Sigingo 23:23 - Mbeti ti Nzapa - Tënë so amu fini

²³ “Na ndembe so ange ti mbi ayeke tambula na dawa ti ala ti gue na ala na ndo ti azo ti mara ti Amori, ti Het, ti Perizi, ti Kanaan, ti Hivi na ti Yebus, fade mbi yeke hunzi amara ni so kue.

Sigingo 23:23 ပူးပေါင်းရင်းမြစ်များ

Tongo nda ti aye 24:7

KOTA GBIA, Nzapa ti yayu, asara si mbi zia da ti babâ ti mbi, na kodro so a du mbi daa. Lo sara tënë na mbi si lo deba yanga ti lo na mbi, lo tene: ‘Mbi yeke mu kodro so na *ahale ti mo’. Lo wani laa lo yeke tokua ande *ange ti lo kozo ti mo. Kâ si mo yeke mu mbeni wali na molenge ti mbi.

Tongo nda ti aye 34:2

Sishem, molenge ti Hamor, zo ti mara ti Hivi, makonzi ti kodro ni, abaa Dina, lo mu lo, lo hon na lo, lo gbu lo na ngangu si lo lango na lo.

Sigingo 18:8

Moïse afa na kogara ti lo peko ti ye so kue KOTA GBIA asara na Faraon nga na azo ti Ezipte ndali ti azo ti Israel. Lo fa nga na lo peko ti akpale so kue ala wara na lege si KOTA GBIA azi ala na ya ni.

Sigingo 23:20

“Fade mbi yeke tokua mbeni *ange na dawa ti ala ti bata ala na lege; lo yeke sara si ala si na ndo so mbi leke ndali ti ala.

Sigingo 3:17

Nilaa mbi tene: Mbi yeke zi ala na sese ti Ezipte, ndo so ala yeke baa pasi daa mingi so, ti sigigi na ala. Mbi yeke gue na ala na sese ti azo ti Kanaan, azo ti mara ti Het, ti Amori, ti Perizi, ti Hivi na ti Yebus, *sese so ngu ti me ti bagara na mafuta ti wotoro asi singo daa.’

Sigingo 32:2

Aaron akiri tënë na ala: “Aye ti mê so a sara na lôro si ayeke na mê ti awali ti ala, ti amolenge ti ala ti koli na ti wali, ala gboto ni aga na ni na mbi.”

Ésaïe 5:13

Ndani laa KOTA GBIA atene: “Fade a yeke gbu azo ti mbi ti gue na ala na kodro wande, ngbanga ti so ala hinga ndo pepe. Akota zo ayeke kui nzara si asenge zo ayeke kui nzara ti ngu.”

Ndia ti fani use ni 9:3

Alingbi ala hinga laso atene, *KOTA GBIA Nzapa ti ala wani laa ayeke tambula na dawa ti ala tongana wâ so ayeke gbi ndo kue. Fade lo yeke kinda azo ni na dawa ti ala si lo yeke nika ala. Ala azo ti Israel, ala yeke tumba azo ni si ala yeke fâ ala kue ti hunzi ala gi hio tongaso, alingbi na zendo so KOTA GBIA amu na ala.

Josué 23:9

KOTA GBIA atumba na dawa ti ala amara so ayeke kota si ayeke ngangu mingi; zo oko agbu le ni na ala, azo ti Israel pepe, ngbii asi laso.

Josué 5:13

Mbeni lâ, Josué ayeke nduru na gbata ti Jéricho. Lo ye ti baa ndo tongaso, lo baa mbeni koli ayeke luti na dawa ti lo. Koli ni agbu mbeni yongoro zeme so lo zi ni na ya ti bozo ni awe. Josué ague na tere ti lo si ahunda lo: “Mo yeke na mbage ti e wala mo yeke na mbage ti awato ti e?”

Josué 9:1

Agbia so kue ayeke na mbage ti ngu ti Jourdain, ala so ayeke na sese ti ahoto, ala so ayeke na *Kodro-ti-gbeni, ala so ayeke na yanga ti kota ngu-ingo ti Mediterane ngbii asi na Liban ama tënë ti ye so asi na gbata ti Ai. Tongaso azo ti mara ti Het, ti Amori, ti Kanaan, ti Perizi, ti Hivi na ti Yebus