Sigingo 22:20 - Mbeti ti Nzapa - Tënë so amu fini

²⁰ “Awande so alango na ndo ti ala, alingbi ala sara sioni na ala pepe wala ala sara ngangu na ala pepe. Biani, ala nga, ala yeke lani awande na sese ti Ezipte.

Sigingo 22:20 ပူးပေါင်းရင်းမြစ်များ

1 Agbia 18:40

Élie atene na ala: “Ala gbu awayanga ti nzapa Baal! Mbeni zo oko na popo ti ala akpe pepe!” Azo agbu awayanga ti Baal ni kue. Élie amu ala, ague na ala na yanga ti ngu ti Kishon si lo fâ go ti ala.

2 Agbia 10:25

Gi so Yehu ahunzi ti ya sandaga so a yeke gbi ni kue na wâ, lo tene na aturugu nga na amakonzi ti aturugu ni, lo tene: “Ala li, ala fâ azo ni kue! Ala zia zo oko akpe pepe!” Tongaso aturugu ni afâ azo ni si ala bi kuâ ti ala na gigi ti gbata ni. Na pekoni, aturugu ni ali na ndo so ayeke nde si ayeke nzoni kue ahon atanga ni ti da ti nzapa Baal.

2 Mbai 15:13

Zo so agi KOTA GBIA, Nzapa ti Israel pepe, fade a yeke fâ lo, ataa kete zo wala kota zo, ataa koli wala wali.

Sigingo 23:9

“Awande so ayeke na ndo ti ala, alingbi ala sara ngangu na ala pepe. Ala wani ahinga lege ti dutingo ti awande awe, ngbanga ti so ala nga, ala yeke lani awande na sese ti Ezipte.”

Sigingo 32:8

Hio tongaso, ala zia lege so lani mbi fa na ala. Ala mu lôro, ala kporo ni si asara na yanda ti bagara. Ala kuku akpo li ti ala na sese na dawa ti bagara ni, ala mu sandaga na lo si ala tene: ‘Baa, nzapa ti e so asara si e sigigi na kodro ti Ezipte laa!’

Sigingo 34:15

Tongaso, alingbi ala na azo ti kodro ni aga ambuki pepe. Tongaso pepe, tongana azo ni ayeke kpe na peko ti anzapa ti ala si ayeke mu *asandaga na anzapa ni, gbaa fade azo ni ayeke tisa ala, azo ti Israel ti te kobe so azo ni ayeke mu na sandaga na anzapa ti ala ni.

Ezekiel 20:7

Mbi mu yanga so na ala, mbi tene: ‘Alingbi zo oko oko abi yongoro afungo yanda so ayeke gboto lo. Ala ga *sioni pepe na lege ti vorongo ayanda ti Ezipte! Mbi laa mbi yeke KOTA GBIA, Nzapa ti ala.’

Awayango-sandaga 17:7

Tongaso si azo ti Israel ayeke kiri ti mu sandaga pepe na anzapa so akpa akoli-ngasa si ala yeke sara aye ti ndumba na ala so. Ndia so ayeke ngba kpu na kpu ndali ti azo ti Israel na *ahale ti ala.

Awayango-sandaga 19:33

“Tongana mbeni wande aga aduti na ndo ti ala, na ya ti kodro ti ala, alingbi ala sara sioni na lo pepe.

Malashii 3:5

Biani, fade mbi yeke ga nduru na tere ti ala ti fâ ngbanga na li ti ala. Mbi yeke ga hio ti bi tënë na li ti azo ti mazi, azo ti gingo wali wala koli ti amba ti ala, azo so ayeke bi atënë ti mvene na li ti amba ti ala na azo so ayeke futa azo ti kua ti ala na legeni pepe; azo so ayeke sara ngangu na awali-mua nga na anyindu, azo so ayeke sara mbana na awande nga na azo so ayeke kpe mbeto ti mbi pepe. Tënë so KOTA GBIA so ayeke na ndö ti dunia kue atene laa.”

Wungo ti azo 21:3

KOTA GBIA ayeda na tënë ti azo ti Israel si lo zia azo ti Kanaan na maboko ti ala. Azo ti Israel afâ ala kue kue kue si abuba agbata ti ala biani biani. Ala di iri ti ndo ni so Horma.

Ndia ti fani use ni 10:18

Lo yeke gbu koko ti anyindu na awali-mua; lo ye awande si lo yeke mu na ala kobe ti tengo ni na bongo ti yungo ni.

Ndia ti fani use ni 18:20

Me mbeni wayanga-Nzapa so atene tënë ti li ti lo wani na iri ti mbi, andaa mbi laa mbi zia tënë ni na yanga ti lo pepe, wala lo tene tënë na azo na iri ti ambeni nzapa nde, fade a yeke fâ wayanga-Nzapa so.”

Ndia ti fani use ni 23:8

Fade ala, azo ti Israel, ala yeke baa azo ti mara ti Edom tongana asioni zo pepe, ngbanga ti so ala yeke a-ita ti ala. Ala yeke baa nga azo ti Ezipte tongana asioni zo pepe, ngbanga ti so ala yeke ando awande na kodro ti ala.

Ndia ti fani use ni 24:17

Moïse atene: Ala buba ya ti ngbanga ti wande wala ti nyindu pepe. Ala gbu bongo ti wali-mua ti bata ni ndali ti yongo ti ala pepe.