Sigingo 16:35 - Mbeti ti Nzapa - Tënë so amu fini

³⁵ Azo ti Israel ate mane so na ya ti ngu baleosio ngbii ala si na sese so azo aduti daa. Ala te ni ngbii ala si na katikati ti sese ti Kanaan.

Sigingo 16:35 ပူးပေါင်းရင်းမြစ်များ

Néhémie 9:15

Tongana nzara asara ala, mo mu na ala kobe so alondo na yayu titene ala te. Tongana nzara ti ngu asara ala, mo sara si ngu asigigi na ya ti têne si ala nyon. Mo tene na ala ti gue ti mu sese so mo yoro ando maboko ti mo na nduzu, mo deba yanga ti mo ti mu na ala titene aga ti ala.

Wungo ti azo 32:13

Tongaso, ngonzo ti KOTA GBIA alondo tongana wâ na tere ti azo ti Israel, lo sara si ala tambula na ya ti benyama, ala si kâ, ala si ge, na ya ti ngu baleosio, ngbii azo ti Israel so kue asara ye ti ke yanga ti KOTA GBIA so, ala kui kue ahunzi.

Wungo ti azo 33:38

KOTA GBIA amu yanga na wayango-sandaga Aaron ti ma na li ti hoto ti Hor. Kâ laa Aaron akui, na kozo lango ti oku nze ni ti ngu baleosio ni na peko ti so azo ti Israel asigigi na Ezipte.

Awatokua 7:36

Moïse laa amu azo ni na Ezipte, lo sigigi na ala. Lo sara aye ti kpene na aye ti dongo be na Ezipte, na kota Ngu-bengba nga na ya ti benyama so ala sara ngu baleosio daa.

1 Korente 10:3

Ala kue ate gi oko kobe ti yingo,

Ndia ti fani use ni 1:8

Ala baa: mbi mu na ala sese so awe. Ala gue, amu ni titene aga ti ala, ngbanga ti so ayeke sese so mbi, KOTA GBIA, mbi deba yanga ti mbi ti mu na akotara ti ala Abraham, Isaac na Jacob nga na *ahale ti ala na peko ti ala!”

Ndia ti fani use ni 2:7

– Biani, ala azo ti Israel, KOTA GBIA asara tufa na ndö ti ala na ya ti aye so kue ala sara. Lo baa ndo na ndö ti ala na ndembe so ala hon na ya ti kota benyama so. Na ya ti ngu baleosio kue, KOTA GBIA Nzapa ti ala ayeke na ala, ye oko atia ala pepe. –

Ndia ti fani use ni 29:4

Na ya ti ngu baleosio, KOTA GBIA atambula na ala na ya ti benyama. Bongo ti ala na poro ti ala aga gbagba ni pepe.

Ndia ti fani use ni 8:4

Na ya ti ngu baleosio so kue, bongo ti ala aga gbagba ni pepe, gere ti ala asuku pepe.

Josué 5:12

Lango oko na peko ti akobe ti kodro ni so ala te so, *mane akai; azo ti Israel akiri awara mane pepe si na ngu ni so, ala te gi akobe ti kodro ti Kanaan.