Sigingo 22:27 - Mbeti ti Nzapa - Tënë so amu fini

²⁷ “Alingbi ala deba Nzapa pepe; ala deba makonzi ti mara ti ala pepe.

Sigingo 22:27 ပူးပေါင်းရင်းမြစ်များ

2 Samuel 16:5

So David asi nduru na Bahurim awe, mbeni koli asigigi, lo na Saul ayeke mara oko, iri ti lo ayeke Shimei, molenge ti Gera. Lo sigigi na ya ti kodro ni si lo yeke deba David.

1 Agbia 2:8

Mo girisa Shimei pepe, molenge ti Gera, zo ti kete kodro ti Bahurim; lo yeke zo ti mara ti Benjamin. Lani so mbi yeke kpe ti gue na Mahanaim, lo deba mbi sioni sioni. Me na pekoni, lo gue na yanga ti ngu ti Jourdain ti yamba mbi. Mbi deba yanga ti mbi na lo na le ti *KOTA GBIA, mbi tene: ‘Fade mbi yeke fâ lo pepe.’

1 Agbia 2:9

Fadeso, mo yeke zo ti ndara; fade mo yeke zia lo senge tongaso pepe. Mo hinga ye so mo yeke sara ande na lo. Ataa so lo ga mbakoro awe, mo yeke sara kue titene a fâ lo.”

2 Mbai 30:9

Tongana ala kiri na mbage ti KOTA GBIA, azo so agbu a-ita ti ala na amolenge ti ala si ague na ala na kodro wande, fade azo ni ayeke baa mawa ti a-ita ti ala na amolenge ti ala ni, ala yeke zia lege na ala ti kiri na ya ti kodro so. Biani, KOTA GBIA, Nzapa ti ala ayeke sara nzoni be si lo yeke baa mawa ti zo. Tongana ala kiri na mbage ti lo, lo yeke bi le ti lo yamba na ala pepe.”

Abia (Psaumes) 34:6

Azo so abaa ndo na mbage ti lo, le ti ala ayeke za zango na ngia, kamene ayeke gbu le ti ala pepe.

Abia (Psaumes) 72:12

Biani, zo ti mawa so ayeke toto na gbia ni, gbia ni ayeke zi lo na ya ti pasi, zo ti mawa so mbeni zo ti mu maboko na lo ayeke daa pepe, gbia ni ayeke mu maboko na lo.

Abia (Psaumes) 86:15

Me mo Kota Gbia, mo yeke Nzapa so mo yeke baa mawa ti zo si mo yeke sara nzoni be na zo; mo yeke sara ngonzo hio hio pepe, nzoni be ti mo asi singo si mo yeke bata tënë ti yanga ti mo lakue.

Sigingo 22:23

Fade ngonzo ti mbi ayeke londo tongana wâ si mbi yeke fâ azo ti sioni ni na lege ti bira. Tongaso, fade awali ti ala ayeke ga awali-mua si amolenge ti ala ayeke ga anyindu.

Sigingo 34:6

KOTA GBIA ahon na dawa ti Moïse si lo to mbela, lo tene: “Mbi yeke KOTA GBIA! Mbi yeke KOTA GBIA, Nzapa so mbi yeke baa mawa ti zo, mbi yeke sara nzoni be na zo, mbi yeke sara ngonzo hio hio pepe, nzoni be ti mbi asi singo si mbi yeke bata tënë ti yanga ti mbi lakue.

Zo ti bongbingo azo 10:20

Mo kasa gbia na ya ti be ti mo pepe. Mo kasa zo ti mosoro pepe, ataa na ya ti kubu ti mo, ngbanga ti ndeke amu tënë ni ti hon na ni si lo fa peko ni na zo.

Ésaïe 19:20

So ayeke mbeni ye so ayeke fa atene, KOTA GBIA so ayeke na ndö ti dunia kue ayeke na ya ti kodro ti Ezipte. Tongana azo ti Ezipte adekongo na KOTA GBIA ndali ti azo so ayeke sara ngangu na ala, fade lo yeke tokua mbeni wasongo ala so ayeke gbu koko ti ala si ayeke zi ala.

Ndia ti fani use ni 24:10

Moïse atene: Tongana mo mu mbeni ye ti mo na yongo na mba ti mo, alingbi mo li na da ti lo pepe ti mu mbeni ye ti lo ti bata ndali ti yongo ti mo ni.