Sigingo 15:22 - Mbeti ti Nzapa - Tënë so amu fini

²² Moïse amu yanga na azo ti Israel si ala londo na tere ti kota ngu-ingo ti Asosongo ti hon. Ala mu lege so ague na benyama ti Shur. Ala tambula lango ota na benyama, ala wara ngu pepe.

Sigingo 15:22 ပူးပေါင်းရင်းမြစ်များ

Tongo nda ti aye 16:7

*Ange ti KOTA GBIA awara Agar na tere ti mbeni li ti ngu na benyama, so ayeke na lege ti guengo na Shur.

Tongo nda ti aye 20:1

Abraham alondo na ndo so, lo gue na sese ti mbage ti Mbongo. Lo sara kodro na popo ti akodro ti Kades na Shur. Na pekoni, lo gue, lo duti na gbata ti Gerar.

Tongo nda ti aye 25:18

Ahale ti Ismael asara kodro na sese so ayeke na popo ti Havila na Shur. Shur ayeke nduru na Ezipte na lege so ague na Ashur. Ala gue, aduti ti ala nde na tere ti tanga ti ahale ti Abraham.

Abia (Psaumes) 136:16

Lo fa lege na azo ti lo na ya ti benyama. – Biani, nzoni be ti lo angba kpu na kpu!

Abia (Psaumes) 77:20

Mo suru lege ti mo na ya ti kota ngu-ingo, mo hon na ya ti ngu so alinda, zo oko abaa peko ti gere ti mo pepe.

Abia (Psaumes) 78:52

Lo sara si azo ti lo asigigi tongana ataba na ya ti gbagba so a yeke bata ala daa. Lo fa lege na ala na benyama tongana ti so wabatango-taba ayeke fa lege na ataba ti lo.

Abia (Psaumes) 78:53

Lo fa lege na ala, ye oko ti sara ala ayeke daa pepe, mbeto ti mbeni ye asara ala pepe na ndembe so kota ngu-ingo amene awato ti ala.

Sigingo 17:1

Bongbi ti azo ti Israel kue alondo na benyama ti Sin, ala si na mbeni ndo; ala londo na ndo so ala si na mbeni ndo alingbi na yanga so *KOTA GBIA amu; ala sara tongaso ngbii ala si na Refidim. Ala sara bâbâ ti ala kâ, me ngu ti nyongo ni ayeke daa pepe.

Sigingo 3:18

“Azo ti Israel ayeke ma ande mo; tongaso mo na akangba, ala yeke gue na ndo ti gbia ti Ezipte si ala yeke tene na lo: ‘KOTA GBIA, Nzapa ti ahebro afa tere ti lo na e. Fadeso, mu na e lango ota, e gue na benyama, e mu *sandaga na KOTA GBIA, Nzapa ti e.’

Wungo ti azo 33:8

Ala londo na Pi-Hahirot, ala fâ kota ngu-ingo ti Asosongo si ala gue na benyama. Ala tambula lango ota na ya ti benyama ti Etam, ala gue, asara bâbâ ti ala na Mara.

1 Samuel 15:7

Saul afâ azo ti Amalek, ti londo na Havila ngbii asi na Shur so abaa le na Ezipte.

1 Samuel 27:8

David na azo ti lo alondo na Siklag si ala gue ti tiri bira na azo ti Geshur, azo ti Girzi nga na azo ti Amalek. Azo ni so alango na kodro ni ngbene ye aninga, ti londo na mbage ti Shur ngbii asi na yanga ti kodro ti Ezipte.