Sigingo 16:29 - Mbeti ti Nzapa - Tënë so amu fini

²⁹ Alingbi ala hinga so: mbi KOTA GBIA, mbi mu na ala lango ti wungo tere. Ndani laa na lango omene ni, mbi mu nga na ala mapa ti lango use. Na lango mbarambara ni, ayeke nzoni zo oko oko angba na ndo ti lo; zo oko asigigi pepe.”

Sigingo 16:29 ပူးပေါင်းရင်းမြစ်များ

Néhémie 9:14

Mo sara si ala hinga *lango ti wungo tere, lango so a zia ni nde ndali ti mo. Na lege ti Moïse, zo ti kua ti mo, mo mu na ala atënë ti ndia, atënë ti yanga ti mo nga na andia.

Sigingo 16:28

KOTA GBIA atene na Moïse: “Ala yeke ngba ti ke ti sara ye alingbi na tënë ti yanga ti mbi na ndia ti mbi ngbii asi lawa?

Sigingo 16:30

Tongaso, azo ti Israel awu tere ti ala na lango mbarambara ni.

Sigingo 31:13

“Mu yanga na azo ti Israel, mo tene: ‘Alingbi ala bata *alango ti wungo tere nzoni. Biani, lango ti wungo tere ayeke mbeni ye ti dango be na popo ti mbi na ala ngu na ngu. Ye ni ayeke dabe ti ala atene, mbi laa mbi yeke KOTA GBIA so ayeke sara titene ala ga nde si ala ga nzoni kue.

Ezekiel 20:12

Mbi mu nga na ala *lango ti wungo tere ti ga mbeni ye ti fa atene, songo ayeke na popo ti mbi na ala si ala hinga atene, mbi laa mbi yeke KOTA GBIA so mbi zia ala nde ndali ti mbi.

Awayango-sandaga 25:21

Fade mbi yeke mu yanga titene tufa ti mbi aga na ndö ti ala na ngu omene ni si sese ayeke du ale ti kobe ndali ti ngu ota.

Matthieu 24:20

Ala azo ti mbi, ala sambela si kpengo ti ala aduti na ngoi ti de wala na *lango ti wungo tere pepe,

Nzoni Tënë so Luc asu na mbeti 23:56

Na pekoni, ala kiri na ya ti gbata ni si ala leke ayombo na aye so azo ayeke zia na tere ti kuâ. Na lango ti wungo tere, ala duti ti wu tere ti ala tongana ti so atënë ti ndia afa.