Sigingo 16:23 - Mbeti ti Nzapa - Tënë so amu fini

²³ Moïse atene na ala: “Yanga so KOTA GBIA amu laa: Kekereke ayeke *lango ti wungo tere, lango ti wungo tere so a zia ni nde ndali ti KOTA GBIA. Ye so ala ye ti zö, ala zö ni; ye so ala ye ti to, ala to ni. Tanga ti kobe ni, ala bata ndali ti kekereke na ndaperere.”

Sigingo 16:23 ပူးပေါင်းရင်းမြစ်များ

Néhémie 9:13

Mo londo na yayu, mo zu na ndö ti hoto ti Sinai; ngbene ye na yayu kâ, mo tene tënë na ala, mo mu na ala atënë ti yanga ti mo so ayeke mbirimbiri, andia so ayeke na lege ti taa-tënë, andia na ambela so ayeke nzoni mingi.

Néhémie 9:14

Mo sara si ala hinga *lango ti wungo tere, lango so a zia ni nde ndali ti mo. Na lege ti Moïse, zo ti kua ti mo, mo mu na ala atënë ti ndia, atënë ti yanga ti mo nga na andia.

Sigingo 16:19

Moïse akiri atene na ala: “Zo oko abata kobe ni asi na ndaperere pepe!”

Sigingo 23:12

“Na ya ti lango omene, fade ala yeke sara akua ti ala. Me na lango mbarambara ni, ala wu tere ti ala; tongaso si bagara ti ala na lele ti ala alingbi ti wu tere ti ala; tongaso si angbaa nga na awande so ayeke na ndo ti ala alingbi ti wu pupu.

Sigingo 31:15

Fade ala yeke sara kua ti ala na ya ti lango omene, me lango mbarambara ni ayeke lango ti wungo tere, lango ti wungo tere so a zia nde ndali ti mbi KOTA GBIA. Zo so a yeke sara kua na lango ti wungo tere, fade a yeke fâ lo.

Jérémie 17:22

Na lango ti wungo tere, ala mu akungba na da ti ala ti sigigi na ni pepe; ala sara mbeni kua oko pepe. Me ala bata lango ni nde ndali ti mbi tongana ti so mbi mu ando yanga daa na akotara ti ala.

Awayango-sandaga 23:3

“Na ya ti yenga oko, ala yeke sara kua na ya ti lango omene; me lango mbarambara ni ayeke *lango ti wungo tere; na lango ni so, ala yeke sara kua oko pepe, lango so ala yeke bongbi ti voro mbi. So ayeke lango ti wungo tere: na ndo so kue ala yeke duti daa, ala bata lango ni so ndali ti mbi KOTA GBIA.

Wungo ti azo 11:7

Andaa mane ni akpa lengo ti pere so iri ni koriandre, avuru vurungo tongana ngu ti keke ti bedelium.

Wungo ti azo 11:8

Azo ti Israel akangbi tere ti ala nde nde nde ti ro mane ni; na pekoni, ala yeke nika ni na ndö ti têne, wala ala yeke pika ni na ya ti kpu, ala yeke to ni na ya ti tawa si aga tongana kanda. Nzerengo ni akpa nzerengo ti gatoo so a sara na mafuta.

Nzoni Tënë so Luc asu na mbeti 23:56

Na pekoni, ala kiri na ya ti gbata ni si ala leke ayombo na aye so azo ayeke zia na tere ti kuâ. Na lango ti wungo tere, ala duti ti wu tere ti ala tongana ti so atënë ti ndia afa.

Ndia ti fani use ni 5:12

“Alingbi mo bata *lango ti wungo tere nde ndali ti mbi, alingbi na yanga so KOTA GBIA Nzapa ti mo amu na mo.

Aye so Nzapa afa 1:10

Na lango ti *Kota Gbia, Yingo ti Nzapa agbu mbi. Na peko ti mbi, mbi ma mbeni go so atoto ngangu tongana tatalita.