Sigingo 20:24 - Mbeti ti Nzapa - Tënë so amu fini

²⁴ Ala mu sese asara na mbi gbalaka. Na ndö ni, fade ala yeke ya na mbi *asandaga ti ala so a yeke gbi ni kue na wâ, asandaga ti ala ti beoko, ataba ti ala, angasa ti ala nga na abagara ti ala. Na ndo so kue mbi yeke sara titene azo adabe ti ala na iri ti mbi, mbi yeke ga na mbage ti ala si mbi yeke sara tufa na ndö ti ala.

Sigingo 20:24 ပူးပေါင်းရင်းမြစ်များ

Tongo nda ti aye 12:2

Mbi yeke sara titene mbeni kota mara abaa gigi na lege ti mo. Mbi yeke sara tufa na ndö ti mo si mbi yeke sara nga titene iri ti mo awu. Mo yeke ga zo so na lege ti lo, a yeke sara tufa na ndö ti azo.

2 Samuel 6:12

Azo ague, atene na gbia David, atene: “Ndali ti sanduku ti *mbuki ti Nzapa, *KOTA GBIA asara tufa na ndö ti sewa ti Obed-Edom na aye ti lo kue.” Tongaso, David alondo, lo gue na da ti Obed-Edom, lo mu sanduku ti mbuki ti Nzapa si lo kiri na ni na Gbata ti David, na ngia na be.

1 Agbia 8:29

Zi le ti mo bi na lâ ti baa ndo na tere ti kota da so, ndo so mo tene: ‘Ndo so mbi yeke duti daa laa.’ Ma sambela so mbi, zo ti kua ti mo, mbi yeke ya na mo na ndo so.

1 Agbia 8:43

mo so mo yeke na yayu, na ndo so mo yeke duti daa, ayeke nzoni mo ma sambela ti wande so si ye so kue lo hunda na mo, mo mu ni na lo. Tongaso, fade azo kue ti ndö ti sese so ayeke hinga mo, ala yeke kpe mbeto ti mo tongana ti so azo ti Israel, azo ti mo, ayeke kpe mbeto ti mo; azo ni ayeke hinga nga atene, da so mbi sara so, a di iri ti mo na ndö ni.

1 Agbia 9:3

KOTA GBIA atene na lo: “Mbi ma sambela ti mo na vorongo tere ti mo awe. Kota da so mo sara so, mbi zia ni nde ndali ti mbi titene mbi duti daa kpu na kpu na popo ti ala. Fade le ti mbi na nzoni be ti mbi ayeke ngba daa lakue.

2 Agbia 5:17

Naaman atene: “Ndali ti so mo ke awe, ayeke nzoni mo zia lege titene a mu na mbi, zo ti kua ti mo mbeni sese ti kodro so mbi gue na ni. Mbi yeke zia ni na ndö ti ambarata use titene ala yo ni. Biani, *sandaga so a yeke gbi ni kue na wâ wala sandaga ti beoko, mbi yeke kiri ti mu ni na ambeni nzapa nde pepe, gi na KOTA GBIA oko.

2 Mbai 12:13

Gbia Roboam asara si lengo-gbia ti lo akpengba na Jérusalem. Lo yeke na ngu baleosio na oko si lo ga gbia; lo le-gbia ngu baleoko na mbarambara na Jérusalem, gbata so *KOTA GBIA asoro na popo ti amara kue ti Israel titene iri ti lo aduti na ndö ni. Iri ti mama ti lo ayeke Naama, zo ti mara ti Amon.

2 Mbai 6:6

Me mbi soro Jérusalem ti duti daa, mbi soro nga David titene lo sara komandema na ndö ti Israel, azo ti mbi.’

2 Mbai 7:16

Mbi soro da so si mbi zia ni nde ndali ti mbi titene iri ti mbi angba na ndö ni kpu na kpu. Fade le ti mbi na nzoni be ti mbi ayeke ngba na ndö ni lakue.

