Sigingo 14:27 - Mbeti ti Nzapa - Tënë so amu fini

²⁷ Moïse ayoro maboko ti lo na ndö ti kota ngu-ingo ni. So ndo aga nduru ti han, ngu ni akiri na plase ni tongana ti kozo. Azo ti Ezipte so angba ti kpe atengbi biaku na ngu ni. KOTA GBIA abi ala na ya ni.

Sigingo 14:27 ပူးပေါင်းရင်းမြစ်များ

Néhémie 9:11

Mo kangbi ya ti kota ngu-ingo na dawa ti azo ti Israel si ala hon na popo ti ngu ni na ndö ti kuru sese. Azo so ayeke tumba lani peko ti azo ti Israel, mo bi azo ni na gbe ti kota ngu so ali, ala li na gbe ti ngu tongana têne.

Abia (Psaumes) 106:11

Ngu amene azo so ake ala si mbeni oko angba pepe.

Abia (Psaumes) 136:15

Lo tuku gbia Faraon na aturugu ti lo na ya ti kota ngu-ingo ti Asosongo. – Biani, nzoni be ti lo angba kpu na kpu!

Abia (Psaumes) 78:53

Lo fa lege na ala, ye oko ti sara ala ayeke daa pepe, mbeto ti mbeni ye asara ala pepe na ndembe so kota ngu-ingo amene awato ti ala.

Ésaïe 10:26

Fade KOTA GBIA so ayeke na ndö ti dunia kue ayeke mu fimbo ti pika na azo ti Asirii tongana ti so lo pika ando azo ti Madian na tere ti kota têne ti Oreb. Lo yeke yoro keke ti lo na nduzu tongana ti so lo yoro ando na ndö ti kota ngu-ingo na Ezipte.

Ndia ti fani use ni 11:4

Ala baa nga ye so lo sara na aturugu ti Ezipte, ambarata ti ala nga na apusu ti mbarata ti ala. Biani, na ndembe so ala yeke tumba peko ti ala, azo ti Israel, KOTA GBIA asara si ngu ti kota ngu-ingo ti Asosongo aga na ndö ti ala. Lo sara si ala kui kue kpu na kpu.

Ahebro 11:29

Na lege ti mabe, azo ti Israel afâ kota Ngu-bengba, mo baa mo tene, kuru sese laa; me so azo ti Ezipte aye ti hon na peko ti ala, ngu ni amene ala kue.

Josué 24:7

Tongaso akotara ti ala adekongo na mbi KOTA GBIA si mbi zia mbeni ngbongboro mbinda na popo ti ala na azo ti Ezipte. Na pekoni, mbi sara si ngu ti kota ngu-ingo ni akiri na ndö ti azo ti Ezipte si amene ala. Ala azo ti Israel, ala baa na le ti ala ye so mbi sara na azo ti Ezipte so! Ala azo ti Israel, ala ninga mingi na benyama.

Josué 4:18

Awayango-sandaga so ayeke yo sanduku ti mbuki ti KOTA GBIA asara ye alingbi na yanga so Moïse amu na ala. Gi so ala sigigi na ya ti ngu ti Jourdain si gere ti ala ado kuru sese awe, ngu ni akiri na plase ti lo, asuku tongana ti kozo si ayeke sua ti hon.