Sigingo 14:25 - Mbeti ti Nzapa - Tënë so amu fini

²⁵ KOTA GBIA asara si gere ti apusu ti mbarata ti ala azi si ala ye ti hon, ala hon gbaa. Tongaso azo ti Ezipte atene: “E kpe yongoro na tere ti azo ti Israel, ngbanga ti so KOTA GBIA laa ayeke tiri bira na e ndali ti azo ti Israel!”

Sigingo 14:25 ပူးပေါင်းရင်းမြစ်များ

2 Mbai 20:29

So azo ti ambeni kodro-gbia nde ama a tene, KOTA GBIA akinda awato ti Israel, mbeto ti Nzapa asara ala mingi.

Néhémie 4:14

Na ndo so kue ala yeke daa, tongana ala ma toto ti didi, ala bongbi na tere ti mbi. Fade Nzapa ti e ayeke tiri bira ndali ti e!”

Néhémie 6:16

So awato ti e kue ama tënë ni, mbeto agbu amara so kue angoro e, kamene ahon ndö ti ala. Ala hinga atene, Nzapa ti e laa amu maboko na e si kua ti gbagba ni ahunzi so.

Néhémie 9:11

Mo kangbi ya ti kota ngu-ingo na dawa ti azo ti Israel si ala hon na popo ti ngu ni na ndö ti kuru sese. Azo so ayeke tumba lani peko ti azo ti Israel, mo bi azo ni na gbe ti kota ngu so ali, ala li na gbe ti ngu tongana têne.

Mbeti ti Job 11:20

Me azo ti sioni, le ti ala ayeke ngba gi na lege ti ku; ndo ti bata tere ti ala daa, ala yeke wara ni pepe; gi kuâ laa ala yeke zia be ti ala ti ku ni.

Mbeti ti Job 20:24

Tongana lo kpe zeme ti bira so a sara na wen, kokora so a sara na bengba wen ayeke kpo lo.

Mbeti ti Job 27:22

Nzapa ayeke tokua ale ti kokora na tere ti zo ti sioni; lo yeke baa mawa ti lo pepe. Lo sara kue ti kpe na maboko ti zo ti bingo ale ti kokora ni.

Abia (Psaumes) 35:1

Bia ti David. *KOTA GBIA, bi tënë na li ti azo so ayeke bi tënë na li ti mbi; tiri na azo so ayeke tiri na mbi.

Abia (Psaumes) 46:9

Ala azo, ala ga abaa ye so KOTA GBIA asara; aye so lo buba na ndö ti sese!

Abia (Psaumes) 68:12

Kota Gbia amu yanga si gba ti awali ahon na nzoni sango so:

Abia (Psaumes) 76:6

Azo anzi ye na tere ti akpengba turugu so kue awe, lango ahon na aturugu ni biani biani; angangu zo ti bira so kue, ala wara lege ti tiri pepe.

Sigingo 14:14

KOTA GBIA laa ayeke tiri bira ndali ti ala. Ti ala, fade ala yeke duti gi kpoo.”

Sigingo 14:18

Tongana mbi fa gonda ti mbi na ndö ti Faraon, na ndö ti apusu ti mbarata ti lo nga na ndö ti azo ti kpengo na mbarata ti lo, fade azo ti Ezipte ayeke hinga atene, mbi laa mbi yeke KOTA GBIA.”

Sigingo 14:4

Mbi yeke sara titene be ti Faraon akpengba si lo tumba peko ti ala. Tongaso, fade mbi yeke fa gonda ti mbi na ndö ti Faraon nga na ndö ti aturugu ti lo kue. Tongaso si azo ti Ezipte ahinga atene mbi laa mbi yeke KOTA GBIA.” Nilaa azo ti Israel asara ye ni tongaso.

Sigingo 15:3

KOTA GBIA ayeke ngangu zo ti bira. Iri ti lo ayeke KOTA GBIA!

Ésaïe 31:4

Tënë so *KOTA GBIA atene na mbi laa: “Tongana bamara wala kete bamara ayeke toto ti bata nyama so lo gbu ti te, ataa azo airi gba ti awabatango-taba ti ga na tere ti lo, mbeto ti dekongo ti ala asara lo pepe, lo yeke zia nyama ni ndali ti wusuwusu ti ala pepe. Ye ni ayeke duti ande legeoko tongaso ndali ti mbi KOTA GBIA so mbi yeke na ndö ti dunia kue, mbi yeke zu na ndö ti hoto ti *Sion, ti tiri bira kâ.”

Jérémie 51:21

Mbi mu mo ti nika ambarata na azo ti kpengo na ambarata ni, apusu ti mbarata na azo ti kpengo na apusu ni.

Amos 1:14

Fade mbi yeke zia wâ na gbagba ti Raba si wâ ni ayeke gbi ayangbo ti gbata ni kue na lango ti bira, na popo ti dekongo ti bira, na ndembe so pupu ti ngu-Nzapa na ngangu pupu ayeke ya.

Amos 5:19

Lango ni ayeke duti tongana lango ti mbeni zo so akpe bamara si lo gue, lo tengbi na ze; na pekoni, zo ni asi na da ti lo, lo zia maboko ti lo na tere ti dere ti da si ngbo ate lo.

Amos 9:1

Mbi baa Kota Gbia aluti na nduzu na ndö ti gbalaka, lo tene: “Alingbi ala kungbi ali ti akota yongoro gere ti kota da ti Nzapa si agere ti da ni ayingi. Ala fâ li ti da ni si da ni atuku na ndö ti azo kue. Azo so angba na fini, fade mbi yeke sara si ala kui kuâ ti yongoro zeme; zo oko alingbi ti kpe pepe, zo oko alingbi ti soo kuâ pepe.

Ndia ti fani use ni 1:30

KOTA GBIA Nzapa ti ala, lo so lo yeke tambula na dawa ti ala, fade lo wani, lo yeke tiri bira ndali ti ala, tongana ti so lo sara na le ti ala na sese ti Ezipte

Ndia ti fani use ni 3:22

Ala sara mbeto ti agbia ni so pepe, ngbanga ti so KOTA GBIA Nzapa ti ala ayeke tiri bira, lo wani ndali ti ala.”

Ndia ti fani use ni 32:31

Me awato ti ala wani ahinga atene, nzapa ti batango ala alingbi na Nzapa ti e pepe.

Josué 10:14

Mbeni lango tongana ti so ade ti duti daa pepe, ataa kozoni, ataa na pekoni. Na lango ni so, KOTA GBIA asara ye alingbi na tënë so zo ahunda na lo, ngbanga ti so KOTA GBIA wani laa atiri fade bira ndali ti azo ti Israel.

Awafango-ngbanga 4:15

KOTA GBIA azia kota wusuwusu na popo ti aturugu nga na apusu ti Sisra; ala kue akpe kirikiri na dawa ti ayongoro zeme ti azo ti Israel. Sisra alondo na ya ti pusu ti bira ti lo, lo zu na sese si lo zia gere daa.