Sigingo 14:31 - Mbeti ti Nzapa - Tënë so amu fini

³¹ Azo ti Israel abaa so, na lege ti ngangu ti maboko ti lo, KOTA GBIA ahon ndö ti azo ti Ezipte. Nilaa ala kpe mbeto ti KOTA GBIA si ala zia be ti ala na ndö ti KOTA GBIA nga na ndö ti Moïse, zo ti kua ti lo.

Sigingo 14:31 ပူးပေါင်းရင်းမြစ်များ

2 Mbai 20:20

Na kota ndaperere, azo kue alondo ti gue na benyama ti Tekoa. Na guengo ti ala, Yosafat aluti na nduzu si lo tene na ala: “Azo ti Jérusalem na azo ti Juda, ala ma mbi si! Ayeke nzoni ala zia be ti ala na ndö ti KOTA GBIA, Nzapa ti ala si fade ala yeke wara ngangu. Ala zia be ti ala na ndö ti azo ti tenengo peko ti yanga ti lo si fade ala yeke so benda.”

Néhémie 9:9

Pasi so akotara ti e abaa lani na Ezipte, mo baa ni kue; mo ma toto ti ala na yanga ti kota ngu-ingo ti Asosongo.

Abia (Psaumes) 119:120

Tere ti mbi kue ayeke do na mbeto na dawa ti mo, mbeto ti atënë ti fango ngbanga ti mo asara mbi.

Sigingo 19:9

KOTA GBIA atene na Moïse: “Baa, mbi yeke ga ti si na mo na ya ti gba ti nengo mbinda. Tongaso, azo ti Israel alingbi ti ma go ti mbi na ndembe so mbi yeke tene tënë na mo si ala lingbi ti zia be ti ala na ndö ti mo kpu na kpu.” Moïse akiri atene peko ti atënë ti azo ni na KOTA GBIA.

Sigingo 4:31

Azo ti Israel ayeda na tënë ni si ala hinga atene, KOTA GBIA ayeke ga ti mu maboko na ala, ngbanga ti so lo baa lege so ala baa pasi. Tongaso, ala kuku akpo li ti ala na sese ti voro lo.

Nzoni Tënë so Luc asu na mbeti 8:13

Ambeni zo ayeke tongana ndö ti têne so ale ti kobe atuku daa; tongana ala ma tënë ni, ala yamba ni na ngia, me tënë ni ali na ya ti be ti ala pepe; ala ma na be gi na ya ti kete ngoi, tongana ye ti tarango be asi na ala, ala do lege ni azia.

Jean 11:45

Azuife mingi so aga ti baa Marie, so ala baa ye so Jésus asara, ambeni mingi ama na be na lo.

Jean 2:11

Lege so Jésus asara kozo ye ti kpene na Kana, mbeni kodro ti Galile laa. Lo fa gonda ti lo si adisiple ti lo ama na be na lo.

Awatokua 8:13

Simon nga ama na be si lo wara bateme; lo ngba lakue na tere ti Philippe. Lo nga, be ti lo ado na bango aye ti kpene na aye ti dongo be so Philippe ayeke sara so.

Ahebro 3:5

Moïse asara ti lo ando kua ti da ti Nzapa kue na legeni tongana zo ti kua ti Nzapa; kua ti lo ayeke ti fa na azo tënë so Nzapa ayeke tene ande na ala.

Josué 24:7

Tongaso akotara ti ala adekongo na mbi KOTA GBIA si mbi zia mbeni ngbongboro mbinda na popo ti ala na azo ti Ezipte. Na pekoni, mbi sara si ngu ti kota ngu-ingo ni akiri na ndö ti azo ti Ezipte si amene ala. Ala azo ti Israel, ala baa na le ti ala ye so mbi sara na azo ti Ezipte so! Ala azo ti Israel, ala ninga mingi na benyama.

Josué 4:14

Na lango ni so, KOTA GBIA asara si Josué aga kota na le ti azo ti Israel kue. Na lango so kue lo ngba na fini, ala ne lo tongana ti so ala ne ando Moïse.

Josué 4:24

Lo sara tongaso titene azo ti ndö ti sese kue ahinga atene, maboko ti KOTA GBIA ayeke ngangu; tongaso si ala, azo ti Israel, ala kpe mbeto ti KOTA GBIA, Nzapa ti ala lakue.’ ”

1 Samuel 12:16

Fadeso, ala luti ge, fade ala yeke baa na le ti ala ye ti kpene so KOTA GBIA ayeke sara.

1 Samuel 12:18

Samuel asambela KOTA GBIA si KOTA GBIA atokua bekpa na ngu-Nzapa gi na lango ni so. Mbeto ti KOTA GBIA na mbeto ti Samuel agbu azo ti kodro mingi.