Sigingo 16:28 - Mbeti ti Nzapa - Tënë so amu fini

²⁸ KOTA GBIA atene na Moïse: “Ala yeke ngba ti ke ti sara ye alingbi na tënë ti yanga ti mbi na ndia ti mbi ngbii asi lawa?

Sigingo 16:28 ပူးပေါင်းရင်းမြစ်များ

2 Agbia 17:14

Me azo ti Israel ama tënë ni pepe. Ala sara ngangu li tongana ti akotara ti ala so ake ando ti ma na be na KOTA GBIA, Nzapa ti ala.

2 Agbia 17:15

Ala ke andia ti KOTA GBIA, ala ke tënë ti *mbuki so lo sara na akotara ti ala, ala ke awango so lo mu na ala. Ala mu peko ti afungo nzapa si ala wani aga ye so afun awe. Ala mu peko ti sarango ye ti amara so alango nduru na ala, ataa so KOTA GBIA ake na azo ti Israel titene ala sara ye pepe tongana ti amara so.

Abia (Psaumes) 106:13

Me gi hio tongaso, ala girisa aye so lo sara, ye so lo leke na be ti lo ti sara, ala ku ni pepe.

Abia (Psaumes) 78:10

ngbanga ti so ala bata tënë ti mbuki ti Nzapa pepe, ala ke ti sara ye alingbi na *Ndia ti lo.

Abia (Psaumes) 78:22

ngbanga ti so ala zia be ti ala na ndö ti Nzapa pepe, ala ke ti ma na be so lo lingbi ti soo ala na kuâ.

Sigingo 10:3

Moïse na Aaron ague na ndo ti Faraon si ala tene na lo: “Tënë so KOTA GBIA, Nzapa ti ahebro atene ayeke so: ‘Mo yeke ke ti sara tere ti mo kete na dawa ti mbi ngbii asi lawa? Zia lege na azo ti mbi titene ala gue, avoro mbi.

Sigingo 16:27

Andaa na lango mbarambara ni, ambeni zo ni asigigi ti ro kobe, me ala wara ye oko pepe.

Sigingo 16:29

Alingbi ala hinga so: mbi KOTA GBIA, mbi mu na ala lango ti wungo tere. Ndani laa na lango omene ni, mbi mu nga na ala mapa ti lango use. Na lango mbarambara ni, ayeke nzoni zo oko oko angba na ndo ti lo; zo oko asigigi pepe.”

Ésaïe 7:13

Tongaso Ésaïe atene: “Ala *ahale ti David, ala ma mbi si! So ala ngba ti so li ti azo so, alingbi na ala pepe si ala ye ti so li ti Nzapa ti mbi so?

Ésaïe 7:9

Samarii ayeke li-kodro ti Efraim, Peka ayeke gbia gi na Samarii. Tongana ala ma na be pepe, fade ala yeke gbu le ni pepe.”

Jérémie 4:14

“Jérusalem, tongana mo ye titene a soo mo, ayeke nzoni mo *sukula sioni na be ti mo. Sioni tënë ayeke ngba ande na be ti mo ngbii asi lawa?

Jérémie 9:6

Ndani laa, tënë so KOTA GBIA so ayeke na ndö ti dunia kue atene ayeke so: “Mbi yeke kporo ala na ya ti wâ ti zi sioni ti ala tongana ti so a yeke kporo wen; mbi yeke tara be ti ala. Nyen laa mbi yeke sara na azo ti mbi, nyen?

Ezekiel 20:13

Me na benyama, azo ti Israel atomboka na tere ti mbi; ala sara ye alingbi na andia ti mbi pepe nga na lege ti asarango ye so mbi fa na ala. Andaa aye ni ayeke sara titene zo aduti na fini tongana lo sara ye alingbi na ni. Ala sara si lango ti wungo tere aga sioni ahon ndoni. Tongaso mbi tene: Mbi yeke kiri ti tuku ngonzo ti mbi ti wâ na ndö ti ala na benyama si mbi yeke fâ ala ti hunzi ala.

Ezekiel 20:16

Mbi deba yanga ti mbi na ala, ngbanga ti so aye so mbi fa na ala, ala baa ni tongana mbumbuse ye, ala sara ye alingbi na andia ti mbi pepe, ala sara si lango ti wungo tere aga sioni. Biani, be ti ala angba gi na ndö ti ayanda ti ala.

Ezekiel 5:6

Me azo ti gbata ni ake ti sara ye alingbi na atënë ti ndia ti mbi nga na aye so mbi fa. Ala kiri asara aye ti sioni ahon azo ti amara nde nga na azo ti akodro so angoro ala. Biani, ala bi atënë ti ndia ti mbi na ngonda, ala sara ye alingbi na aye so mbi fa pepe.

Wungo ti azo 14:11

*KOTA GBIA atene na Moïse: “Azo so ayeke ngba ti ke mbi ngbii asi lawa? Ala yeke ke ti zia be ti ala na ndö ti mbi ngbii asi lawa, ataa aye ti kpene so kue mbi sara na popo ti ala?

Wungo ti azo 20:12

Me KOTA GBIA atene na Moïse na Aaron: “Na sarango ye tongaso, ala zia be ti ala na ndö ti mbi KOTA GBIA pepe, ala fa na azo ti Israel pepe so mbi yeke nde si mbi yeke nzoni kue. Ndali ni, ala yeke gue na bongbi ti azo ni pepe na kodro so mbi mu na ala.”

Marc 9:19

Jésus atene na ala: “Ala azo ti fadeso, ala so ayeke na mabe pepe so! Fade mbi yeke ngba ti duti na tere ti ala ngbii asi lawa? Fade mbi yeke ngba ti kanga be ti mbi na ala ngbii asi lawa? Ala ga na mbi molenge ni!”