Sigingo 17:7 - Mbeti ti Nzapa - Tënë so amu fini

⁷ Lo di iri ti ndo ni Masa, so ti tene “Tarango be”, na Meriba, so ti tene “Gingo yanga”. Biani, na ndo so laa azo ti Israel agi yanga ti Moïse si ala tara be ti KOTA GBIA, atene: “KOTA GBIA ayeke na popo ti e, wala lo yeke na popo ti e pepe?”

Sigingo 17:7 ပူးပေါင်းရင်းမြစ်များ

Abia (Psaumes) 106:32

Na tere ti ngu ti Meriba, akotara ti e azia ngonzo na be ti Nzapa, ala sara si ye ti sioni asi na Moïse;

Abia (Psaumes) 78:18

Taa na be ti ala, ala tara be ti Nzapa, ala hunda lo ti mu na ala kobe ti tengo ni alingbi na ye so be ti ala aye.

Abia (Psaumes) 81:7

“Mbi zi nengo kungba na ndö ti go ti mo awe, mo zia ti yo nengo sakpa awe.

Abia (Psaumes) 81:8

So lani mo yeke na ya ti ye ti ngangu si mo dekongo na mbi so, mbi zi mo na ya ni. Mbi kiri tënë na mo na ya ti mbinda; mbi tara be ti mo na tere ti ngu ti Meriba. Luti kete

Abia (Psaumes) 95:8

“Ala kpengba be ti ala pepe tongana ti so akotara ti ala asara ando na Meriba, tongana ti so akotara ti ala asara na lango so ala yeke na benyama ti Masa.

Sigingo 17:2

Azo ni agi yanga ti Moïse, atene: “Mu na e ngu, e nyon!” Moïse akiri tënë na ala: “Ala yeke gi yanga ti mbi ngbanga ti nyen? Ala yeke tara be ti KOTA GBIA ngbanga ti nyen?”

Sigingo 34:9

Na pekoni, lo tene: “Kota Gbia, tongana mo baa mbi na nzoni le, ayeke nzoni KOTA GBIA, mo tambula na popo ti e! Biani, azo so ayeke azo ti ngangu li. Me ayeke nzoni mo zi sioni ti e na siokpari ti e na li ti e; mo baa e tongana ye so aga ti mo!”

Ésaïe 12:6

Ala, azo so alango na *Sion, ala dekongo na ngia, ala dodo na ngia, ngbanga ti so Nzapa ti Israel so ayeke na popo ti ala, lo yeke kota, lo yeke nde si lo yeke nzoni kue.

Mishe 3:11

Amakonzi ti agbata ni ayeke fâ ngbanga gi ndali ti warango goro; awayango-sandaga ti ala ayeke fa ye gi ti wara ye na pekoni; awayanga-Nzapa ti ala ayeke fa ye so ayeke si gi ndali ti warango nginza. Na ndö ni kue, ala yeke luti na ndö ti *KOTA GBIA si ala tene: “KOTA GBIA ayeke na popo ti e pepe? Fade ye ti sioni alingbi ti si na e pepe.”

Wungo ti azo 14:22

Azo so abaa gonda ti mbi kue, ala baa aye ti kpene so mbi sara na Ezipte nga na ya ti benyama. Ala tara be ti mbi fani baleoko, ala ma yanga ti mbi pepe.

Wungo ti azo 20:13

So ayeke tënë ti ngu ti Meriba; ngu so azo ti Israel apapa na KOTA GBIA ndali ni si lo fa na ala so lo yeke nde si lo yeke nzoni kue.

Wungo ti azo 20:24

“Aaron aga nduru ti kui, ti gue na peko ti akotara ti lo. Fade lo yeke li pepe na ya ti kodro so mbi mu na azo ti Israel, ngbanga ti so ala ke ti ma yanga ti mbi na ngu ti Meriba.

Wungo ti azo 27:14

Biani, na ya ti benyama ti Zin, ala ke yanga ti mbi na ndembe so bongbi ti azo ti Israel ayeke gi yanga ti mbi. Na ngoi so azo ti Israel ahunda ngu ti nyongo ni, ala ke ti fa na azo ni so mbi yeke nde si mbi yeke nzoni kue.” KOTA GBIA atene tongaso ndali ti ye so asi na ngu ti Meriba, na Kades, na ya ti benyama ti Zin.

Jean 1:14

Tënë ni aga zo si lo duti na popo ti e, nzoni be na taa-tënë ti lo ahon ndoni. E baa gonda ti lo, gonda so Babâ amu na oko Molenge ti lo.

Ndia ti fani use ni 31:17

Ndani laa, fade ngonzo ti mbi ayeke londo na tere ti ala tongana wâ na lango ni so. Mbi yeke zia ala, mbi yeke honde le ti mbi na ala. Tongaso, fade amara nde ayeke te ala kue, akpale mingi na aye ti ngangu mingi ayeke si na ala, azo ti Israel si ala yeke tene: ‘Akpale so kue asi na e, ngbanga ti so Nzapa ti e ayeke na popo ti e mbeni pepe!’

Ndia ti fani use ni 33:8

Ndali ti mara ti Lévi, Moïse atene: “KOTA GBIA, lani Urim na Tumim ayeke ti azo ti mara ti Lévi so ayeke taa azo ti kua ti mo; azo ti mo so mo tara be ti ala lani na Masa si mo gi tënë na ala na ngu ti Meriba so.

Ndia ti fani use ni 6:16

Ala tara be ti KOTA GBIA Nzapa ti ala pepe, tongana ti so ala sara lani na Masa so.

Ndia ti fani use ni 9:22

Lani so ala yeke na Tabera, na Masa, na Kibrot-Taava, ala zia nga ngonzo na be ti KOTA GBIA.

Josué 22:31

Pinas, molenge ti wayango-sandaga Elazar atene na azo ti mara ti Ruben, ti Gad na ti Manase, atene: “Laso, e hinga, e tene, KOTA GBIA ayeke na popo ti e, ngbanga ti so ala sara ye so ayeke sioni mingi ti kengo lo pepe. Ye so ala sara so, ala zi azo ti Israel na gbe ti ngbanga ti KOTA GBIA awe.”