Sigingo 18:21 - Mbeti ti Nzapa - Tënë so amu fini

²¹ Fade mo yeke soro nga na popo ti azo ni ambeni zo so alingbi, ala so ayeke kpe mbeto ti Nzapa, ala so azo ane ala, ala so ake tënë ti goro, mo zia ala tongana amakonzi. Mo zia ambeni na ndö ti azo saki oko, ambeni na ndö ti azo ngbangbo oko, ambeni na ndö ti azo baleoku si ambeni na ndö ti azo baleoko.

Sigingo 18:21 ပူးပေါင်းရင်းမြစ်များ

Tongo nda ti aye 22:12

Ange ni atene: “Ndu molenge ni pepe. Sara ye oko na lo pepe, ngbanga ti so mbi hinga fadeso mbi tene, mo yeke zo ti kpengo mbeto ti Nzapa. Mo gbanzi oko molenge ti mo na mbi pepe.”

Tongo nda ti aye 42:18

Na lango ota ni, Joseph atene na ala: “Ye so mbi tene na ala so, ala sara ni si ala ngba na fini, ngbanga ti so mbi yeke zo so mbi yeke kpe mbeto ti Nzapa.

Tongo nda ti aye 47:6

Kodro ti Ezipte kue laa ayeke na maboko ti mo so. Sara titene babâ ti mo na a-ita ti mo asara kodro na taa nzoni sese ti kodro ni. Ala lingbi ti duti na sese ti Goshen. Tongana mo baa ambeni ngangu zo ti kua na popo ti ala, ayeke nzoni mo mu ala si ala ga azo ti bango ndo na ndö ti anyama ti mbi.”

2 Samuel 18:1

David adiko wungo ti aturugu ti lo, lo zia amakonzi na ndö ti aturugu saki oko, amakonzi na ndö ti aturugu ngbangbo oko.

2 Samuel 23:3

Nzapa ti Israel atene tënë, Kota Têne so azo ti Israel ayeke luti na ndö ni atene na mbi: “Gbia so ayeke bata azo ti lo mbirimbiri si lo yeke bata azo ti lo na lege ti kpengo mbeto ti Nzapa,

1 Agbia 18:12

Me gi so mbi yeke zia mo ti hon, fade yingo ti KOTA GBIA ayeke mu mo ti hon na mo na mbeni ndo so mbi hinga pepe. Ti mbi, mbi yeke gue ti tene tënë ni na Akab; tongana lo wara mo pepe, fade lo yeke fâ mbi. Andaa ti londo na ngoi so mbi de molenge ngbii asi laso, mbi zo ti kua ti mo, mbi yeke kpe mbeto ti KOTA GBIA mingi.

1 Agbia 18:3

Tongaso Akab airi Obadia, makonzi ti yangbo ti gbia. Obadia ayeke kpe mbeto ti KOTA GBIA mingi.

Esdras 7:25

“Ti mo Esdras, na lege ti ndara so Ndia ti Nzapa amu na mo si mbeti ni ayeke na maboko ti mo so, ayeke nzoni mo soro ambeni makonzi na ambeni wafango-ngbanga so fade kua ti ala ayeke ti fâ ngbanga ti azo so kue ahinga andia ti Nzapa ti mo; so ti tene azo so kue ayeke na sese ti mbage ti Do ti ngu ti Efrate. Ala yeke fa nga andia ni na azo so ahinga ni pepe.

Néhémie 5:9

Mbi tene na ala: “Ye so ala yeke sara so ayeke nzoni pepe. Ayeke fade nzoni titene ala duti na kpengo mbeto ti Nzapa ti e; tongaso si azo ti amara nde so ayeke awato ti e awara lege pepe ti zonga e!

Néhémie 7:2

Mbi mu yanga titene a zia ita ti mbi Hanani, lo na Hanania, komanda ti aturugu ti gbagba ti bira ti duti na li ti Jérusalem. Hanania ayeke zo so ayeke sara ye alingbi na tënë ti yanga ti lo, lo yeke kpe mbeto ti Nzapa ahon ambeni zo mingi.

