Sigingo 23:27 - Mbeti ti Nzapa - Tënë so amu fini

²⁷ “Amara so ayeke ma tënë ti gango ti ala, mbi yeke sara titene kota mbeto agbu azo ni. Amara so kue ala yeke li na ya ti kodro ti ala, mbi yeke sara titene azo ni akpe kirikiri, mbi yeke sara titene awato ti ala kue akpe na dawa ti ala.

Sigingo 23:27 ပူးပေါင်းရင်းမြစ်များ

Tongo nda ti aye 35:5

Na pekoni, ala londo, ahon. Nzapa asara si kota mbeto agbu azo ti agbata so ayeke nduru na ala. Tongaso zo oko atumba peko ti amolenge ti Jacob pepe.

2 Samuel 22:41

Mo sara si awato ti mbi akpe na dawa ti mbi; mbi yeke fâ awato ti mbi, mbi hunzi ala kue.

2 Agbia 7:6

Biani, Kota Gbia asara si azo ti Sirii ama na ya ti bâbâ ti ala kâ toto ti ambarata, ti apusu ti mbarata nga na toto ti gba ti aturugu. Tongaso azo ti Sirii atene na popo ti ala, atene: “Gbia ti Israel afuta agbia ti mara ti Het na agbia ti Ezipte titene ala tokua aturugu ti ala ti tiri bira na e!”

2 Mbai 14:14

Ala li nga na bira na ndo ti lango ti azo ti batango anyama si ala gbu ataba na angasa gbani gbani nga na *azambala. Na pekoni, ala kiri na Jérusalem.

Abia (Psaumes) 18:40

Mo mu na mbi ngangu ti tiri na bira, azo so alondo ti tiri na mbi, mo sara si ala ti na gbe ti mbi awe.

Abia (Psaumes) 21:12

Tongana ala gi lege ti sara sioni na mo si ala leke tënë na tere ti mo, ala yeke ha gbaa.

Sigingo 33:2

Fade mbi yeke tokua *ange ti mbi na dawa ti ala. Mbi yeke tumba azo ti Kanaan, azo ti mara ti Amori, ti Het, ti Perizi, ti Hivi nga na azo ti mara ti Yebus.

Sigingo 34:24

Fade mbi yeke tumba amara nde na dawa ti ala, mbi yeke sara si sese ti ala, azo ti Israel akono. Na ndembe so ala yeke gue fani ota na ya ti ngu oko oko na dawa ti mbi KOTA GBIA, Nzapa ti ala, zo oko ayeke tara ti mu sese ti ala pepe.

Wungo ti azo 22:3

Mbeto agbu azo ti Moab mingi na dawa ti azo ti Israel, ngbanga ti so ala wu mingi. Kota mbeto ahon ndö ti ala na bango ala.

Ndia ti fani use ni 11:23

Tongana ala sara tongaso, fade lo yeke tumba amara nde so kue na dawa ti ala, azo ti Israel. Ala yeke mu sese ti amara so awu mingi si ala yeke ngangu ahon ala.

Ndia ti fani use ni 11:25

Zo oko ti gbu le ni na ala ayeke daa pepe. Na ndo so kue ala yeke si daa na ya ti sese ni, fade KOTA GBIA Nzapa ti ala ayeke zia kota mbeto ti ala na be ti azo ni, azo ni ayeke duti na mbeto ti ala, azo ti Israel, alingbi na zendo so lo mu lani na ala.

Ndia ti fani use ni 2:25

Gi laso laso, mbi yeke to nda ti sara si amara ti dunia kue aduti na kota mbeto ti ala, ala duti na mbeto ti ala. Tongana azo ni ama tënë ti ala, fade be ti ala ayeke fun kue si ala yeke do na mbeto.”

Ndia ti fani use ni 6:19

Tongana ti so KOTA GBIA atene, fade ala yeke tumba awato ti ala yongoro na dawa ti ala.

Ndia ti fani use ni 7:23

Ti azo ti mara ni so, fade KOTA GBIA Nzapa ti ala, azo ti Israel, ayeke zia ala na maboko ti ala. Lo yeke bi tomboka na li ti ala ngbii ala hunzi kue.

1 Samuel 14:15

Aturugu ti Filistii so angba na ya ti bâbâ nga na azo so ayeke na tere ti bâbâ ni, kota mbeto agbu ala. Ataa aturugu ti batango ndo, na ala ti bubango ndo, kota mbeto ahon ndö ti ala kue. Sese ayingi si kota mbeto ti Nzapa agbu ala.