Sigingo 12:49 - Mbeti ti Nzapa - Tënë so amu fini

⁴⁹ “Ndia oko so ayeke ndali ti zo ti Israel so a du lo na ya ti kodro ni nga ndali ti wande so aduti na popo ti ala.”

Sigingo 12:49 ပူးပေါင်းရင်းမြစ်များ

Sigingo 12:50

Azo ti Israel kue asara ye ni alingbi gi na yanga so KOTA GBIA amu lani na Moïse na Aaron.

Awayango-sandaga 19:34

Me fade ala yeke sara na lo tongana taa zo ti kodro ti ala: alingbi ala ye lo tongana ti so ala ye tere ti ala wani. Biani, ala wani, ala yeke ando awande na kodro ti Ezipte. Mbi laa mbi yeke KOTA GBIA, Nzapa ti ala.

Awayango-sandaga 24:22

“Fade ndia oko so ayeke duti ndali ti wande nga ndali ti molenge ti kodro, ngbanga ti so mbi laa mbi yeke KOTA GBIA, Nzapa ti ala.”

Wungo ti azo 15:29

Oko ndia so ayeke ndali ti zo so asara siokpari, me na mbana ti be ti lo pepe; ayeke nga ndali ti azo ti Israel wala awande so asara kodro na popo ti ala.”

Wungo ti azo 35:15

Agbata omene so ayeke duti ndo so azo ti Israel, awande nga na agene so aga gango ayeke kpe daa ti bata tere ti ala. Mbeni zo so afâ mba ti lo na mbana pepe, lo lingbi ti kpe daa ti bata tere ti lo.

Wungo ti azo 9:14

Tongana mbeni wande so aduti na ndo ti ala aye ti sara matanga ti Pake ti ne KOTA GBIA, ayeke nzoni lo sara matanga ni alingbi na ndia ti Pake nga na yanga so a mu ndali ti Pake ni. Ndia ndali ti matanga ti Pake ayeke gi oko ndali ti azo kue, ndali ti zo ti Israel nga ndali ti wande.”

Galasii 3:28

Tongaso, zuife wala zo ti amara nde ayeke daa mbeni pepe, ngbaa wala zo so ayeke ngbaa pepe ayeke daa mbeni pepe, koli wala wali ayeke daa mbeni pepe. Biani, ala kue ayeke oko, ngbanga ti so ala ga oko na Jésus Christ awe.

Kolose 3:11

Nilaa greke wala zuife ayeke daa mbeni pepe, zo so afâ *ganza wala zo so afâ ganza pepe, zo ti amara nde wala basanzi, ngbaa wala zo so ayeke ngbaa pepe ayeke daa mbeni pepe; me kota ye ni ayeke so: Christ ayeke ye kue si lo yeke na be ti azo ti lo kue.