Sigingo 23:20 - Mbeti ti Nzapa - Tënë so amu fini

²⁰ “Fade mbi yeke tokua mbeni *ange na dawa ti ala ti bata ala na lege; lo yeke sara si ala si na ndo so mbi leke ndali ti ala.

Sigingo 23:20 ပူးပေါင်းရင်းမြစ်များ

Tongo nda ti aye 15:18

Gi na lango ni so KOTA GBIA asara *mbuki na popo ti lo na Abram, lo tene: “Mbi yeke mu ande kodro so na ahale ti mo. Kodro ni ayeke londo na ngu ti Ezipte ague ngbii asi na *bale ti Efrate.

Tongo nda ti aye 24:40

Lo kiri tënë na mbi, lo tene: ‘KOTA GBIA so mbi tambula na gbe ti le ti lo so, ayeke tokua ange ti lo titene mo na lo atambula. Lo yeke sara titene tambula ti mo ague nzoni. Mo yeke mu wali na popo ti azo ti sewa ti mbi, na ya ti mara ti mbi, ti mu lo na molenge ti mbi.

Tongo nda ti aye 24:7

KOTA GBIA, Nzapa ti yayu, asara si mbi zia da ti babâ ti mbi, na kodro so a du mbi daa. Lo sara tënë na mbi si lo deba yanga ti lo na mbi, lo tene: ‘Mbi yeke mu kodro so na *ahale ti mo’. Lo wani laa lo yeke tokua ande *ange ti lo kozo ti mo. Kâ si mo yeke mu mbeni wali na molenge ti mbi.

Tongo nda ti aye 48:16

ayeke nzoni *ange so azi mbi na ya ti ye ti sioni asara tufa na ndö ti amolenge so. Ayeke nzoni iri ti mbi na ti ababâ ti mbi Abraham na Isaac angba ti wu ndali ti ala. Ayeke nzoni ala du amolenge mingi si ala wu mingi na ndö ti sese.”

Abia (Psaumes) 91:11

ngbanga ti so fade KOTA GBIA ayeke mu yanga na *a-ange ti lo ti bata mo na ndo so kue mo yeke gue daa.

Sigingo 14:19

*Ange ti Nzapa so ayeke tambula na dawa ti azo ti Israel so akiri ague, aluti na peko ti ala. Ngbongboro mbinda so ayeke tambula na dawa ti ala so akiri ague, aluti na peko ti ala.

Sigingo 15:16

Mbeto na kota mbeto agbu ala. KOTA GBIA, so ala baa ngangu ti maboko ti mo, mbeto ahon ndö ti ala si tënë ahunzi na yanga ti ala, ngbii azo ti mo ahon na mbage ti ngu ni; azo ti mo so mo vo ala so.

Sigingo 15:17

KOTA GBIA, fadeso mo sara si ala li kâ, mo zia ala na ndö ti hoto so ayeke ti mo; ndo so mo leke ti duti daa laa, ndo ni ayeke nde si ayeke nzoni kue, maboko ti mo wani laa aleke ni.

Sigingo 23:23

“Na ndembe so ange ti mbi ayeke tambula na dawa ti ala ti gue na ala na ndo ti azo ti mara ti Amori, ti Het, ti Perizi, ti Kanaan, ti Hivi na ti Yebus, fade mbi yeke hunzi amara ni so kue.

Sigingo 32:34

Fadeso mo gue; mo mu azo ni, mo gue na ala na ndo so mbi tene tënë ni na mo so. Fade *ange ti mbi ayeke tambula na dawa ti mo. Me na lango so mbi yeke ga na tere ti ala, mbi yeke fâ ngbanga na li ti ala ndali ti siokpari ti ala.”

Sigingo 33:14

KOTA GBIA akiri tënë na Moïse, atene: “Mbi wani, mbi yeke gue na ala! Mo gi be ti mo pepe.”

Sigingo 33:2

Fade mbi yeke tokua *ange ti mbi na dawa ti ala. Mbi yeke tumba azo ti Kanaan, azo ti mara ti Amori, ti Het, ti Perizi, ti Hivi nga na azo ti mara ti Yebus.

