Sigingo 20:14 - Mbeti ti Nzapa - Tënë so amu fini

¹⁴ “Alingbi mo gi wali wala koli ti zo pepe.

Sigingo 20:14 ပူးပေါင်းရင်းမြစ်များ

Tongo nda ti aye 39:9

Mbeni zo so ayeke kota ahon mbi na ya ti da so ayeke daa pepe. Lo gbanzi na mbi lege ti sarango mbeni ye oko pepe; gi mo oko, ngbanga ti so mo yeke wali ti lo. Mbi lingbi ti sara mara ti ye ti sioni tongaso tongana nyen, ti sara siokpari so ake Nzapa?”

2 Samuel 11:27

Me so lango ti sarango mua ni ahunzi awe, David atokua titene a ga na Batsheba si lo zia lo na da ti lo. Lo ga wali ti lo si lo du molenge-koli na lo. Me ye so David asara so anzere na KOTA GBIA pepe.

Awayango-sandaga 18:20

“Alingbi mo lango pepe na wali ti mbeni mba ti mo so mo na lo ayeke na ya ti kodro oko. So fade ayeke sara si mo ga *sioni.

Awayango-sandaga 20:10

“Tongana mbeni koli agi wali ti mba ti lo, alingbi a fâ ala use kue, koli ni na wali ni.

Malashii 2:15

Mbeni zo so li ti lo ayeke daa kete asara mara ti ye tongaso pepe. Gi mbeni zo oko si asara ando ni; me lo sara ni ngbanga ti nyen? Lo sara ni ngbanga ti so lo yeke gi ti wara molenge so Nzapa atene tënë ti mungo lo na lo so. Ala sara hange! Ala bata fini ti ala. Zo oko abuba lege ti mbuki ti lo na wali ti lo ti maseka pepe!

Malashii 3:5

Biani, fade mbi yeke ga nduru na tere ti ala ti fâ ngbanga na li ti ala. Mbi yeke ga hio ti bi tënë na li ti azo ti mazi, azo ti gingo wali wala koli ti amba ti ala, azo so ayeke bi atënë ti mvene na li ti amba ti ala na azo so ayeke futa azo ti kua ti ala na legeni pepe; azo so ayeke sara ngangu na awali-mua nga na anyindu, azo so ayeke sara mbana na awande nga na azo so ayeke kpe mbeto ti mbi pepe. Tënë so KOTA GBIA so ayeke na ndö ti dunia kue atene laa.”

Wungo ti azo 5:12

“Tene na azo ti Israel, mo tene: Tongana wali ti mbeni koli asara ye na legeni pepe, lo zia koli ti lo ti gi mbeni koli nde,

Matthieu 19:18

Koli ni ahunda Jésus, atene: “Andia wa?” Jésus akiri tënë na lo: “Alingbi mo fâ zo pepe; alingbi mo gi wali wala koli ti zo pepe; alingbi mo nzi pepe; alingbi mo tene mvene na le ti ngbanga pepe;

Rome 13:9

Biani, atënë ti ndia atene: “Mo gi wali wala koli ti zo pepe, mo fâ zo pepe, mo nzi pepe, mo sara nzara ti ye ti zo pepe.” Andaa atënë ti ndia so na atanga ni kue abongbi oko na ya ti tënë oko so atene: “Mo ye mba ti mo zo tongana ti so mo ye tere ti mo wani.”

Ndia ti fani use ni 5:18

“Alingbi mo gi wali wala koli ti zo pepe.

Ahebro 13:4

Alingbi azo kue ane tënë ti mungo tere ti koli na wali. Alingbi koli abata tere ti lo gi ndali ti wali ti lo si wali abata nga tere ti lo gi ndali ti koli ti lo, ngbanga ti so fade Nzapa ayeke fâ ngbanga na li ti azo ti sarango aye ti ndumba nga na azo so ayeke gi akoli wala awali ti amba ti ala.

Jacques 2:11

Biani, Nzapa so atene: “Mo gi wali wala koli ti zo pepe”, gi lo laa lo tene: “Mo fâ zo pepe.” Nilaa tongana mo gi wali wala koli ti zo pepe si mo fâ zo, andaa mo buba lege ti atënë ti ndia kue awe.

Jacques 4:4

Ala so ado lege ti Nzapa azia so! Ala hinga pepe? Zo so aye tënë ti aye ti dunia so, andaa lo ke Nzapa awe; zo so aye tënë ti aye ti dunia so, andaa lo ga wato ti Nzapa awe.

Aye so Nzapa afa 21:8

Me ti azo ti mbeto, azo so azia lege ti mabe, azo ti sarango asioni ye, azo ti fango zo, azo ti sarango aye ti ndumba, azo ti guengo na gbe ti yoro, azo ti vorongo anzapa nde nga na azo ti mvene kue, ye so a leke ti ku na ala ayeke kota le ti wâ ti *sufre. So laa ayeke kuâ ti use ni.”