Sigingo 12:42 - Mbeti ti Nzapa - Tënë so amu fini

⁴² Na ndembe so KOTA GBIA azi azo ti lo na kodro ti Ezipte asigigi na ala, na bi ni kue, lo baa ndo na ndö ti ala. Bi ni so ayeke ti KOTA GBIA. Legeoko nga, na bi ni so, alingbi ahale ti Israel ti angoi kue alango pepe.

Sigingo 12:42 ပူးပေါင်းရင်းမြစ်များ

Abia (Psaumes) 136:11

lo mu azo ti Israel na popo ti ala, lo sigigi na ala. – Biani, nzoni be ti lo angba kpu na kpu!

Sigingo 12:14

“Fade lango ni so ayeke duti lango ti dango be. Ala yeke sara kota matanga ndali ti mbi, KOTA GBIA: matanga ni ayeke duti mbeni ndia so ayeke ngba ngu na ngu ndali ti *ahale ti ala ti angoi kue.”

Sigingo 13:10

Na ngu oko oko, fade ala sara ye alingbi na mbela so, gi na lango so a fa na ala.”

Sigingo 13:3

Moïse atene na azo ni, atene: “Lango so lani ala sigigi na sese ti Ezipte, ndo so ala yeke angbaa daa so, ala dabe ti ala na ni! Biani, na lege ti ngangu ti maboko ti KOTA GBIA, lo zi ala, lo sigigi na ala na ya ti kodro ni. Mapa so a sara na mama ni, fade ala te ni pepe.

Sigingo 34:18

“Alingbi ala sara matanga ti Mapa so a sara na mama ni pepe: na ya ti lango mbarambara na nze ti Abib, fade ala yeke te mapa so a sara na mama ni pepe alingbi na yanga so mbi mu na ala. Biani, lani na nze ti Abib laa ala sigigi na Ezipte.