Mbeti ti Job 1:1

Ando, na kodro ti Us, mbeni koli ayeke daa, iri ti lo Job. Koli so ayeke sara ye na legeni, mbeni tënë ayeke na li ti lo pepe. Lo yeke kpe mbeto ti Nzapa si lo yeke kpe lege ti sarango sioni.

Mbeti ti Job 29:16

Mbi yeke babâ ti azo ti mawa; mbi yeke baa nda ti tënë ti awande mbirimbiri.

Mbeti ti Job 31:13

Tongana zo ti kua ti mbi ti koli wala ti wali awara tënë na mbi, mbi yeke baa tënë ti ala na legeni lakue.

Abia (Psaumes) 15:1

Bia ti David. *KOTA GBIA, zo wa laa mo yeke yamba lo na ya ti kota da ti mo, zo wa? Zo wa laa alingbi ti duti na ndö ti hoto ti mo so ayeke nde si ayeke nzoni kue so?

Abia (Psaumes) 15:5

Tongana lo sara boon ti nginza na mbeni zo, lo yeke hunda ti wara mbeni ye na ndö ni pepe. Tongana mbeni zo aye ti pete goro na lo titene lo tene mvene na li ti zo so tënë ayeke na li ti lo pepe, lo yeke ke. Zo so asara ye tongaso, mbeni ye ti yingi lo ayeke daa pepe.

Sigingo 17:9

Moïse atene na Josué: “Soro ambeni koli, mo gue, mo tiri bira na azo ti mara ti Amalek. Kekereke, mbi yeke luti na li ti hoto, keke ti Nzapa na maboko ti mbi.”

Sigingo 18:25

Na popo ti azo ti Israel kue, Moïse asoro azo so alingbi si lo zia ala makonzi na ndö ti azo ni: ambeni na ndö ti azo saki oko, ambeni na ndö ti azo ngbangbo oko, ambeni na ndö ti azo baleoku si ambeni na ndö ti azo baleoko.

Amato 28:2

Tongana wusuwusu ayeke na ya ti kodro, amakonzi ayeke daa mingi; me tongana gbia ti kodro ayeke zo ti hingango ye si lo yeke na ndara, fade kodro ni ayeke duti kpoo si aluti mbirimbiri.

Zo ti bongbingo azo 12:13

Atënë so kue e tene ge so, kota tënë ni ayeke so: kpe mbeto ti Nzapa, mo sara ye alingbi na andia ti lo, ngbanga ti so gi ye so zo alingbi ti sara ni laa.

Ésaïe 16:5

Tongaso, ndali ti nzoni be ti mo, fade mbata ti gbia ti *hale ti David ayeke kpengba. Lo yeke duti ti fâ ngbanga mbirimbiri, lo yeke sara ye na lege ti ndia, lo yeke nduru ti fâ ngbanga mbirimbiri.”

Ésaïe 33:15

– Zo so ayeke sara ye ti mbirimbiri si lo yeke tene taa-tënë; zo so ake ti wara ye na lege ti sarango ngangu na azo, zo so ake titene a pete na lo goro, zo so akanga mê ti lo titene lo ma atënë ti fango zo pepe, zo so akanga le ti lo titene lo baa ye ti sioni pepe.

Ésaïe 59:4

Tënë so ala gue na ni na le ti ngbanga, ayeke na legeni pepe; ala yeke gbu koko ti azo na lege ti taa-tënë pepe. Ala yeke luti na ndö ti ye so ayeke ye oko pepe, ala yeke tene atënë ti mvene; ala yeke mu ngo ti ye ti sioni si ala yeke du ye ti kirikiri.

Jérémie 5:1

“Ala tambula na ndö ti alege ti Jérusalem mbage na mbage kue, ala baa ndo, ala hunda ndo, ala gi ndo na ndö ti abalabala ti wara mbeni zo, zo so ayeke sara ye mbirimbiri, zo so ayeke sara ye na legeni. Tongana ala wara mbeni zo oko tongaso, fade mbi yeke zi siokpari na li ti azo ti Jérusalem.”

