Sigingo 16:31 - Mbeti ti Nzapa - Tënë so amu fini

³¹ Azo ti Israel adi iri ti kobe ni *mane. Mane ayeke tongana lengo ti pere so iri ni koriandre, avuru vurungo, nzerengo ni ayeke tongana nzerengo ti makara so a sara na mafuta ti wotoro.

Sigingo 16:31 ပူးပေါင်းရင်းမြစ်များ

Sigingo 16:14

So ngu ti pere ni ahole awe, ambeni ye vuru vuru, kete kete tongana akete le ti kobe angba na ndö ti sese.

Sigingo 16:15

Azo ti Israel abaa ye ni si ala tene na popo ti ala, atene: “So nyen laa?” Biani, ala hinga ye ni so pepe. Moïse atene na ala: “Mapa so KOTA GBIA amu na ala titene ala te laa.

Sigingo 16:30

Tongaso, azo ti Israel awu tere ti ala na lango mbarambara ni.

Sigingo 16:32

Moïse atene: “Baa, yanga so KOTA GBIA amu ayeke so: ‘Ayeke nzoni ala zia mane asi ya ti ta oko; fade ala bata ni ndali ti *ahale ti ala titene ala baa ni si ala hinga kobe so mbi mu ando na ala ti te na benyama, na ndembe so mbi sara si ala sigigi na kodro ti Ezipte.’ ”

B. ti abia 2:3

Tongana keke ti pome na popo ti akeke ti gbako, kamba ti be ti mbi ayeke tongaso na popo ti amaseka-koli. Mbi ye ti duti na gbe ti de ti lo; le ti keke ti lo anzere nzerengo na yanga ti mbi.

Ndia ti fani use ni 8:16

Gi na ya ti oko benyama ni, KOTA GBIA amu na ala *mane, kobe so akotara ti ala ahinga ni pepe. Lo sara tongaso titene aye ti ngangu asi na ala si lo tara be ti ala; na ndani, lo sara nzoni na ala.

Ndia ti fani use ni 8:3

Na peko ti aye ti ngangu so KOTA GBIA asara si asi na ala, na peko ti so lo sara si ala baa pasi na nzara, lo mu na ala *mane, kobe so ala hinga kozoni pepe. Ataa ala wani, ataa akotara ti ala ahinga kobe ni so pepe. Lo sara tongaso ti fa na ala so zo ayeke ngba na fini gi na lege ti kobe pepe, me na lege ti tënë so kue ayeke sigigi na yanga ti KOTA GBIA.