Sigingo 20:13 - Mbeti ti Nzapa - Tënë so amu fini

¹³ “Alingbi mo fâ zo pepe.

Sigingo 20:13 ပူးပေါင်းရင်းမြစ်များ

2 Agbia 21:16

Na ndö ni kue, Manase afâ gba ti azo so asara sioni oko pepe si mene ti azo ni amu ya ti gbata ti Jérusalem kue. Siokpari ti fango azo ni aga na ndö ti siokpari so lo sara ti pusu azo ti Juda ti sara ye so ayeke sioni na le ti KOTA GBIA.

2 Mbai 24:22

Gbia Yoas agirisa nzoni be so Yoyada, babâ ti Zakarii asara lani na lo si lo mu yanga titene a fâ Zakarii ni. Kozoni si Zakarii akui, lo dekongo, lo tene: “Ayeke nzoni KOTA GBIA abaa ye so mo sara so si lo hunda peko ni na mo.”

Sigingo 21:12

“Zo so apika mbeni zo si zo ni akui, fade a yeke fâ lo.

Sigingo 21:14

Me tongana zo asara ngonzo na tere ti mba ti lo si lo fâ mba ti lo ni na lege ti mayere, ataa lo kpe, lo luti na tere ti gbalaka ti mbi, fade ala gbu lo, ala fâ lo.

Sigingo 21:20

“Tongana zo apika ngbaa ti lo ti koli wala ti wali na kota keke si ngbaa ni akui gi na gbe ti maboko ti lo, alingbi a kiri na zo ni peko ti sioni so lo sara.

Sigingo 21:29

Me tongana bagara ni ayeke kpo ka azo lakue na didi ti lo si a tene tënë ni na wa ti lo, tongana wa ti lo ni abaa ndo na tere ti lo pepe si bagara ni afâ mbeni koli wala mbeni wali, fade a yeke bo bagara ni na têne ti fâ lo; fade a yeke fâ nga wa ti bagara ni.

Sigingo 23:7

Ala zia mê ti ala ti ma atënë ti mvene pepe. Zo so tënë ayeke na li ti lo pepe wala zo ti mbirimbiri, ala fâ lo pepe. Biani, mbi Kota Gbia, zo so tënë ayeke na li ti lo, mbi yeke zia lo senge tongaso pepe.

Amato 1:11

Ala lingbi ti tene na mo: “Ga na peko ti e! E gue, e honde tere ti e titene e fâ azo so ayeke hon na lege. Azo so asara ye oko na e pepe so, e fâ ala senge senge!

Amato 1:18

Me ti azo ti fango azo ni, ala bi gbanda ndali ti ala wani, ala honde tere ti ala ti sara sioni na ala wani.

Ésaïe 26:21

Baa, KOTA GBIA alondo na ndo ti lo ti sigigi. Lo yeke hunda na azo ti sese ti fa peko ti asioni ti ala. Sese ayeke fa na gigi mene so atuku, azo so a fâ ala, sese ayeke kiri ti honde kuâ ti ala pepe.

Jérémie 26:15

Ye oko, ayeke nzoni ala hinga atene, tongana ala fâ mbi, andaa ala fâ zo so tënë ayeke na li ti lo pepe. Tongaso, ngbanga ti kuâ ti mbi ayeke kiri na li ti ala, na li ti gbata so nga na li ti azo ti gbata ni. Biani, KOTA GBIA laa atokua mbi ti tene atënë so na mê ti ala.”

Awayango-sandaga 24:17

“Zo so afâ mbeni zo, alingbi a fâ lo.

Awayango-sandaga 24:21

“Zo so afâ mbeni nyama, alingbi lo mu mbeni nyama nde na plase ni; zo so afâ zo, alingbi a fâ lo.

Matthieu 19:18

Koli ni ahunda Jésus, atene: “Andia wa?” Jésus akiri tënë na lo: “Alingbi mo fâ zo pepe; alingbi mo gi wali wala koli ti zo pepe; alingbi mo nzi pepe; alingbi mo tene mvene na le ti ngbanga pepe;

Marc 10:19

Mo hinga akota tënë ti *Ndia so atene: ‘Alingbi mo fâ zo pepe; alingbi mo gi wali wala koli ti zo pepe; alingbi mo nzi pepe; alingbi mo tene mvene na le ti ngbanga pepe; alingbi mo handa zo ti mu ye ti lo pepe; alingbi mo ne babâ na mama ti mo.’ ”

Nzoni Tënë so Luc asu na mbeti 18:20

Mo hinga atënë ti ndia so atene: ‘Alingbi mo gi wali wala koli ti zo pepe; alingbi mo fâ zo pepe; alingbi mo nzi pepe; alingbi mo tene mvene na le ti ngbanga pepe; alingbi mo ne babâ ti mo na mama ti mo.’ ”

Awatokua 16:28

Me Paul adekongo na lo ngangu, atene: “Sara sioni na tere ti mo pepe! E kue, e yeke daa!”

Awatokua 28:4

So azo ti zoa ni abaa ngbo ni na tere ti maboko ti Paul, ala tene na popo ti ala: “Koli so ayeke mbeni zo ti fango zo biani. Ataa so lo soo kuâ na le ti ngu, nzapa ti mbirimbiri aye titene lo ngba na fini pepe.”

Rome 13:9

Biani, atënë ti ndia atene: “Mo gi wali wala koli ti zo pepe, mo fâ zo pepe, mo nzi pepe, mo sara nzara ti ye ti zo pepe.” Andaa atënë ti ndia so na atanga ni kue abongbi oko na ya ti tënë oko so atene: “Mo ye mba ti mo zo tongana ti so mo ye tere ti mo wani.”

Galasii 5:21

sarango nzara ti ye ti zo, nyongo samba na tengo kobe butuma, na ambeni mara ti ye tongaso. Mbi tene tënë so na ala kozoni awe, mbi yeke kiri na ndö ni: azo ti sarango aye tongaso, *Kodro-gbia ti Nzapa ayeke ga ti ala pepe.

Ndia ti fani use ni 5:17

“Alingbi mo fâ zo pepe.

1 Timothée 1:9

Alingbi e hinga ye so: azo so ayeke sara ye mbirimbiri, ndia ayeke ndali ti ala pepe; me ndia ayeke ndali ti azo so ake ti ma yanga, azo ti ngangu li, azo so ake tënë ti Nzapa, azo ti sarango siokpari, azo so akpe ye ti Nzapa wala ye ti yingo pepe, azo so ayeke fâ ababâ na amama ti ala, azo ti fango zo,

Jacques 2:11

Biani, Nzapa so atene: “Mo gi wali wala koli ti zo pepe”, gi lo laa lo tene: “Mo fâ zo pepe.” Nilaa tongana mo gi wali wala koli ti zo pepe si mo fâ zo, andaa mo buba lege ti atënë ti ndia kue awe.

Jacques 2:13

Biani, zo so abaa mawa ti mba ti lo pepe, tongana Nzapa ayeke fâ ande ngbanga ti azo, lo yeke baa nga mawa ti zo ni pepe; me zo so abaa mawa ti mba ti lo, fade lo yeke sigigi na ya ti ngbanga.