Sigingo 20:19 - Mbeti ti Nzapa - Tënë so amu fini

¹⁹ Ala tene na Moïse: “Mo wani, mo tene tënë na e si e ma. Me e ye titene Nzapa atene tënë na e pepe, tongaso pepe e yeke kui.”

Sigingo 20:19 ပူးပေါင်းရင်းမြစ်များ

Tongo nda ti aye 3:10

Koli ni akiri tënë, atene: “Mbi ma go ti mo na ya ti yaka. Mbeto asara mbi, ngbanga ti so tere ti mbi ayeke senge si mbi honde tere ti mbi.”

Tongo nda ti aye 32:30

Jacob ahunda lo, atene: “Mbi gbu gere ti mo, fa na mbi iri ti mo.” Zo ni akiri tënë, atene: “Mo hunda iri ti mbi ngbanga ti nyen?” Na pekoni, lo sara tufa na ndö ti Jacob na ndo ni so.

Sigingo 33:20

KOTA GBIA atene: “Mo lingbi ti baa le ti mbi pepe. Biani, zo so abaa le ti mbi, lo yeke ngba na fini pepe.”

Awatokua 7:38

Na ndembe so azo ti Israel abongbi tere na benyama, Moïse laa ayeke ando zo ti tokua na popo ti ange so atene tënë na lo na ndö ti hoto ti Sinai nga na akotara ti e; lo laa lo wara atënë so ayeke mu fini na zo titene lo fa ni na e.

Galasii 3:19

Tongaso, kua ti Ndia ayeke nyen? Nzapa azia Ndia na tere ti mbuki ni titene e hinga ye so ake Ndia. Nzapa amu Ndia ti ku na gango ti hale ti Abraham, lo so Nzapa amu zendo ti mungo ye ni na lo. *A-ange laa amu Ndia ni aga na ni na azo si mbeni zo ayeke walekengo-songo.

Ndia ti fani use ni 18:16

Ye so ala hunda lani na KOTA GBIA Nzapa ti ala, na lango so ala bongbi na gbe ti hoto ti Horeb laa. Ala tene lani: “E wani, e ye ti ma go ti KOTA GBIA Nzapa ti e mbeni pepe! E ye ti baa kota wâ so mbeni pepe! E ye ti kui pepe!”

Ndia ti fani use ni 5:5

Na ngoi ni so, mbi luti na popo ti ala na KOTA GBIA ti tene na ala peko ti atënë ti KOTA GBIA. Biani, ala sara mbeto ti wâ ni si ala ma na li ti hoto ni pepe. KOTA GBIA atene:

Ahebro 12:19

Ala ma nga toto ti tatalita na mbeni go so ayeke tene tënë. Azo ti Israel so ama ni, ala yeda ti ngba ti ma ni pepe.