Sigingo 12:46 - Mbeti ti Nzapa - Tënë so amu fini

⁴⁶ A yeke te kasa ti nyama ni gi na ya ti da so a to ni daa. Fade ala yeke mu mbeni kasa ni asigigi na ni pepe. ‘Ala yeke kungbi abio ti nyama ni pepe.

Sigingo 12:46 ပူးပေါင်းရင်းမြစ်များ

Abia (Psaumes) 34:20

Aye ti sioni mingi ayeke si na zo ti mbirimbiri, me KOTA GBIA ayeke zi lo lakue na ya ni.

Abia (Psaumes) 34:21

KOTA GBIA ayeke bata lo nzoni si bio ti lo oko afâ pepe.

Wungo ti azo 9:12

A yeke bata mbeni ye oko asi na ndaperere pepe; a yeke kungbi abio ti nyama ni pepe. A yeke sara matanga ni alingbi na ndia ti sarango Pake.

Jean 19:33

Me so ala si na Jésus, ala baa so lo kui awe, nilaa ala kungbi agere ti lo pepe.

Jean 19:36

Ye so asi titene tënë ti Mbeti ti Nzapa aga taa-tënë; tënë ni atene: “Fade bio ti lo oko ayeke kungbi pepe.”

1 Korente 12:12

Tere ti zo ayeke oko, me ambage ti tere ni ayeke mingi. Ataa so ambage ti tere ti zo ayeke mingi, ala kue abongbi aga gi tere oko. Ti Christ, ye ni ayeke nga gi tongaso.