Sigingo 21:24 - Mbeti ti Nzapa - Tënë so amu fini

²⁴ Tongana lo koro le ti zo, fade a yeke koro nga le ti lo; tongana lo fâ pembe ti zo, fade a yeke fâ nga pembe ti lo; tongana lo kungbi maboko ti zo, fade a yeke kungbi nga maboko ti lo; tongana lo kungbi gere ti zo, fade a yeke kungbi nga gere ti lo.

Sigingo 21:24 ပူးပေါင်းရင်းမြစ်များ

Sigingo 21:25

Tongana lo zö zo na wâ, fade a yeke zö nga lo na wâ; tongana lo zia ka na tere ti zo, fade a yeke zia nga ka na tere ti lo; tongana lo pika zo na ka, fade a yeke pika nga lo na ka.

Matthieu 7:2

Biani, Nzapa ayeke fâ ande ngbanga na li ti ala gi tongana ti so ala yeke fâ ngbanga na li ti azo. Ye so ala mu ti haka na ye na azo, ni laa Nzapa ayeke mu ni ti haka na ye na ala.

Nzoni Tënë so Luc asu na mbeti 6:38

Ala mu ye na azo si Nzapa amu nga ye na ala. Fade a yeke mu ye ti hakango na ye, a haka ye na ya ni, a pete ndö ni, a yingi ni ngbii asi meke meke si a tuku ni na yanga ti bongo ti ala. Ye so ala yeke mu ti haka na ye na amba ti ala, gi ni laa a yeke mu nga ti haka na ye na ala.”

Ndia ti fani use ni 19:21

Ala yeke baa mawa ti zo pepe: tongana lo fâ zo, alingbi a fâ nga lo; tongana lo koro le ti zo, alingbi a koro nga le ti lo; tongana lo fâ pembe ti zo, alingbi a fâ nga pembe ti lo; tongana lo kungbi maboko ti zo, alingbi a kungbi nga maboko ti lo; tongana lo kungbi gere ti zo, alingbi a kungbi nga gere ti lo.

Aye so Nzapa afa 16:6

Biani, ndali ti so azo ni atuku ando mene ti azo ti mo na ti awayanga-Nzapa, mo mu na ala mene ti nyon. Ye so alingbi na ala laa.”

1 Samuel 15:33

Me Samuel atene na lo: “Yongoro zeme ti mo asara si amama ayeke na vundu ndali ti amolenge ti ala. Fade mama ti mo nga ayeke na vundu ndali ti molenge ti lo.” Tongaso, Samuel afâ Agag na dawa ti KOTA GBIA na Gilgal.