Sigingo 17:12 - Mbeti ti Nzapa - Tënë so amu fini

¹² So maboko ti Moïse awoko awe, Aaron na Hur amu mbeni têne, ala zia na gbe ti Moïse si lo duti na ndö ni. Aaron na Hur aluti mbage na mbage, ala gbu maboko ti Moïse na nduzu. Tongaso maboko ti Moïse angba na nduzu ngbii asi na lakui.

Sigingo 17:12 ပူးပေါင်းရင်းမြစ်များ

Abia (Psaumes) 35:3

Mu likongo, mo kanga lege na azo so ayeke sara ngangu na mbi. Mo tene na mbi: “Mbi laa mbi yeke soo mo!”

Sigingo 17:11

Tongana Moïse ayo maboko ti lo na nduzu, azo ti Israel ahon ala na ngangu; me tongana lo zia maboko ti lo na sese, azo ti Amalek ahon azo ti Israel na ngangu.

Sigingo 17:13

Nilaa Josué ahon ndö ti azo ti Amalek na bira ni, lo fâ ala na yongoro zeme.

Sigingo 24:14

Kozo titene Moïse ama na li ti hoto ni, lo tene na *akangba ni, lo tene: “Ala ku e ge ngbii e kiri, e ga, e wara ala. Aaron na Hur ayeke ngba na tere ti ala. Zo so ayeke na mbeni tënë, fade lo baa ala.”

Ésaïe 35:3

Ala sara si maboko so awoko, akiri awara ngangu; ala sara si alikunu so awoko, akiri akpengba.

2 Korente 1:11

Ala nga, ala yeke mu maboko na e na lege ti sambela ti ala. Tongaso, fade Nzapa ayeke ma sambela so azo mingi ayeke sambela ndali ti e si lo yeke sara ande nzoni be na e. Ndani laa azo mingi ayeke mu singila na lo ndali ti e.

Efeze 6:18

Na ya ti aye so kue, ala sambela Nzapa titene lo mu na ala maboko; ala sambela na ngoi kue na lege ti Yingo. Ndani laa, le ti ala akpengba, ala sambela ndali ti azo ti Nzapa kue, ala ngba daa lakue.

Filipe 1:19

Biani, mbi hinga: fade ye so kue ayeke sara titene mbi soo kuâ ndali ti sambela ti ala nga ndali ti maboko so Yingo ti Jésus Christ ayeke mu na mbi.

Kolose 4:2

Ala ngba lakue ti sambela. Le ti ala akpengba na lege ti sambela ni, ala mu singila na Nzapa.

1 Tesalonike 5:25

A-ita, ala sambela Nzapa nga ndali ti e.

Ahebro 12:12

Ndani laa, ala yoro ya ti amaboko ti ala so awoko, ala sara si alikunu ti ala so awoko, akpengba!

Jacques 1:6

Me alingbi zo ni ahunda ye ni na mabe, lo dekite pepe, ngbanga ti so zo so adekite akpa gi *mapo ti kota ngu-ingo so pupu ayeke mu ni na nduzu si ayeke yingi ni kirikiri.

Josué 8:26

Josué angba ti yoro likongo ti lo na mbage ti Ai ngbii a fâ azo ti Ai ni kue si.