Ésaïe 63:9

Na ya ti aye ti ngangu ti ala kue, lo soro mbeni zo wala mbeni watokua ti soo ala pepe, me lo wani laa lo soo ala. Na lege ti ndoye ti lo nga na lege nzoni be ti lo, lo zi ala; lo gbu ala si lo yo ala na ya ti angoi so kue ahon.

Zakarii 12:8

Na lango ni so, fade KOTA GBIA ayeke bata azo ti Jérusalem: azo so ayeke na popo ti ala si ayeke na ngangu pepe, ala yeke ga azo ti ngangu tongana David. Ahale ti David ayeke duti na le ti azo ni tongana Nzapa, tongana *ange ti KOTA GBIA so ayeke tambula na dawa ti ala.

Malashii 3:1

Tënë so *KOTA GBIA so ayeke na ndö ti dunia kue atene laa: “Baa, mbi yeke tokua zo ti mbi; lo yeke leke lege na dawa ti mbi. Gi hio tongaso, kota zo so ala yeke gi lo so, fade lo yeke si na ya ti kota da ti lo. Zo ti tokua so ala sara nzara ti lo so ayeke ga ti fa tënë ti *mbuki ti mbi na ala.

Wungo ti azo 20:16

E dekongo na *KOTA GBIA, lo ma e si lo tokua mbeni *ange ti lo ti sigigi na e na Ezipte. E yeke fadeso na Kades, gbata so ayeke na katikati ti sese ti mo.

Wungo ti azo 22:22

Hongo ti Balaam ni azia ngonzo na be ti Nzapa. Balaam ayeke tambula na ndö ti mama ti lele, azo ti kua ti lo use amu peko ti lo. *Ange ti *KOTA GBIA aga aluti na ndö ti lege ti kanga lege na lo.

Matthieu 25:34

Tongaso, fade Gbia ni ayeke tene na azo so ayeke na mbage ti maboko ti lo ti koli: ‘Ala ga, ala so Babâ ti mbi asara tufa na ndö ti ala; ala ga awa ti *Kodro-gbia ti yayu so lo leke ni ndali ti ala ando, ngbene ye so dunia abaa gigi.

Jean 14:3

Tongana mbi gue, mbi leke ndo na ala awe, fade mbi yeke kiri ti mu ala na tere ti mbi si ala nga, ala duti na ndo so mbi yeke duti daa.

Ndia ti fani use ni 33:2

Lo tene: “*KOTA GBIA alondo na hoto ti Sinai si aga. Tongana ti so lâ ayeke sigigi, lo sigigi ndali ti azo ti lo na sese ti Seir kâ. So lo ngba kâ na hoto ti Paran, lo su na ndö ti azo ti lo. *A-ange gbani gbani amu peko ti lo si lo na ala aga; lo gbu na ya ti maboko ti lo ti koli ndia so ayeke za tongana menga ti wâ.

Josué 23:5

Fade KOTA GBIA Nzapa ti ala wani ayeke tumba azo ni, lo yeke sara titene azo ni akpe na dawa ti ala si ala azo ti lo, ala yeke mu sese ni tongana ti so KOTA GBIA Nzapa ti ala amu zendo ni na ala.

Josué 5:13

Mbeni lâ, Josué ayeke nduru na gbata ti Jéricho. Lo ye ti baa ndo tongaso, lo baa mbeni koli ayeke luti na dawa ti lo. Koli ni agbu mbeni yongoro zeme so lo zi ni na ya ti bozo ni awe. Josué ague na tere ti lo si ahunda lo: “Mo yeke na mbage ti e wala mo yeke na mbage ti awato ti e?”

Josué 5:14

Koli ni akiri tënë: “Mbi yeke na mbage ti zo oko pepe; me mbi yeke makonzi ti aturugu ti *KOTA GBIA. Gango ti mbi laa.” Tongaso Josué ati, lo kpo li ti lo na sese si lo tene: “Nyen laa kota zo ti mbi aye ti tene na mbi, zo ti gbe ti lo?”

Josué 6:2

*KOTA GBIA atene na Josué: “Baa, mbi zia na maboko ti mo awe gbata ti Jéricho, gbia ni nga na angangu zo ti bira ni.