Sigingo 21:20 - Mbeti ti Nzapa - Tënë so amu fini

²⁰ “Tongana zo apika ngbaa ti lo ti koli wala ti wali na kota keke si ngbaa ni akui gi na gbe ti maboko ti lo, alingbi a kiri na zo ni peko ti sioni so lo sara.

Sigingo 21:20 ပူးပေါင်းရင်းမြစ်များ

Tongo nda ti aye 4:15

KOTA GBIA atene na lo: “Oko pepe! Tongana mbeni zo afâ mo Kain, fade a fâ azo mbarambara si alingbi na kuâ ti mo.” KOTA GBIA asara mbeni nzoroko na tere ti Kain titene zo so awara lo afâ lo pepe.

Tongo nda ti aye 4:24

Biani, fade a kiri peko ti sioni so zo asara na Kain so fani mbarambara. Me ti Lemek, fade a kiri na ni fani balembarambara na mbarambara.”

Tongo nda ti aye 9:6

Zo so atuku mene ti mba ti lo, fade gi mba ti lo zo laa ayeke tuku mene ti lo, ngbanga ti so Nzapa asara zo si zo ni akpa gi lo Nzapa.

Sigingo 21:19

na pekoni tongana lo londo, lo sigigi ti tambula na keke, zo so apika mba ti lo so, fade a yeke sara sioni na lo pepe. Me fade lo yeke futa mbeni ye na mba ti lo ni alingbi na lango so mba ti lo ni asara na kua pepe so; fade lo yeke vo yoro na tere ti mba ti lo ni ngbii kobela ti lo akai.

Sigingo 21:21

Me tongana ngbaa ni angba na fini lango oko wala lango use si lo kui, fade a yeke kiri na zo ni peko ti sioni so lo sara pepe, ngbanga ti so ngbaa ni ayeke ye ti nginza ti lo.

Amato 29:19

Gi na lege ti atënë senge si zo alingbi ti mu wango na zo ti kua pepe. Biani, lo lingbi ti ma atënë ni, me fade lo yeke sara ye alingbi na ni pepe.

Wungo ti azo 35:19

Zo so alingbi ti kiri peko ni na zo ni laa ayeke fâ lo. Tongana lo wara lo, lo yeke fâ lo.

Rome 13:4

Biani, akota zo ti li ti kodro ayeke sara kua na Nzapa ti pusu mo ti sara nzoni ye. Me tongana mo sara sioni ye, mo sara mbeto ti ala! So ala yeke na ngangu ti fango ngbanga na li ti azo, nda ni ayeke daa: tongana ala yeke fâ ngbanga, ala yeke sara kua na Nzapa ti sara si ngonzo ti lo alondo na tere ti azo so asara sioni.

Ndia ti fani use ni 19:21

Ala yeke baa mawa ti zo pepe: tongana lo fâ zo, alingbi a fâ nga lo; tongana lo koro le ti zo, alingbi a koro nga le ti lo; tongana lo fâ pembe ti zo, alingbi a fâ nga pembe ti lo; tongana lo kungbi maboko ti zo, alingbi a kungbi nga maboko ti lo; tongana lo kungbi gere ti zo, alingbi a kungbi nga gere ti lo.