Sigingo 22:30 - Mbeti ti Nzapa - Tënë so amu fini

³⁰ “Fade ala yeke duti azo so azia tere ti ala nde ndali ti mbi. Nyama so mbeni sioni nyama asuru ya ti lo, fade ala te kasa ni pepe; ala bi ni na ambo.”

Sigingo 22:30 ပူးပေါင်းရင်းမြစ်များ

Tongo nda ti aye 17:12

Fade a yeke fâ amolenge ti ala ti koli kue na ganza lango miombe na peko ti dungo ala. Ala sara tongaso na lege ti molongo ti dungo azo ni oko oko kue. Angbaa ti ala so a du ala na da ti ala, na ala so a vo ala vongo na nginza si ala yeke azo ti mara ti ala pepe so, alingbi a fâ nga ala na ganza.

Sigingo 13:12

Tongana ala si kâ, fade ala yeke mu na KOTA GBIA amolenge-koli so azi lege ti dungo ni na mama ti ala nga na amolenge ti nyama so azi lege ti dungo ni na mama ti ala. Ala kue ayeke ti KOTA GBIA.

Ezekiel 4:14

Mbi kiri tënë, mbi tene: “Ae! Kota Gbia NZAPA, laoko mbi buba tere ti mbi pepe. So mbi de molenge ngbii asi laso, laoko mbi te kuâ ti nyama pepe, wala nyama so mbeni sioni nyama asuru ya ti lo. *Sioni kasa ti nyama ade ti li na yanga ti mbi laoko pepe.”

Awayango-sandaga 11:44

Mbi laa mbi yeke KOTA GBIA Nzapa ti ala: alingbi ala sara ye tongana azo so ayeke nde si ayeke nzoni kue, ngbanga ti so mbi yeke nde si mbi yeke nzoni kue. Akete nyama so ayeke gbani na ndö ti sese, alingbi ala ga *sioni ndali ti ala pepe.

Awayango-sandaga 11:45

Biani, mbi KOTA GBIA laa, mbi sara si ala sigigi na kodro ti Ezipte titene mbi duti Nzapa ti ala. Tongaso, ayeke nzoni ala duti azo so ayeke nde si ayeke nzoni kue, ngbanga ti so mbi yeke nde si mbi yeke nzoni kue.”

Awayango-sandaga 12:3

Na lango miombe ni, a yeke fâ molenge ni na *ganza.

Awayango-sandaga 17:15

“Tongana mbeni zo ti Israel wala mbeni wande ate kuâ ti nyama, wala nyama so mbeni sioni nyama asuru ya ti lo, fade lo yeke sukula abongo ti lo, lo yeke sukula ngu. Lo yeke ngba *sioni ngbii asi na lakui. Na pekoni, lo yeke kiri ti ga *nzoni.

Awayango-sandaga 22:27

“Tongana mbeni bagara adu, wala mbeni taba adu, wala mbeni ngasa adu, alingbi amolenge ni angba na tere ti mama ti ala na ya ti lango mbarambara. Na lango miombe ni, tongana a mu ala na sandaga so a yeke gbi ni kue na wâ, fade mbi yeke yeda na ni.

Awayango-sandaga 22:8

Alingbi wayango-sandaga ate kuâ ti mbeni nyama ti ngonda pepe, wala mbeni nyama so mbeni sioni nyama asuru ya ti lo. Tongana lo te ni, fade lo yeke ga *sioni. Mbi laa mbi yeke KOTA GBIA.

Awayango-sandaga 7:23

Tene na azo ti Israel, mo tene: “Mafuta ti kasa ti bagara, ti taba na ti ngasa, alingbi ala te ni pepe.

Awayango-sandaga 7:24

Mafuta ti nyama so akui kuingo, wala ti nyama so mbeni sioni nyama asuru ya ti lo, ala lingbi ti sara na kua kue, me alingbi ala te ni pepe.

Awayango-sandaga 7:26

Na ndo so kue ala yeke duti daa, alingbi ala te mene ti ndeke, wala ti nyama pepe.

Ndia ti fani use ni 14:21

Nyama so akui na be ti lo wani, alingbi ala te lo pepe. Ala mu nyama ni na wande so asara kodro na ndo ti ala, wala ala ka nyama ni kango na mbeni wande. Biani, ala azo ti Israel, ala yeke azo so a zia ala nde ndali ti KOTA GBIA Nzapa ti ala. Alingbi ala to molenge ti ngasa na ya ti ngu ti me ti mama ti lo pepe.

Ndia ti fani use ni 15:19

Moïse atene: Ala azo ti Israel, fade ala yeke mu akozo molenge-koli ti abagara ti ala, ti ataba na ti ngasa ti ala, ala zia ni nde ndali ti *KOTA GBIA Nzapa ti ala. Ala yeke mu kozo molenge ti koli-bagara ti fâ na yaka pepe, ala yeke fâ kua ti tere ti kozo molenge ti taba pepe.