Sigingo 12:16 - Mbeti ti Nzapa - Tënë so amu fini

¹⁶ Na kozo lango ni nga na mbarambara lango ni, ala yeke bongbi azo ti voro Nzapa. Na ya ti alango so, ala yeke sara mbeni kua oko pepe. Gi kobe laa ala lingbi ti to ndali ti zo oko oko.

Sigingo 12:16 ပူးပေါင်းရင်းမြစ်များ

Sigingo 16:23

Moïse atene na ala: “Yanga so KOTA GBIA amu laa: Kekereke ayeke *lango ti wungo tere, lango ti wungo tere so a zia ni nde ndali ti KOTA GBIA. Ye so ala ye ti zö, ala zö ni; ye so ala ye ti to, ala to ni. Tanga ti kobe ni, ala bata ndali ti kekereke na ndaperere.”

Sigingo 16:29

Alingbi ala hinga so: mbi KOTA GBIA, mbi mu na ala lango ti wungo tere. Ndani laa na lango omene ni, mbi mu nga na ala mapa ti lango use. Na lango mbarambara ni, ayeke nzoni zo oko oko angba na ndo ti lo; zo oko asigigi pepe.”

Sigingo 16:5

Na lango omene ni, tongana ala ga ti to kobe so ala ro so, fade ala yeke baa so kobe ni ayeke mingi fani use ahon ti atanga ti alango ni.”

Sigingo 20:10

Me lango mbarambara ni ayeke lango ti wungo tere ndali ti mbi KOTA GBIA, Nzapa ti mo. Na lango ni so, alingbi mo sara kua oko pepe; ataa mo, ataa molenge ti mo ti koli, ataa molenge ti mo ti wali, ataa zo ti kua ti mo ti koli, ataa zo ti kua ti mo ti wali, ataa anyama ti mo, ataa wande so ayeke lango na kodro ti mo.

Sigingo 34:18

“Alingbi ala sara matanga ti Mapa so a sara na mama ni pepe: na ya ti lango mbarambara na nze ti Abib, fade ala yeke te mapa so a sara na mama ni pepe alingbi na yanga so mbi mu na ala. Biani, lani na nze ti Abib laa ala sigigi na Ezipte.

Ésaïe 1:13

Ala zia mbi na abuba sandaga ti ala ni; be ti mbi ake dukani ti ala mingi. Amatanga ti fini nze, amatanga ti wungo tere na abongbi nde nde, mbi ye ti kiri ti ma tënë ni na mê ti mbi pepe. Sarango amatanga na sarango siokpari, ala bongbi ni kue gi oko, mbi lingbi ti yeda na ni tongana nyen?

Awayango-sandaga 23:21

Gi na oko lango ni so, ala yeke iri azo ti kodro titene ala bongbi ti voro mbi. Kua so ala yeke sara lakue, ala sara ni pepe. So ayeke mbeni ndia so ayeke ngba ngu na ngu ndali ti ala na *ahale ti ala na ndo so kue ala yeke duti daa.

Awayango-sandaga 23:27

“Na lango baleoko ti nze mbarambara ni, fade a yeke duti kota lango ti zingo siokpari na li ti azo. Ala yeke bongbi ti voro mbi, ala yeke ke kobe si ala yeke ya na mbi asandaga so a yeke zö ni kue na wâ.

Awayango-sandaga 23:35

Na kozo lango ni, ala yeke bongbi ti voro mbi; kua so ala yeke sara lakue, ala sara ni pepe.

Wungo ti azo 28:18

Na kozo lango ti matanga ni, ala yeke bongbi tere ti ala ti voro KOTA GBIA; kua so ala yeke sara ka lakue, ala sara ni pepe.

Wungo ti azo 28:25

Na lango mbarambara ni, ala yeke bongbi tere ti ala ti voro KOTA GBIA; kua so ala yeke sara ka lakue, ala sara ni pepe.”

Wungo ti azo 28:26

“Na lango ti *Pantekote, fade ala yeke mu akozo le ti kobe ti yaka ti ala ti ya na *sandaga na *KOTA GBIA; ala yeke bongbi tere ti ala ti voro KOTA GBIA; kua so ala yeke sara ka lakue, ala sara ni pepe.

Wungo ti azo 29:1

“Na kozo lango ti nze mbarambara ni, ala yeke bongbi tere ti ala ti voro *KOTA GBIA; kua so ala yeke sara ka lakue, ala sara ni pepe. So ayeke lango ti dekongo na ngia.

Wungo ti azo 29:12

“Na lango baleoko na oku ti nze mbarambara ni, fade ala yeke bongbi tere ti ala ti voro *KOTA GBIA; kua so ala yeke sara ka lakue, ala sara ni pepe. Na ya ti lango mbarambara kue, ala yeke sara matanga na iri ti mbi, KOTA GBIA.

Jean 19:31

Lango ni ayeke lango ti lekengo tere ndali ti *lango ti wungo tere. Azuife aye ka titene akuâ angba na ndö ti akeke ti kroa na lango ti wungo tere pepe. Andaa lango ti wungo tere ni ayeke mbeni kota lango mingi. Tongaso ala gue, ahunda Pilate ti mu yanga titene a kungbi agere ti akoli so a kanga ala na ndö ti akeke ti kroa so si ala zi akuâ ni na ndö ti akeke ti kroa ni.

Ndia ti fani use ni 16:8

Na ya ti lango omene, ala yeke te mapa so a sara na mama ni pepe. Na lango mbarambara ni, ala yeke sara matanga ndali ti KOTA GBIA Nzapa ti ala; ala yeke sara kua pepe.