Sigingo 22:25 - Mbeti ti Nzapa - Tënë so amu fini

²⁵ “Tongana ala mu kota bongo ti de ti mba ti ala ndali ti mbeni ye ti ala so ayeke na maboko ti lo, alingbi ala kiri na lo bongo ni kozoni si lâ akui.

Sigingo 22:25 ပူးပေါင်းရင်းမြစ်များ

2 Agbia 4:1

Mbeni lâ, mbeni wali so koli ti lo ayeke na ya ti bongbi ti awayanga-Nzapa, aga ti baa Élisée si atene: “Koli ti mbi so ayeke lani zo ti kua ti mo, akui awe. Lo yeke kpe ando mbeto ti *KOTA GBIA mingi; mo hinga kue. Fadeso mbeni koli so boon ti lo ayeke na li ti e aga ti mu amolenge ti mbi use titene ala ga angbaa ti lo.”

2 Agbia 4:7

Wali ni aga atene tënë ni na zo ti Nzapa si zo ti Nzapa atene: “Gue, mo ka mafuta ni, mo futa na boon so ayeke na li ti mo. Tanga ti nginza ni, fade mo na amolenge ti mo ayeke te na kobe.”

Néhémie 5:7

Tongaso mbi leke na be ti mbi ti suku na akota zo nga na amakonzi. Mbi tene na ala, mbi tene: “Ala yeke sara boon na a-ita ti ala si ala yeke hunda titene a-ita ti ala ni azia mbeni ye na ndö ni si akiri na ni na ala?” Na pekoni, mbi tisa azo ni na ya ti mbeni kota bongbi.

Abia (Psaumes) 15:5

Tongana lo sara boon ti nginza na mbeni zo, lo yeke hunda ti wara mbeni ye na ndö ni pepe. Tongana mbeni zo aye ti pete goro na lo titene lo tene mvene na li ti zo so tënë ayeke na li ti lo pepe, lo yeke ke. Zo so asara ye tongaso, mbeni ye ti yingi lo ayeke daa pepe.

Amato 28:8

Mbeni zo aye ti ga zo ti mosoro; lo yeke sara boon ti nginza na azo titene azo ni azia gba ti nginza na ndö ni si akiri na ni na lo. Me fade mosoro ni so ayeke gue na maboko ti zo so ayeke baa mawa ti awayere.

Jérémie 15:10

Mama ti mbi, so mawa na mbi so mo du mbi so! Na ya ti kodro ni kue, azo ake mbi, ala ye gi kuâ ti mbi. Yongo ti mbi ayeke na li ti zo pepe, yongo ti mbeni zo ayeke na li ti mbi nga pepe, me azo kue ayeke deba mbi!

Ezekiel 18:13

Tongana lo sara boon ti nginza na mbeni zo, lo yeke hunda gba ti nginza na ndö ni, lo yeke gi ti wara mbeni ye na peko ni. Mara ti molenge tongaso ayeke ngba na fini? Oko pepe! So lo sara aye so kue zo alingbi ti baa na le ti lo fani use pepe so, fade lo yeke kui si ngbanga ti mene ti lo ayeke kiri na li ti lo wani.

Ezekiel 18:17

Lo yeke yoro tere ti lo na ya ti ye ti kirikiri pepe. Tongana lo sara boon ti nginza na mbeni zo, lo yeke hunda mbeni nginza na ndö ni pepe, lo yeke gi ti wara ye na peko ni pepe. Lo yeke sara ye alingbi na aye so mbi fa si lo yeke tambula alingbi na atënë ti ndia ti mbi. Molenge-koli so ayeke kui ndali ti asiokpari ti babâ ti lo pepe; biani, lo yeke ngba na fini.

Ezekiel 18:7

Lo yeke sara ngangu na zo pepe; tongana lo gbu ye ti zo ndali ti yongo ti lo so ayeke na li ti zo ni, lo yeke kiri na ni; lo yeke nzi ye ti zo pepe, lo yeke mu kobe na zo so nzara asara lo, lo yeke mu bongo na zo so bongo atia lo.

Ezekiel 18:8

Tongana lo sara boon ti nginza na mbeni zo, lo yeke hunda mbeni nginza na ndö ni pepe, lo yeke gi ti wara ye na peko ni pepe; lo yeke yoro tere ti lo na ya ti ye ti kirikiri pepe, lo yeke fâ ya ti ngbanga na legeni.

Ezekiel 22:12

Na ndo ti mo, azo ayeke mu goro titene ala tuku mene. Ala sara boon ti nginza na amba ti ala si na pekoni, ala yeke hunda gba ti nginza na ndö ni; ala yeke te aye ti amba ti ala na ngangu. Ti mbi, be ti ala agirisa na mbi biani biani; so tënë ti yanga ti Kota Gbia NZAPA laa.

Amos 2:8

Abongo so ala gbu na maboko ti awayere ndali ti boon so awayere ni amu, ala bi na sese, nduru na tere ti agbalaka si ala yeke lango na ndö ni. Vin so ala gbanzi, ala ayeke nyon ni na ya ti da ti anzapa ti ala.

Matthieu 25:27

Mo lingbi fade ti zia nginza ti mbi na ndo-kua ti batango nginza titene tongana mbi kiri, mbi wara mbeni kete nginza na ndö ni pepe?

Nzoni Tënë so Luc asu na mbeti 19:23

Ngbanga ti nyen si mo zia nginza ti mbi na ndo-kua ti batango nginza pepe? Tongana mo zia ni fade kâ, ka nginza ni adu mbeni na ndö ni si na kiringo ti mbi, mbi yeke mu ni kue.’

Ndia ti fani use ni 15:7

Tongana mbeni wayere ayeke na popo ti a-ita ti ala, azo ti Israel, na ya ti mbeni gbata oko ti sese so KOTA GBIA Nzapa ti ala ayeke mu na ala, alingbi ala kpengba be ti ala pepe, ala kanga nga maboko ti ala pepe ti sara boon na lo.

Ndia ti fani use ni 24:13

Na lakui, mo kiri ni na lo; tongaso, fade lo yeke yu kota bongo ti lo ti de ti lango na ni na bi si lo yeke sara tufa na ndö ti mo. Fade *KOTA GBIA Nzapa ti mo ayeke baa ye so mo sara so tongana ye ti mbirimbiri.