Sigingo 22:23 - Mbeti ti Nzapa - Tënë so amu fini

²³ Fade ngonzo ti mbi ayeke londo tongana wâ si mbi yeke fâ azo ti sioni ni na lege ti bira. Tongaso, fade awali ti ala ayeke ga awali-mua si amolenge ti ala ayeke ga anyindu.

Sigingo 22:23 ပူးပေါင်းရင်းမြစ်များ

Mbeti ti Job 34:28

Ala pusu azo ti mawa ti dekongo na Nzapa. Andaa lo ma dekongo ti azo so amba ti ala asara ngangu na ala.

Mbeti ti Job 35:9

Tongana a nika azo, ala yeke dema tere ti ala; ala yeke dekongo na gbe ti azo ti sarango ngangu.

Abia (Psaumes) 10:14

KOTA GBIA, mo baa ye kue: mo yeke baa azo so ayeke baa pasi na azo ti mawa; mo ye ti mu tënë ti ala na maboko ti mo. Zo so ayeke na ngangu pepe, lo zia be ti lo kue na ndö ti mo; mo laa mo yeke mu maboko na nyindu.

Abia (Psaumes) 140:12

Alingbi azo ti sioni yanga angba na sese so pepe; fade sioni ayeke tumba hio hio peko ti zo ti sarango ngangu na azo!

Abia (Psaumes) 145:19

Azo so akpe mbeto ti lo, lo yeke mu na ala ye so be ti ala aye; lo yeke ma toto ti ala si lo yeke soo ala.

Abia (Psaumes) 18:6

Gbanda ti ndo ti akuâ agbu mbi, kuâ azia kuku ti lo na dawa ti mbi ti gbu mbi.

Abia (Psaumes) 68:5

Ala azo, ala he bia na Nzapa, ala he bia ti gonda na iri ti lo! Ala leke lege ndali ti lo so lo yeke hon na ndö ti ambinda tongana zo ti kpengo na mbarata. Iri ti lo ayeke *KOTA GBIA, ala dodo na ngia na le ti lo!

Sigingo 22:27

“Alingbi ala deba Nzapa pepe; ala deba makonzi ti mara ti ala pepe.

Abia ti demango tere 5:3

E yeke anyindu, ababâ ti e ayeke daa mbeni pepe; amama ti e ayeke tongana awali-mua.

Nzoni Tënë so Luc asu na mbeti 18:7

Azo so Nzapa asoro ala si ala yeke toto na lo bi na lâ so, fade lo yeke fâ ya ti ngbanga ti ala pepe? Fade lo yeke ku ngbii si lo mu maboko na ala?

Ndia ti fani use ni 10:18

Lo yeke gbu koko ti anyindu na awali-mua; lo ye awande si lo yeke mu na ala kobe ti tengo ni na bongo ti yungo ni.

Ndia ti fani use ni 15:9

Me hange! Alingbi ala wara sioni gbungo-li pepe ti tene na be ti ala, atene: “Ngu mbarambara aga nduru ti lingbi awe, ngu ti zingo yongo na li ti azo.” Ita ti ala so ye atia lo, ala baa lo na sioni le pepe si ala ke ti mu ye na lo. Tongaso pepe, lo yeke toto na iri ti ala na KOTA GBIA si fade ye so ayeke ga siokpari ti ala.

Ndia ti fani use ni 24:15

Gi na lango so lo sara kua na mo, mo futa lo; mo futa lo kozoni si ndo avuko, ngbanga ti so lo yeke wayere, be ti lo ayeke gi na ndö ti futa ni so. Tongana mo futa lo pepe si lo toto na iri ti mo na *KOTA GBIA, andaa siokpari ati na li ti mo awe.

Jacques 5:4

Ala baa, azo so ayeke sara kua ti fango ale ti kobe ti ayaka ti ala, ala ke ti futa nginza ti ala na ala. Mbana ti ala ni ayeke dekongo! Dekongo ti azo ti fango ale ti kobe ti ala ni asi na mê ti *Kota Gbia so ayeke na ndö ti dunia kue.