Sigingo 15:27 - Mbeti ti Nzapa - Tënë so amu fini

²⁷ Na pekoni, azo ti Israel asi na Elim. Kâ, ali ti ngu baleoko na use na akeke ti mburu balembarambara ayeke daa. Ala sara bâbâ ti ala kâ na tere ti ngu.

Sigingo 15:27 ပူးပေါင်းရင်းမြစ်များ

Abia (Psaumes) 23:2

Lo zia mbi na ndo so fini pere ayeke daa si mbi duti ti wu tere ti mbi, lo fa na mbi lege ti ndo ti nzoni ngu, nzoni ngu so ayeke sua yeke-yeke.

Sigingo 16:1

Bongbi ti azo ti Israel kue alondo na Elim, ala si na benyama ti Sin na lango baleoko na oku ti use nze ni, na peko ti so ala sigigi na kodro ti Ezipte. Sin ayeke na popo ti Elim na hoto ti Sinai.

Ésaïe 12:3

Ala yeke to ngu na ngia na li ti ngu so ayeke soo zo na kuâ.

Ezekiel 47:12

Na yanga ti ngu ni mbage na mbage, mara ti akeke nde nde so a yeke te ale ni asigigi daa. Akugbe ni ayeke hole pepe; alengo ni ayeke hunzi na ndö ti amaboko ti keke ni pepe. Na ya ti nze oko oko, akeke ni ayeke le afini lengo, ngbanga ti so ala wara ngu so alondo na da so ayeke nde si ayeke nzoni kue. Ale ti keke ni ayeke ti tengo ni si akugbe ni ayeke ti kaingo na kobela.”

Wungo ti azo 33:9

Ala londo na Mara, ala si na Elim. Na Elim, ala wara ali ti ngu baleoko na use na akeke ti mburu balembarambara. Ala sara bâbâ ti ala kâ.

Aye so Nzapa afa 22:2

Ngu ni asua, ahon na be ti balabala ti ya ti gbata ni. Na atere ti ngu ni, mbage na mbage, keke so ayeke mu fini na zo ayeke daa. Keke ni ayeke le fani baleoko na use na ya ti ngu oko, so ti tene nze na nze. Akugbe ti keke ni ayeke yoro ti kaingo na kobela na tere ti amara.

Aye so Nzapa afa 7:17

ngbanga ti so Molenge ti Taba so ayeke na ndö ti mbata ti gbia ayeke bata ala tongana ataba ti lo. Lo yeke gue na ala na li ti ngu so ayeke mu fini na zo. Fade Nzapa ayeke mbo ngu ti le ti ala kue.