Esdras 6:12

Gbia so kue wala mara so kue ake andia ti mbi so si lo tara ti buba kota da ti Nzapa so ayeke na Jérusalem, ndo so Nzapa asoro titene iri ti lo aduti daa, ayeke nzoni Nzapa a pika gbia ni nga na mara ni. Mbi Darius laa mbi mu yanga so: alingbi azo kue asara ye alingbi na ni!”

Néhémie 1:9

Me tongana mbeni lâ, ala kiri na mbi, tongana ala bata atënë ti ndia ti mbi, tongana ala sara ye alingbi na ni, fade mbi yeke bongbi ala na ndo oko. Ataa a gbu ala si a gue na ala na mbeni kodro so ayeke na nda ti sese, mbi yeke kiri na ala na ndo so mbi soro titene iri ti mbi aduti daa.’

Abia (Psaumes) 101:2

Mbi ye ti hinga lege ti sarango ye ti azo so alingbi kue. Lawa laa mo yeke ga ande na mbage ti mbi? Na ya ti da ti mbi, mbi yeke sara ye na be so alingbi kue.

Abia (Psaumes) 122:2

E gue, e luti na ayanga ti gbagba ti mo, Jérusalem.

Abia (Psaumes) 128:5

Ti londo na hoto ti *Sion, ayeke nzoni KOTA GBIA asara tufa na ndö ti mo. Na lango so kue mo yeke ngba na fini, fade mo yeke baa maingo ti Jérusalem;

Abia (Psaumes) 134:3

Ti londo na *Sion, ayeke nzoni KOTA GBIA so asara yayu na sese asara tufa na ndö ti mo.

Abia (Psaumes) 74:7

Ndo ti mo so ayeke nde si ayeke nzoni kue so, ala zia wâ daa si agbi; da so iri ti mo ayeke na ndö ni so, ala kungbi ni na sese, ala sara si aga *sioni.

Abia (Psaumes) 76:2

Nzapa asara si azo ahinga lo na Juda, iri ti lo awu mingi na Israel.

Abia (Psaumes) 78:68

Me lo soro mara ti Juda, lo ye gi hoto ti *Sion.

Sigingo 10:25

Moïse atene: “Anyama so e yeke mu na *sandaga nga na sandaga so a yeke gbi ni kue na wâ na KOTA GBIA, Nzapa ti e, mo wani laa mo yeke mu ni na e?

Sigingo 18:12

Na pekoni, Zetro, kogara ti Moïse aya *sandaga so a yeke gbi ni kue na wâ nga na asandaga nde nde na Nzapa. Tongaso Aaron na *akangba ti Israel kue aga ti te kobe na kogara ti Moïse na dawa ti Nzapa.

Sigingo 20:25

Me tongana ala mu têne ti leke na mbi mbeni gbalaka, fade ala leke ni na têne so a de tere ni dengo pepe, ngbanga ti so na dengo tere ti têne ni na wen, andaa têne ni aga *sioni awe.

Sigingo 24:4

Moïse asu na mbeti atënë kue ti KOTA GBIA. Na pekoni, lo londo na kota ndaperere, lo leke mbeni gbalaka na gbe ti hoto ni; lo leke nga angbongboro têne baleoko na use aluti na nduzu ndali ti mara baleoko na use ti Israel.

Sigingo 24:5

Lo tokua ambeni maseka ti Israel ti gue ti mu na KOTA GBIA *sandaga so a yeke gbi ni kue na wâ, ti fâ akoli-bagara ti mu na sandaga ti beoko.

Sigingo 27:1

“Fade ala yeke sara gbalaka na keke ti akasia ti ya *asandaga na ndö ni. Yongoro ni metere use na ndambo alingbi tere mbage na mbage kue. Yongo ni na nduzu metere oko na ndambo.

Ésaïe 64:5

E kue, e yeke tongana azo so aga *sioni awe, aye ti mbirimbiri so kue e sara ayeke tongana bongo so awali ayeke yu na ndembe so ala yeke baa ya ti ala. E kue, e woko tongana kugbe, sioni ti e ayeke hon na e kirikiri tongana ti so pupu ayeke hon na ye.

Awayango-sandaga 17:9

alingbi lo gue na nyama ni na yanga ti da ti bongo so KOTA GBIA na azo ti lo ayeke wara tere daa titene lo mu lo na sandaga na KOTA GBIA. Tongana zo ni asara tongaso pepe, fade a yeke tumba lo na ya ti bongbi ti azo ti Israel.

