Sigingo 17:13 - Mbeti ti Nzapa - Tënë so amu fini

¹³ Nilaa Josué ahon ndö ti azo ti Amalek na bira ni, lo fâ ala na yongoro zeme.

Sigingo 17:13 ပူးပေါင်းရင်းမြစ်များ

Sigingo 17:12

So maboko ti Moïse awoko awe, Aaron na Hur amu mbeni têne, ala zia na gbe ti Moïse si lo duti na ndö ni. Aaron na Hur aluti mbage na mbage, ala gbu maboko ti Moïse na nduzu. Tongaso maboko ti Moïse angba na nduzu ngbii asi na lakui.

Sigingo 17:14

KOTA GBIA atene na Moïse: “Su aye so kue na mbeti si aga ye ti dango be ti ala. Tene tënë so na mê ti Josué, mo tene: ‘Fade mbi yeke hunzi azo ti Amalek kue, mbi yeke sara si na ndö ti sese so, azo akiri adabe ti ala na mara ti ala pepe.’ ”

Nzoni Tënë so Luc asu na mbeti 21:24

Fade a yeke fâ azo ni na yongoro zeme, a yeke gbu ala ti gue na ala na ya ti akodro kue. Amara kue ayeke buba gbata ti Jérusalem kue ngbii ngoi ti ala ahunzi si.”

Josué 10:28

Gi na lango ni so, Josué amu gbata ti Makeda si lo fâ gbia ni na azo ti gbata ni kue; lo zia zo oko angba na fini pepe. Mara ti ye so lo sara na gbia ti Jéricho so, gi ni laa lo sara na gbia ti Makeda.

Josué 10:32

KOTA GBIA azia Lakish na maboko ti azo ti Israel, ala mu gbata ni na use lango ni. Azo ti Israel afâ azo ti gbata ni kue, zo oko angba na fini pepe, tongana ti so ala sara na Libna.

Josué 10:37

Ala mu gbata ni si ala fâ gbia ni na azo ti gbata ni. Ala mu nga agbata so angoro Hebron si ala fâ azo ti agbata ni. Tongana ti so Josué asara na Eglon, lo buba gbata ni kue si lo fâ azo ti gbata ni kue, lo zia zo oko angba na fini pepe.

Josué 10:42

Josué amu asese ni so nga na agbia ni gi na ya ti bira oko, ngbanga ti so KOTA GBIA, Nzapa ti Israel atiri bira ni ndali ti azo ti Israel.

Josué 11:12

Josué amu agbata kue ti agbia so nga na agbia ni kue. Lo fâ ala kue, lo hunzi ala tongana ti so Moïse, zo ti kua ti *KOTA GBIA, amu yanga ando so.

Josué 8:26

Josué angba ti yoro likongo ti lo na mbage ti Ai ngbii a fâ azo ti Ai ni kue si.