Ezekiel 18:8

Tongana lo sara boon ti nginza na mbeni zo, lo yeke hunda mbeni nginza na ndö ni pepe, lo yeke gi ti wara ye na peko ni pepe; lo yeke yoro tere ti lo na ya ti ye ti kirikiri pepe, lo yeke fâ ya ti ngbanga na legeni.

Ezekiel 22:12

Na ndo ti mo, azo ayeke mu goro titene ala tuku mene. Ala sara boon ti nginza na amba ti ala si na pekoni, ala yeke hunda gba ti nginza na ndö ni; ala yeke te aye ti amba ti ala na ngangu. Ti mbi, be ti ala agirisa na mbi biani biani; so tënë ti yanga ti Kota Gbia NZAPA laa.

Zakarii 7:9

Tënë so KOTA GBIA so ayeke na ndö ti dunia kue atene ayeke so: “Ala fâ ngbanga ti azo na lege ti taa-tënë; ala ye tere na popo ti ala si zo oko oko asara nzoni be na mba ti lo.

Zakarii 8:16

Aye so alingbi ala sara ni ayeke so: Zo oko oko atene taa-tënë na mba ti lo; na ya ti afango ngbanga ti ala, ala fâ ngbanga na lege ti taa-tënë si siriri aga.

Wungo ti azo 1:16

So ayeke iri ti amakonzi ti amara nde nde so a soro ala, ala yeke nga amakonzi ti abongbi nde nde ti gba ti aturugu ti Israel.

Wungo ti azo 1:4

Ayeke nzoni makonzi ti sewa oko, na ya ti mara oko oko amu maboko na ala.

Wungo ti azo 10:4

Tongana a huru gi tatalita oko, akota zo na amakonzi ti akete mara ti Israel laa ayeke bongbi na tere ti mo.

Nzoni Tënë so Luc asu na mbeti 18:2

Lo tene na ala: “Ando, na ya ti mbeni gbata, mbeni wafango-ngbanga ayeke daa so ayeke kpe mbeto ti Nzapa pepe si lo yeke kpe nga mbeto ti azo pepe.

Nzoni Tënë so Luc asu na mbeti 18:4

Wafango-ngbanga ni ake lege mingi. Na pekoni, lo tene na be ti lo, lo tene: ‘Ataa so mbi yeke kpe mbeto ti Nzapa pepe si mbi yeke kpe nga mbeto ti azo pepe,

Awatokua 20:33

Mbi sara nzara ti nginza, wala nzara ti lôro wala nzara ti bongo ti mbeni zo oko pepe.

Awatokua 6:3

A-ita, ayeke nzoni ala soro azo mbarambara na popo ti ala, azo so Yingo-Vuru asi ala, so azo ayeke tene nzoni tënë ti ala, azo ti ndara, fade e yeke zia kua so na maboko ti ala.

Ndia ti fani use ni 22:18

Akangba ti gbata ni ayeke gbu koli ni titene a pika lo.

1 Timothée 3:3

lo yeke ngbaa ti samba pepe, lo yeke zo ti tiri pepe, me lo yeke zo ti nzoni be, lo yeke sara ngangu na amba ti lo pepe; nzara ti nginza ahon ndö ti lo pepe;

Josué 22:14

Lo na azo ti li ni baleoko si ague; a mu zo ti li ni oko na ya ti mara oko. Ala kue ayeke amakonzi ti asewa na ya ti akete mara ti Israel.

1 Samuel 8:12

Fade lo yeke mu ambeni ti duti makonzi na ndö ti aturugu saki oko wala makonzi na ndö ti aturugu baleoku. Lo yeke mu ambeni titene ala fâ yaka ti lo si ala fâ nga ale ti kobe ti yaka ti lo. Fade lo yeke mu ambeni titene ala leke aye ti bira ti lo nga na agbakuru ti kangango na tere ti apusu ti mbarata ti lo.

1 Samuel 8:3

Me amolenge ni amu peko ti sarango ye ti lo pepe. Ala ye nginza mingi; azo ayeke pete goro na ala si ala yeke fâ ngbanga ti azo na legeni pepe.