Sigingo 22:14 - Mbeti ti Nzapa - Tënë so amu fini

¹⁴ Me tongana wa ti nyama ni ayeke daa si ye ni asi, fade zo so ahunda nyama ni so ayeke futa mbeni ye oko pepe. Tongana zo ni afuta fade mbeni nginza ti sara kua na nyama ni ndali ti mbeni kete ngoi, nginza so lo futa so alingbi awe.”

Sigingo 22:14 ပူးပေါင်းရင်းမြစ်များ

Néhémie 5:4

Ambeni nga atene: “Titene e wara nginza ti futa na lapo ti gbia, e yeke mu ayaka ti e nga na ayaka ti vinye ti e na boon na ambeni zo.

Abia (Psaumes) 37:21

Zo ti sioni ayeke hunda ye na maboko ti zo, me lo yeke kiri na ni pepe; zo ti mbirimbiri ayeke baa mawa ti zo si lo yeke mu ye na zo.

Sigingo 21:34

alingbi zo ti zingo du ni afuta na wa ti nyama ni nginza so alingbi. Me fade kuâ ti nyama ni ayeke ga ti zo so afuta nginza ni.

Sigingo 22:11

Me tongana a nzi nyama ni na ndo ti lo, fade lo yeke futa na wa ti nyama ni nginza so alingbi.

Sigingo 22:13

“Tongana mbeni zo ahunda nyama ti mba ti lo ti sara na kua si nyama ni awara ka wala lo kui na ndembe so wani ti lo ayeke daa pepe, fade zo ni ayeke futa mbeni ye na wani.

Sigingo 22:15

“Tongana koli ahanda mbeni maseka-wali so ade ti hinga koli pepe si alango na lo, fade koli ni ayeke ka nginza ti peko ti maseka-wali ni na babâ ti lo. Na pekoni, koli ni ayeke mu wali ni ti ga wali ti lo.

Awayango-sandaga 24:18

Tongana zo ni afâ nyama ti mbeni zo, alingbi lo mu mbeni nyama nde so angba na fini na wani.

Matthieu 5:42

Tongana mbeni zo ahunda ye na mo, mu ni na lo. Tongana mbeni zo ahunda yongo na mo, gbanzi lo na ni pepe.”

Nzoni Tënë so Luc asu na mbeti 6:35

Me ala ye awato ti ala, ala sara nzoni na azo! Ala sara boon na azo, me ala ku ti wara mbeni ye na peko ni pepe. Tongaso si ala yeke wara ande kota ye ti nzoni na pekoni si ala yeke duti amolenge ti Nzapa so ayeke na yayu kâ na ndö ti aye kue. Nzapa ayeke sara nzoni na azo so ahinga ti mu singila pepe nga na azo ti sioni.

Ndia ti fani use ni 15:2

Lege ti zingo yongo ni ayeke tongaso: Tongana a to mbela na iri ti *KOTA GBIA tënë ti zingo yongo na li ti azo awe, zo so kue asara boon ti nginza na mba ti lo, zo ti Israel, fade lo yeke zia lege ti hundango boon ni. Lo yeke gbu mba ti lo ni, wala ita ti lo, zo ti Israel ni na ngangu pepe titene lo futa na lo yongo ni.