Sigingo 22:24 - Mbeti ti Nzapa - Tënë so amu fini

²⁴ “Tongana ala sara boon ti nginza na zo ti mbi, zo ti mawa so ayeke na popo ti ala, alingbi ala sara ye na lo pepe tongana ambeni zo ti sarango boon so ahunda ye ahon ndoni so. Alingbi ala hunda na zo ti mbi ni ti zia mbeni nginza na ndö ni pepe.

Sigingo 22:24 ပူးပေါင်းရင်းမြစ်များ

Néhémie 5:7

Tongaso mbi leke na be ti mbi ti suku na akota zo nga na amakonzi. Mbi tene na ala, mbi tene: “Ala yeke sara boon na a-ita ti ala si ala yeke hunda titene a-ita ti ala ni azia mbeni ye na ndö ni si akiri na ni na ala?” Na pekoni, mbi tisa azo ni na ya ti mbeni kota bongbi.

Mbeti ti Job 31:23

Biani, mbeto titene Nzapa atokua kpale na ndö ti mbi asara mbi mingi; nilaa mbi sara ni pepe. Mbi kpa ti luti na dawa ti gonda ti lo ti sara mara ti ye tongaso?

Abia (Psaumes) 109:2

ngbanga ti so azo ti sioni na azo ti mvene azi yanga ti ala na tere ti mbi, ala yeke tene mvene na iri ti mbi.

Abia (Psaumes) 109:9

Ayeke nzoni amolenge ti lo aga anyindu, wali ti lo aga wali-mua,

Abia (Psaumes) 15:5

Tongana lo sara boon ti nginza na mbeni zo, lo yeke hunda ti wara mbeni ye na ndö ni pepe. Tongana mbeni zo aye ti pete goro na lo titene lo tene mvene na li ti zo so tënë ayeke na li ti lo pepe, lo yeke ke. Zo so asara ye tongaso, mbeni ye ti yingi lo ayeke daa pepe.

Abia (Psaumes) 69:24

Ayeke nzoni le ti ala avuko si ala kiri abaa ndo pepe! Mo sara si peko ti ala aba bango lakue!

Abia (Psaumes) 76:7

Nzapa ti Jacob, tongana mo suku na ala, azo ti kpengo na mbarata nga na ambarata ni aluti kpoo.

Abia (Psaumes) 90:11

Zo wa laa alingbi ti hinga ngangu ti ngonzo ti mo? Zo so akpe mbeto ti mo laa ahinga ngonzo ti mo nzoni mingi!

Jérémie 15:8

Mbi sara si awali-mua ti ala akiri aga gbani gbani tongana mbutu ti yanga ti kota ngu-ingo. Taa na kota lâ, mbi tokua mbeni zo ti bingo kpale ti ga na ndö ti mama ti ngangu zo ti bira. Gi hio tongaso, mbi bi na ndö ti lo kota ye ti vundu na ye ti mbeto.

Jérémie 18:21

Ndani laa, mo zia amolenge ti ala akui na nzara. Mo sara si ala wani akui na lege ti yongoro zeme. Ayeke nzoni awali ti ala aga awali-mua si amolenge ti ala akui. Ayeke nzoni kuâ amu akoli ti ala si amaseka-koli ti ala akui na ya ti bira.

Abia ti demango tere 5:3

E yeke anyindu, ababâ ti e ayeke daa mbeni pepe; amama ti e ayeke tongana awali-mua.

Awayango-sandaga 25:35

“Tongana mba ti ala aga wayere si lo wara lege ti kiri na yongo ti ala pepe, alingbi ala mu maboko na lo, tongaso si lo ngba ti duti na tere ti ala. Ala sara nga gi mara ti ye so na wande so aduti na popo ti ala, wala na wande so aga ndali ti mbeni kete ngoi.

Awayango-sandaga 25:36

Ala hunda na lo ti zia mbeni ye na ndö ti yongo ni ti kiri na ni na ala pepe. Tongaso laa ala yeke fa atene, ala yeke kpe mbeto ti mbi Nzapa ti ala; tongaso si mba ti ala ni angba ti duti na tere ti ala.

Nahum 1:6

Tongana lo sara ngonzo, zo wa laa ayeke luti na le ti lo, zo wa? Tongana ngonzo ti lo alondo tongana wâ, zo wa laa ayeke ngba na fini, zo wa? Ngonzo ti lo ayeke gbi ye kue tongana ti so kota wâ ayeke gbi ye kue; ya ti akota têne ayeke suru na dawa ti lo.

Nzoni Tënë so Luc asu na mbeti 6:38

Ala mu ye na azo si Nzapa amu nga ye na ala. Fade a yeke mu ye ti hakango na ye, a haka ye na ya ni, a pete ndö ni, a yingi ni ngbii asi meke meke si a tuku ni na yanga ti bongo ti ala. Ye so ala yeke mu ti haka na ye na amba ti ala, gi ni laa a yeke mu nga ti haka na ye na ala.”

Ndia ti fani use ni 23:20

Moïse atene: Tongana ala sara boon na ita ti ala, zo ti Israel, ataa nginza, ataa kobe wala mbeni ye nde, alingbi ala hunda na lo ti zia mbeni ye na ndö ni si lo kiri na ni pepe.

Ndia ti fani use ni 23:21

Ala lingbi ti hunda na wande ti zia mbeni ye na ndö ti ye so lo sara boon ni na maboko ti ala; me ala lingbi ti sara tongaso na ita ti ala, zo ti Israel pepe. Tongaso, na sese so ala yeke gue ti mu ni titene aga ti ala, fade *KOTA GBIA Nzapa ti ala ayeke sara tufa na ndö ti ala na ya ti akua ti ala kue.

Ahebro 10:31

Titene zo ati na gbe ti ngbanga ti Nzapa so ayeke na fini, so ayeke ye ti ngangu mingi!