Sigingo 18:26 - Mbeti ti Nzapa - Tënë so amu fini

²⁶ Amakonzi ni aduti lakue ti fâ ya ti ngbanga ti azo. Atënë so ayeke ngangu, ala yeke ga na ni na Moïse; me akete tënë, ala wani ayeke leke ni.

Sigingo 18:26 ပူးပေါင်းရင်းမြစ်များ

1 Agbia 10:1

Gbia-wali ti kodro ti Saba ama sango ti Salomon so awu ndali ti iri ti *KOTA GBIA. Nilaa lo ga ti tara ndara ti Salomon na lege ti angangu hundango tënë.

Mbeti ti Job 29:16

Mbi yeke babâ ti azo ti mawa; mbi yeke baa nda ti tënë ti awande mbirimbiri.

Sigingo 18:22

Ala laa ayeke duti lakue ti fâ ya ti ngbanga ti azo. Akota tënë, fade ala yeke ga na ni na dawa ti mo; me akete tënë, ala wani ayeke leke ni. Tongaso si mo zi mbeni kungba na li ti mo, ngbanga ti so mo na ala akangbi ya ti kua ni awe.

Awayango-sandaga 24:11

Iri ti mama ti molenge-koli ni ayeke Shelomit; Shelomit ayeke molenge ti Dibri ti wali; Dibri ayeke zo ti mara ti Dan. Molenge ti Shelomit azonga iri ti Nzapa si adeba lo. A mu molenge-koli ni ague na lo na Moïse.

Ndia ti fani use ni 1:17

Tongana ala yeke fâ ngbanga, ayeke nzoni ala mu mbage ti mbeni zo pepe. Ataa senge zo, ataa kota zo, ala ma tënë ti lo nzoni. Ala sara mbeto ti zo oko pepe, ngbanga ti so fango ngbanga alondo na Nzapa. Tongana mbeni tënë akara ala, ala ga na ni na mbi si mbi lingbi ti gi nda ni.”

Ndia ti fani use ni 17:8

Moïse atene: Mbeni zo alingbi ti fâ mba ti lo, wala zo apika mba ti lo si lo wara ka, wala mbeni tënë nde asi; tongana tënë ni akara awafango-ngbanga ti gbata ti ala, fade ala yeke gue na tënë ni na ndo so *KOTA GBIA Nzapa ti ala ayeke soro ni.