Sigingo 22:28 - Mbeti ti Nzapa - Tënë so amu fini

²⁸ “Ale ti kobe ti ala na ale ti vinye ti ala, ti mbi mbage ni, ala ku kungo pepe ti ga na ni na mbi. “Fade ala zia nde ndali ti mbi kozo molenge ti ala ti koli.

Sigingo 22:28 ပူးပေါင်းရင်းမြစ်များ

2 Samuel 16:5

So David asi nduru na Bahurim awe, mbeni koli asigigi, lo na Saul ayeke mara oko, iri ti lo ayeke Shimei, molenge ti Gera. Lo sigigi na ya ti kodro ni si lo yeke deba David.

2 Samuel 16:9

Abishai, so iri ti lo ayeke Seruya atene na gbia: “Gbia ti mbi, kuâ ti mbo so ayeke deba mo ngbanga ti nyen? Zia mbi gue, mbi de go ti lo.”

2 Samuel 19:21

Gbia ti mbi, mbi hinga so mbi sara siokpari awe. Me laso, mbi yeke kozo zo na popo ti azo ti Israel kue ti Banga ti ga ti wara mo.”

1 Agbia 21:10

Ala zia agodobe use na dawa ti Nabot titene ala bi tënë na li ti lo, atene: ‘Mo zonga Nzapa, mo zonga nga gbia ti kodro!’ Na pekoni, fade ala sigigi na lo na ya ti gbata ni, ala bo lo na têne titene lo kui!”

Abia (Psaumes) 138:1

Bia ti David. Mbi ye ti mu singila na mo na be ti mbi kue; mbi yeke he bia ti sepela mo na dawa ti anzapa

Abia (Psaumes) 32:6

Nilaa zo so kue ayeke zo ti mo, alingbi lo sambela mo na lango so lo hinga sioni ti lo. Ataa akpale aga tongana ngu so asuku amu ndo kue, fade akpale ni ayeke si na lo pepe.

Sigingo 13:12

Tongana ala si kâ, fade ala yeke mu na KOTA GBIA amolenge-koli so azi lege ti dungo ni na mama ti ala nga na amolenge ti nyama so azi lege ti dungo ni na mama ti ala. Ala kue ayeke ti KOTA GBIA.

Sigingo 13:2

“Akozo molenge-koli so kue ayeke na Israel, ala so azi lege ti dungo ni na mama ti ala, mo zia ala nde ndali ti mbi. Biani, akozo molenge-koli ti zo na akozo molenge-koli ti nyama ayeke ti mbi.”

Sigingo 21:17

“Zo so adeba babâ ti lo wala mama ti lo, alingbi ala fâ lo.”

Sigingo 23:16

Na pekoni, fade ala yeke sara matanga ti ale ti kobe na ndembe so ala yeke fâ akozo le ti kobe so ala lu na yaka. Na peko ti so, na hunzingo ti ngu, tongana ala hunzi fango ale ti kobe ni awe, fade ala yeke sara matanga ti bongbingo ale ti kobe ni.

Sigingo 23:19

Fade ala yeke ga na akozo le ti kobe ti yaka ti ala na ya ti da ti mbi KOTA GBIA, Nzapa ti ala. Alingbi ala to molenge ti ngasa na ya ti ngu ti me ti mama ti lo pepe.”

Zo ti bongbingo azo 10:20

Mo kasa gbia na ya ti be ti mo pepe. Mo kasa zo ti mosoro pepe, ataa na ya ti kubu ti mo, ngbanga ti ndeke amu tënë ni ti hon na ni si lo fa peko ni na zo.

Awayango-sandaga 24:11

Iri ti mama ti molenge-koli ni ayeke Shelomit; Shelomit ayeke molenge ti Dibri ti wali; Dibri ayeke zo ti mara ti Dan. Molenge ti Shelomit azonga iri ti Nzapa si adeba lo. A mu molenge-koli ni ague na lo na Moïse.

Awayango-sandaga 24:15

Fade mo yeke tene na azo ti Israel, mo tene: “Tongana mbeni zo azonga Nzapa ti lo, fade ngbanga ti sioni ti lo ayeke kiri na li ti lo wani.

Awayango-sandaga 24:16

Zo so azonga iri ti KOTA GBIA, fade a yeke fâ lo; bongbi ti azo ni kue ayeke bo lo na têne si ayeke fâ lo. Ataa zo ni ayeke wande, wala molenge ti kodro, fade a yeke fâ lo, ngbanga ti so lo zonga iri ti Nzapa.

Awatokua 23:3

Tongaso Paul atene na lo: “Mo, so mo yeke tongana dere ti da so a sara mbamba daa so, fade Nzapa ayeke pika mo! Mo duti ti fâ ngbanga ti mbi na lege ti ndia, me mo zia ndia ni awe si mo mu yanga titene a pika mbi!”

Awatokua 23:5

Paul akiri tënë, atene: “A-ita, mbi hinga fade pepe, mbi tene, lo yeke kota wayango-sandaga. Biani, Mbeti ti Nzapa atene: ‘Mo tene sioni tënë na tere ti makonzi ti mara ti mo pepe.’ ”

1 Pierre 2:17

Ala ne azo kue, ala ye a-ita ti ala, ala kpe mbeto ti Nzapa, ala ne kota gbia.

2 Pierre 2:10

Lo yeke fâ ande ngbanga kozoni na li ti azo so ayeke sara aye ti potopoto na lege ti nzara ti aye ti kirikiri so ayeke na be ti ala si ala baa komandema ti Nzapa tongana buba ye na le ti ala. Awafango-ye ti mvene so abaa tere ti ala tongana azo so alingbi awe; baba ahon ndö ti ala, ayingo ti yayu so ayeke na gonda, azo ni akpe mbeto ti ala pepe si ala yeke zonga ala.

Jude 1:8

Azo so asi na popo ti ala so, ala nga ayeke sara ye tongaso: ambeni ye aga na li ti ala tongana bango-li, apusu ala ti sara siokpari na tere ti ala wani; ala baa komandema ti Nzapa tongana buba ye na le ti ala si ala yeke zonga ayingo ti yayu so ayeke na gonda.

1 Samuel 24:10

David atene na Saul: “Tënë so azo ayeke tene na mo atene, mbi yeke gi lege ti sara sioni na mo so, mo ma ni ngbanga ti nyen?

1 Samuel 24:6

Na peko ti aye so, be ti David apika mingi, ngbanga ti so lo fâ yanga ti kota bongo ti Saul.

1 Samuel 26:9

Me David atene na Abishai: “Fâ lo pepe. Zo so *KOTA GBIA atuku mafuta na li ti lo awe so, tongana mbeni zo afâ lo, fade a yeke zia zo ni senge?”