Sigingo 12:48 - Mbeti ti Nzapa - Tënë so amu fini

⁴⁸ Tongana mbeni wande so aduti na ndo ti ala aye ti sara matanga ti Pake ti KOTA GBIA, alingbi ala fâ akoli na amolenge-koli ti sewa ti lo na ganza. Na pekoni, lo lingbi ti duti na ya ti matanga ni; lo yeke tongana zo ti Israel so a du lo na ya ti kodro ni. ‘Zo so afâ ganza pepe, lo lingbi ti te kobe ni pepe.’ ”

Sigingo 12:48 ပူးပေါင်းရင်းမြစ်များ

Tongo nda ti aye 17:11

Ganza ni ayeke mbeni ye so ayeke fa tënë ti mbuki so ayeke na popo ti mbi na ala.

Tongo nda ti aye 17:12

Fade a yeke fâ amolenge ti ala ti koli kue na ganza lango miombe na peko ti dungo ala. Ala sara tongaso na lege ti molongo ti dungo azo ni oko oko kue. Angbaa ti ala so a du ala na da ti ala, na ala so a vo ala vongo na nginza si ala yeke azo ti mara ti ala pepe so, alingbi a fâ nga ala na ganza.

Sigingo 12:19

Na ya ti lango mbarambara, alingbi a wara mama ti mapa na ya ti ada ti ala pepe. Zo so ate mapa so a sara na mama ni, ataa lo yeke wande wala lo yeke molenge ti kodro, fade a yeke tumba lo na ya ti bongbi ti azo ti Israel.

Sigingo 12:43

KOTA GBIA atene na Moïse na Aaron: “Baa ndia ti sarango *matanga ti Pake ayeke so: ‘Wande oko alingbi ti te kobe ti matanga ti Pake pepe.

Ezekiel 14:7

“Tongana mbeni zo ti Israel wala mbeni wande so asara kodro na Israel ague yongoro na mbi, tongana lo leke ndo na be ti lo ndali ti ayanda ti lo, tongana le ti lo angba gi na ndö ti ye so ayeke sara si lo ti si lo sara sioni, zo tongaso, tongana lo ga ti baa wayanga-Nzapa na tënë ti lo, taa mbi wani, KOTA GBIA laa, mbi yeke kiri tënë na lo.

Ezekiel 44:9

Tënë so mbi Kota Gbia NZAPA, mbi tene ayeke so: Wande oko so afâ ganza pepe si afâ ganza ti be pepe, lo yeke kiri ti li pepe na ndo so a zia ni nde ndali ti mbi; ataa wande ni ayeke lango na popo ti azo ti Israel.”

Ezekiel 47:22

Ala yeke bi mbeni ye ti hinga lege so ala yeke kangbi sese ni na popo ti ala. Ala yeke kangbi nga sese ni na awande so ayeke lango na popo ti ala, ala so adu amolenge na sese ni. Fade ala yeke baa awande ni tongana azo ti Israel, tongana amolenge ti kodro. Awande ni na ala, azo ti mara ti Israel, ayeke kangbi sese ni ti ga ye ti ala.

Awayango-sandaga 19:34

Me fade ala yeke sara na lo tongana taa zo ti kodro ti ala: alingbi ala ye lo tongana ti so ala ye tere ti ala wani. Biani, ala wani, ala yeke ando awande na kodro ti Ezipte. Mbi laa mbi yeke KOTA GBIA, Nzapa ti ala.

Wungo ti azo 9:14

Tongana mbeni wande so aduti na ndo ti ala aye ti sara matanga ti Pake ti ne KOTA GBIA, ayeke nzoni lo sara matanga ni alingbi na ndia ti Pake nga na yanga so a mu ndali ti Pake ni. Ndia ndali ti matanga ti Pake ayeke gi oko ndali ti azo kue, ndali ti zo ti Israel nga ndali ti wande.”

Galasii 3:28

Tongaso, zuife wala zo ti amara nde ayeke daa mbeni pepe, ngbaa wala zo so ayeke ngbaa pepe ayeke daa mbeni pepe, koli wala wali ayeke daa mbeni pepe. Biani, ala kue ayeke oko, ngbanga ti so ala ga oko na Jésus Christ awe.

Kolose 3:11

Nilaa greke wala zuife ayeke daa mbeni pepe, zo so afâ *ganza wala zo so afâ ganza pepe, zo ti amara nde wala basanzi, ngbaa wala zo so ayeke ngbaa pepe ayeke daa mbeni pepe; me kota ye ni ayeke so: Christ ayeke ye kue si lo yeke na be ti azo ti lo kue.