Sigingo 12:31 - Mbeti ti Nzapa - Tënë so amu fini

³¹ Na bi ni, Faraon airi Moïse na Aaron si lo tene na ala: “Ala londo, ala na azo ti Israel ti ala ni, ala sigigi na popo ti azo ti kodro ti mbi! Ala gue, avoro KOTA GBIA tongana ti so ala tene so.

Sigingo 12:31 ပူးပေါင်းရင်းမြစ်များ

Abia (Psaumes) 105:38

Be ti azo ti Ezipte anzere mingi ndali ti hongo ti ala, ngbanga ti so mbeto ti ala asara azo ti Ezipte.

Sigingo 10:29

Moïse atene: “Mo wani, mo tene awe; fade mbi yeke kiri ti ga na dawa ti mo pepe.”

Sigingo 10:9

Moïse akiri tënë: “E kue laa e yeke gue, amaseka na ambakoro, akoli na awali, ataba na angasa ti e nga na abagara ti e. Biani, alingbi e sara matanga ndali ti KOTA GBIA.”

Sigingo 11:1

KOTA GBIA atene na Moïse: “Mbi yeke tokua tanga ti kpale oko na ndö ti Faraon nga na ndö ti azo ti Ezipte. Na pekoni, lo yeke zia lege na ala ti gue, lo yeke tumba nga ala na ndo so biani biani.

Sigingo 11:8

Moïse akiri atene: Na ndembe ni so, fade azo ti gbe ti mo so ayeke ge so ayeke ga na mbage ti mbi, ala yeke kuku ti kpo li ti ala na sese na gbe ti mbi si ala yeke tene na mbi, atene: ‘Hon kâ, mo na azo so kue amu peko ti mo so!’ Na pekoni, mbi yeke hon.” Tongaso Moïse alondo na ndo ti Faraon, lo sigigi na ngonzo ti wâ na be ti lo.

Sigingo 12:39

Farini so ala gbu ya ni si ala mu na Ezipte aga na ni so, ala sara na mapa so mama ni ayeke daa pepe. Biani, na ndembe so a tumba ala na Ezipte, ala wara lege ti ku titene farini ni asuku pepe; ala wara nga lege ti mu kobe ti tengo ni na lege pepe.

Sigingo 6:1

KOTA GBIA atene na Moïse: “Fafadeso, mo yeke baa ye so mbi yeke sara na Faraon. Na lege ti ngangu ti maboko ti mbi, mbi yeke sara si lo zia lege na azo ti Israel ti gue. Na lege ti ngangu ti mbi, mbi yeke sara si lo tumba ala na ya ti kodro ti lo!”

Sigingo 8:25

Moïse akiri atene: “Gi so mbi yeke sigigi na ndo ti mo, fade mbi yeke sambela KOTA GBIA. Kekereke, fade asioni vuma ni ayeke hon yongoro na tere ti mo, na tere ti azo ti gbe ti mo nga na tere ti azo ti kodro ti mo. Gi ye oko, alingbi mo kiri mo handa e pepe, mo kanga lege na azo ti Israel pepe titene ala gue, amu sandaga na KOTA GBIA.”

Sigingo 8:8

Moïse na Aaron alondo na ndo ti Faraon asigigi. Moïse atoto na KOTA GBIA ndali ti akongba so lo tokua ala na tere ti Faraon so.

1 Samuel 6:6

Ngbanga ti nyen laa ala ye ti kpengba be ti ala tongana ti Faraon na azo ti Ezipte ando so? Ala dabe ti ala na ye so Nzapa asara na ala ngbii si ala zia lege na azo ti Israel ti gue so!