Sigingo 12:37 - Mbeti ti Nzapa - Tënë so amu fini

³⁷ Na pekoni, azo ti Israel alondo na Ramses ti gue na Sukot. Wungo ti akoli so angba ngangu ayeke nduru na saki ngbangbo omene; a diko awali, amolenge na ambakoro pepe.

Sigingo 12:37 ပူးပေါင်းရင်းမြစ်များ

Tongo nda ti aye 12:2

Mbi yeke sara titene mbeni kota mara abaa gigi na lege ti mo. Mbi yeke sara tufa na ndö ti mo si mbi yeke sara nga titene iri ti mo awu. Mo yeke ga zo so na lege ti lo, a yeke sara tufa na ndö ti azo.

Tongo nda ti aye 15:5

Na pekoni, KOTA GBIA amu Abram, asigigi na lo si atene na lo: “Baa ndo na le ti nduzu, mo diko atongoro tongana mo lingbi ti diko ni.” Lo kiri lo tene na Abram: “Fade *Ahale ti mo ayeke ga mingi mingi tongaso.”

Tongo nda ti aye 46:3

Nzapa atene: “Mbi yeke Nzapa, Nzapa ti babâ ti mo. Sara mbeto ti gue na Ezipte pepe. Kâ, mbi yeke sara titene mbeni kota mara abaa gigi na lege ti mo.

Tongo nda ti aye 47:11

Joseph amu ndo na babâ ti lo, na a-ita ti lo titene ala sara kodro daa. Lo mu na ala sese na kodro ti Ezipte, na nzoni sese ti kodro ni, so ti tene na kodro ti Ramses tongana ti so Faraon amu yanga na lo.

Sigingo 1:11

Tongaso azo ti Ezipte azia amakonzi ti kua na ndö ti azo ti Israel titene a mu na ala akua ti ngbaa. Nilaa azo ti Israel asara agbata tongana Pitom na Ramses ndali ti batango akungba na akobe ti yaka ti Faraon.

Sigingo 10:9

Moïse akiri tënë: “E kue laa e yeke gue, amaseka na ambakoro, akoli na awali, ataba na angasa ti e nga na abagara ti e. Biani, alingbi e sara matanga ndali ti KOTA GBIA.”

Sigingo 13:20

Azo ti Israel alondo na Sukot, ala gue, asara bâbâ ti ala na Etam, na yanga ti benyama.

Sigingo 38:26

Nengo ti nginza ni alingbi grame oku ndali ti koli oko oko; wungo ti akoli so a diko ala ayeke 603 550; so ti tene ala so ngu ti ala alingbi ngu baleuse na ala so ngu ti ala ahon baleuse. A haka nginza ni na kilo so a yeke haka ka na ye na ndo so a zia nde ndali ti Nzapa.

Wungo ti azo 1:2

“Mo na Aaron, ala diko wungo ti bongbi ti azo ti Israel kue na lege ti akete mara ti ala oko oko, na lege ti asewa ti ala oko oko; ala su na mbeti iri ti akoli oko oko kue.

Wungo ti azo 1:46

Wungo ti ala kue ayeke: 603 550.

Wungo ti azo 11:21

Moïse akiri atene: “Azo so mbi yeke na popo ti ala so, wungo ti akoli kue ayeke saki ngbangbo omene si mo tene ti mo, mo tene, mo yeke mu kasa ti nyama na ala ti te na ya ti nze oko kue!

Wungo ti azo 2:32

Azo ti Israel so kue a diko wungo ti ala na lege ti sewa ti ala oko oko, na lege ti bongbi ti aturugu ti ala oko oko ayeke: 603 550.

Wungo ti azo 26:51

Azo ti Israel so kue adiko wungo ti ala ayeke 601 730.

Wungo ti azo 33:3

Azo ti Israel alondo na Ramses na lango baleoko na oku ti kozo nze ni; na ndade ni, so ala sara *matanga ti Pake awe, ala londo yamba na le ti azo ti Ezipte kue si ala hon.

Wungo ti azo 33:5

Azo ti Israel alondo na Ramses, ala gue, asara bâbâ ti ala na Sukot.