Sigingo 13:15 - Mbeti ti Nzapa - Tënë so amu fini

¹⁵ Lani Faraon akpengba be ti lo si lo ke ti zia lege na e ti gue. Tongaso KOTA GBIA afâ akozo molenge-koli kue ti kodro ti Ezipte, akozo molenge-koli ti zo na ti anyama. Ndani laa e yeke ya akozo molenge-koli ti anyama na *sandaga na KOTA GBIA. Me akozo molenge ti e ti koli, e yeke kiri ti vo ala vongo.’

Sigingo 13:15 ပူးပေါင်းရင်းမြစ်များ

Abia (Psaumes) 105:36

Lo fâ akozo molenge kue ti azo ti kodro ni, akozo molenge so azo ni adu na ngoi so tere ti ala angba ngangu.

Sigingo 12:29

Na be ti bi, KOTA GBIA afâ akozo molenge-koli kue na ya ti kodro ti Ezipte: ti londo na kozo molenge ti gbia Faraon ti koli, lo so lo lingbi fade ti duti gbia na peko ti babâ ti lo, ngbii asi na kozo molenge ti azo so a gbu ala na kodro wande si abi ala na da ti kanga. Lo fâ nga akozo molenge-koli ti anyama.

Sigingo 3:19

Me mbi hinga so gbia ti Ezipte ayeke zia lege na ala pepe titene ala gue, gi tongana a gbu lo na ngangu si.

Sigingo 34:20

Me tongana ayeke kozo molenge ti lele, fade ala yeke sanze lo na kete taba wala na kete ngasa. Tongana ala sanze lele ni pepe, fade ala pete go ti lo, ala fâ lo. Me ti akozo molenge-koli ti ala azo, fade ala yeke kiri ti vo ala vongo. “Fade zo ayeke ga na ya ti da ti mbi maboko senge pepe.

Sigingo 4:23

Mbi mu yanga na mo ti zia lege na lo ti gue ti voro mbi, me mo ke. Ndani laa, mbi yeke fâ kozo molenge ti mo ti koli.’ ”

Wungo ti azo 18:15

Ti hunzi na ni, akozo molenge-koli ti zo na ti nyama so azo ti Israel amu na mbi, ayeke ga ti ala. Me akozo molenge-koli ti zo na ti nyama so ayeke *sioni, fade ala yeke sara titene a futa ngere ni.

Wungo ti azo 3:46

Wungo ti akozo molenge ti azo ti Israel awu ahon wungo ti azo ti mara ti Lévi na azo 273.