Sigingo 20:26 - Mbeti ti Nzapa - Tënë so amu fini

²⁶ Fade wayango-sandaga ayeke ko na ndö ti gbalaka ti mbi na eskalie pepe, tongaso si azo abaa tere ti lo ti koli pepe.’ ”

Sigingo 20:26 ပူးပေါင်းရင်းမြစ်များ

Abia (Psaumes) 89:7

KOTA GBIA, na nduzu kâ, zo wa laa alingbi na mo, zo wa? Na popo ti anzapa, mbeni oko tongana mo ayeke daa?

Sigingo 28:42

Titene azo abaa tere ti ala ti koli pepe, fade mo yeke mu len, mo fu na ala kilote ti yu na gbe ti bongo ni. Kilote ni ayeke londo na ngbonda ti ala ague, asi nduru na likunu ti ala.

Sigingo 28:43

Fade Aaron na amolenge ti lo ayeke yu abongo ni na ndembe so ala yeke li na ya ti da ti bongo so KOTA GBIA na azo ti lo ayeke wara tere daa, wala na ndembe so ala yeke gue nduru na tere ti gbalaka ti sara kua na ndo so ayeke nde si ayeke nzoni kue; tongaso si ala duti ndumbu pepe. Tongana ala duti fade ndumbu, ka ala yeke kui. Ndia so ayeke ngba kpu na kpu ndali ti Aaron na *ahale ti lo.”

Zo ti bongbingo azo 5:1

Yanga ti mo ayapu na tenengo tënë hio hio pepe. Mo do tere ti mo ti mu zendo na Nzapa pepe, ngbanga ti so Nzapa ayeke na yayu si mo yeke ti mo na sese. Tongaso, ayeke nzoni mo diko gba ti atënë pepe.

Ezekiel 43:17

Use etaze ni ayo kudee baleoko na osio na mbage, kudee baleoko na osio na mbeni mbage; ayo alingbi tere mbage na mbage osio kue. Na mbage ti gigi ti gbalaka ni, mbeni kete dere ayo ndambo ti kudee oko, angoro tere ti etaze ni kue. Mbeni du so ayo kudee oko angoro etaze ni kue. Titene zo asi na use etaze ni, alingbi lo mondee eskalie so ayeke na mbage ti To.

Awayango-sandaga 10:3

Moïse atene na Aaron: “KOTA GBIA atene lani tongaso: ‘Azo so ayeke ga nduru na mbi, mbi ye si ala hinga atene, mbi yeke nde si mbi yeke nzoni kue; mbi ye si ala gonda mbi na le ti azo kue.’ ” Aaron aduti gi kpoo, lo zi yanga oko pepe.

1 Pierre 1:16

Biani, Mbeti ti Nzapa atene: “Ayeke nzoni ala duti nde si ala duti nzoni kue, ngbanga ti so mbi yeke nde si mbi yeke nzoni kue.”