Malashii 1:11

Biani, ti londo na To ngbii asi na Do, amara nde ahinga so mbi yeke kota. Na ndo kue, azo ayeke zö dukani na mbi, ala yeke ga na asandaga so ayeke *nzoni. Biani, amara nde ahinga so mbi yeke kota. Tënë so KOTA GBIA so ayeke na ndö ti dunia kue atene laa.

Matthieu 18:20

Biani, na ndo so azo use wala ota abongbi daa na iri ti mbi, mbi yeke na popo ti ala.”

Matthieu 28:20

ala fa na ala ti bata lege ti aye so kue mbi mu yanga na ala. Baa, mbi yeke na ala lakue ngbii asi na ngoi ti ndani.”

Ndia ti fani use ni 12:11

Tongaso, na ndo so KOTA GBIA Nzapa ti ala asoro titene iri ti lo aduti daa si azo ayeke gue ti voro lo daa laa ala yeke ga na lo aye so mbi mu yanga daa na ala: asandaga ti ala so a yeke gbi ni kue na wâ, asandaga ti ala ti beoko, adime ti ala, amatabisi ti ala na aye so kue ala deba yanga ti ala ti mungo ni na KOTA GBIA.

Ndia ti fani use ni 12:21

Tongana ala lango ayo na ndo so KOTA GBIA Nzapa ti ala asoro titene iri ti lo aduti daa, fade ala lingbi ti fâ bagara, taba wala ngasa so KOTA GBIA amu na ala. Tongaso, fade ala yeke te nyama alingbi na ti so be ti ala aye, alingbi na yanga so mbi mu na ala.

Ndia ti fani use ni 12:5

Fade ala yeke gue ti voro lo gi na ndo so lo yeke soro ni na popo ti amara ti ala kue; na ndo so iri ti lo ayeke duti daa si azo ayeke gue ti voro lo daa.

Ndia ti fani use ni 14:23

Na pekoni, ala yeke gue na ndo so *KOTA GBIA Nzapa ti ala asoro titene iri ti lo aduti daa. Kâ, fade ala yeke te dime ti *ble ti ala, ti fini vin ti ala, ti mafuta ti ala; ala yeke te nga akozo molenge ti abagara, ti ataba na ti angasa ti ala. Lege so ala yeke manda ti kpe mbeto ti KOTA GBIA Nzapa ti ala lakue laa.

Ndia ti fani use ni 16:11

Ala yeke gue na ndo so KOTA GBIA Nzapa ti ala ayeke soro titene iri ti lo aduti daa. Kâ, ala yeke sara ngia, ala na amolenge ti ala ti koli na ti wali, na azo ti kua ti ala ti koli na ti wali, na azo ti mara ti Lévi so aduti na ya ti gbata ti ala, azo ti Israel, na awande, anyindu nga na awali-mua so ayeke na popo ti ala.

Ndia ti fani use ni 26:2

fade zo oko oko na popo ti ala ayeke mu akozo li ti kobe ti lo so lo lu ni na sese so KOTA GBIA Nzapa ti ala amu na ala. Lo yeke zia ni na ya ti sakpa si lo yeke gue na ni na ndo so KOTA GBIA Nzapa ti ala ayeke soro titene iri ti lo aduti daa.

Ndia ti fani use ni 7:13

Lo yeke ye ala, lo yeke sara tufa na ndö ti ala, lo yeke sara si ala du amolenge mingi. Lo yeke sara tufa na ndö ti akobe ti yaka ti ala, ble ti ala, fini vin ti ala na mafuta ti ala. Lo yeke sara si abagara ti ala, ataba ti ala na angasa ti ala adu mingi na ya ti kodro so lo yeke mu na ala, alingbi na zendo so lo mu na akotara ti ala.

1 Timothée 2:8

Mbi ye si akoli asambela na ndo kue, na yorongo maboko ti ala na nduzu, maboko so ayeke *nzoni, na ngonzo na be ti ala pepe, na tënë ti papa pepe.