiri tënë na lo, atene: “Londo, mo gue na Keila; fade mbi yeke zia azo ti Filistii na maboko ti mo.”