Sigingo 14:26 - Mbeti ti Nzapa - Tënë so amu fini

²⁶ KOTA GBIA atene na Moïse: “Yoro maboko ti mo na ndö ti kota ngu-ingo titene ngu ni akiri na ndö ti azo ti Ezipte, na ndö ti apusu ti mbarata ti ala nga na ndö ti azo ti kpengo na mbarata ti ala.”

Sigingo 14:26 ပူးပေါင်းရင်းမြစ်များ

Sigingo 1:22

Tongaso Faraon amu yanga na azo ti lo kue, atene: “Amolenge-koli so kue ahebro adu ala, ala bi ala na ya ti *bale ti Nil! Me ala zia amolenge-wali angba na fini.”

Sigingo 14:16

Ti mo, mu keke ti mo, mo yoro ni na nduzu na ndö ti kota ngu-ingo; mo kangbi ya ti ngu ni mbage na mbage titene azo ti Israel ahon na popo ni na ndö ti kuru sese.

Sigingo 15:1

Tongaso Moïse na azo ti Israel ahe bia so na *KOTA GBIA, ala tene: Mbi ye ti he bia na KOTA GBIA: lo fa kota ngangu ti lo, lo bi ambarata na azo ti kpengo na mbarata ni na ya ti kota ngu-ingo!

Sigingo 15:4

Lo bi apusu ti mbarata ti Faraon na aturugu ti lo na ya ti kota ngu-ingo. Kota ngu-ingo ti Asosongo amene akpengba turugu ti lo.

Sigingo 7:19

KOTA GBIA akiri atene na Moïse: “Tene na Aaron, mo tene: Mu keke ti mo, yoro maboko ti mo na ndö ti angu ti Ezipte, na ndö ti abale, na ndö ti angu so ayeke sua na ya ti adu, na ndö ti angu ti *alende, na ando so kue ngu ayeke daa. Fade angu ni ayeke ga mene. Tongaso fade mene ayeke mu ya ti kodro ti Ezipte kue, ya ti asembe so a sara na keke nga na asembe so a sara na têne.”

Sigingo 8:5

Moïse akiri tënë na Faraon, atene: “Tongana mo ye, mo fa na mbi lango so mbi lingbi ti sambela Nzapa ndali ti mo, ndali ti azo ti gbe ti mo nga ndali ti azo ti kodro ti mo. Mbi yeke hunda na Nzapa titene akongba ni alondo na ndo ti mo nga na ya ti yangbo ti mo ahon. Tongaso ala yeke ngba gi na ya ti bale ti Nil.”

Ésaïe 11:16

Mbeni lege ayeke duti daa ndali ti tanga ti azo ti lo, azo ti lo so angba na fini na sese ti Asirii. Lege ni ayeke duti tongana lege so azo ti Israel amu ni ando na ngoi so ala londo na Ezipte ti sigigi.

Matthieu 7:2

Biani, Nzapa ayeke fâ ande ngbanga na li ti ala gi tongana ti so ala yeke fâ ngbanga na li ti azo. Ye so ala mu ti haka na ye na azo, ni laa Nzapa ayeke mu ni ti haka na ye na ala.

Matthieu 8:27

Be ti azo ni kue ado si ala tene: “Zo so ayeke zo wa si pupu na amapo kue ayeke ma yanga ti lo so?”

Jacques 2:13

Biani, zo so abaa mawa ti mba ti lo pepe, tongana Nzapa ayeke fâ ande ngbanga ti azo, lo yeke baa nga mawa ti zo ni pepe; me zo so abaa mawa ti mba ti lo, fade lo yeke sigigi na ya ti ngbanga.

Aye so Nzapa afa 16:6

Biani, ndali ti so azo ni atuku ando mene ti azo ti mo na ti awayanga-Nzapa, mo mu na ala mene ti nyon. Ye so alingbi na ala laa.”