Sigingo 16:20 - Mbeti ti Nzapa - Tënë so amu fini

²⁰ Me ambeni zo ni ama Moïse pepe. Ala bata kobe ni asi na ndaperere; angusu adu daa si kobe ni afun sioni. Tongaso Moïse asara ngonzo na tere ti ala.

Sigingo 16:20 ပူးပေါင်းရင်းမြစ်များ

Sigingo 16:19

Moïse akiri atene na ala: “Zo oko abata kobe ni asi na ndaperere pepe!”

Sigingo 16:21

Lakue na ndaperere, zo oko oko ayeke ro akobe so alingbi na nzara ti lo. Tongana lâ asu, kobe ni ayeke ga ngu.

Sigingo 16:24

Ala bata tanga ti kobe ni asi na ndaperere alingbi na yanga so Moïse amu. Kobe ni afun pepe, angusu adu nga daa pepe.

Wungo ti azo 12:3

Moïse ayeke mbeni zo so ayeke sara tere ti lo kete mingi; mbeni zo na sese so ti sara tere ti lo kete ti lingbi na lo ayeke daa pepe.

Wungo ti azo 16:15

Ngonzo agbu Moïse ngangu mingi si lo tene na KOTA GBIA: “Yeda na *sandaga ti ala pepe! Laoko mbi mu ye ti ala pepe, ataa mbeni lele ti ala. Mbi sara mbana na zo oko na popo ti ala pepe!”

Matthieu 6:19

“Ala bongbi mosoro na ndö ti dunia so pepe! Na ndö ti dunia so, akangi na *soko ayeke buba ni, azo ti nzi ayeke kungbi yanga ti da ti nzi ni.

Marc 10:14

So Jésus abaa ye so, ngonzo agbu lo si lo tene na adisiple ni, lo tene: “Ala zia akete molenge aga na mbi! Ala kanga lege na ala pepe, ngbanga ti so *Kodro-gbia ti Nzapa ayeke ndali ti azo so ayeke tongana amolenge so.

Marc 3:5

Jésus abaa le ti ala oko oko kue na ngonzo; be ti lo awara vundu ngbanga ti sioni be ti ala. Lo tene na koli ni: “Yoro ya ti maboko ti mo.” Lo yoro ni si maboko ti lo akiri aga nzoni.

Nzoni Tënë so Luc asu na mbeti 12:15

Na pekoni, Jésus atene na ala: “Ala sara hange! Ala sara si kota nzara ti warango aye asara ala pepe, ngbanga ti so tongana zo ayeke na aye mingi, aye ti lo ni laa alingbi ti bata fini ti lo pepe.”

Nzoni Tënë so Luc asu na mbeti 12:33

Ala ka aye so ala yeke na ni, ala mu nginza ni na azo ti mawa. Ala gi ti wara abozo ti nginza so ayeke buba pepe; ala bata mosoro ti ala na yayu! Kâ, mosoro ni ayeke hunzi pepe: zo ti nzi alingbi ti si nduru na ni pepe, akangi alingbi nga ti te ni pepe.

Efeze 4:26

Tongana ala sara ngonzo, ala sara hange si ala sara siokpari pepe; ala bata ngonzo na be ti ala ngbii asi na lakui pepe.

Ahebro 13:5

Na lege ti sarango ye ti ala, alingbi nzara ti nginza ahon ndö ti ala pepe, me ala zia be ti ala gi na ye so ala yeke na ni, ngbanga ti so Nzapa wani atene: “Fade mbi yeke do mo ti zia mo pepe, mbi yeke zia mo oko pepe.”