Sigingo 12:15 - Mbeti ti Nzapa - Tënë so amu fini

¹⁵ KOTA GBIA akiri atene na Moïse na Aaron: “Na ya ti lango mbarambara, fade ala yeke te mapa so a sara na mama ni pepe. Gi na kozo lango ni, ala zi mama ti mapa na ya ti ada ti ala. Ti londo na kozo lango ni ti si na mbarambara lango ni, zo so ate mapa so a sara na mama ni, fade a yeke tumba lo na popo ti azo ti Israel.

Sigingo 12:15 ပူးပေါင်းရင်းမြစ်များ

Tongo nda ti aye 17:14

Koli so afâ ganza pepe, fade a yeke tumba lo na popo ti amba ti lo, ngbanga ti so lo buba tënë ti mbuki ti mbi awe.”

2 Mbai 30:21

Tongaso, na ngia mingi, azo ti Israel so ayeke na Jérusalem asara matanga ti Mapa so a sara na mama ni pepe; ala sara ni na ya ti lango mbarambara. Na ya ti lango oko oko, azo ti mara ti Lévi na awayango-sandaga ayeke he bia ti sepela KOTA GBIA, ala yeke pika aye ti mozoko so ayeke toto ngangu ndali ti KOTA GBIA.

Esdras 6:22

Na pekoni, na ya ti lango mbarambara, ala sara na ya ti ngia, matanga ti Mapa so a sara na mama ni pepe. KOTA GBIA azia ngia na be ti ala, ngbanga ti so lo sara si be ti gbia Darius aga nzoni na mbage ti ala; ye so asara lani si be ti azo ti Israel awara ngangu si ala kiri ti gbu kua ti lekengo kota da ti Nzapa ti Israel.

Sigingo 12:8

Na bi ni so, ala yeke zö kasa ti nyama ni zongo si ala te ni na mapa so a sara na mama ni pepe; ala yeke te nga kasa ni na pere so asee sengo.

Sigingo 13:3

Moïse atene na azo ni, atene: “Lango so lani ala sigigi na sese ti Ezipte, ndo so ala yeke angbaa daa so, ala dabe ti ala na ni! Biani, na lege ti ngangu ti maboko ti KOTA GBIA, lo zi ala, lo sigigi na ala na ya ti kodro ni. Mapa so a sara na mama ni, fade ala te ni pepe.

Sigingo 23:15

Kozo matanga ni ayeke matanga ti Mapa so a sara na mama ni pepe. Na nze ti Abib, na ya ti lango mbarambara, mapa so a sara na mama ni pepe, ala yeke te ni alingbi na yanga so mbi mu na ala. Biani, na nze ti Abib laa ala sigigi na Ezipte. Fade zo ayeke ga na ya ti da ti mbi maboko senge pepe.

Sigingo 30:33

Zo so atara ti sara mara ti mafuta so si lo zia ni na tere ti mbeni senge zo, fade a yeke tumba lo na ya ti bongbi ti azo.’ ”

Sigingo 30:38

Zo so ayeke sara mara ti yombo so titene lo ma fion ni, fade a yeke tumba lo na ya ti bongbi ti azo.”

Sigingo 31:14

Tongaso, alingbi ala bata lango ti wungo tere ni. Ti ala, lango ni so ayeke mbeni lango so a zia nde. Zo so ayeke sara si lango ni so aga sioni si lo sara kua na lango ni so, fade a yeke tumba lo na ya ti bongbi ti azo si a yeke fâ lo.

Sigingo 34:18

“Alingbi ala sara matanga ti Mapa so a sara na mama ni pepe: na ya ti lango mbarambara na nze ti Abib, fade ala yeke te mapa so a sara na mama ni pepe alingbi na yanga so mbi mu na ala. Biani, lani na nze ti Abib laa ala sigigi na Ezipte.

Sigingo 34:25

“Mapa so a sara na mama ni, fade ala yeke bongbi ni na sandaga ti anyama ti ga na ni na mbi pepe. Nyama so a mu na sandaga ndali ti *matanga ti Pake, ala yeke bata ni, ti londo na bi ngbii asi na ndaperere pepe.

Awayango-sandaga 17:10

“Tongana mbeni zo ti Israel, wala mbeni wande so ayeke duti na popo ti ala ate mene, ataa mara ti mene wa, fade mbi KOTA GBIA, mbi yeke ga na tere ti lo, mbi yeke zi lo na popo ti bongbi ti azo ti Israel.

Awayango-sandaga 17:14

Biani, tongana mbeni ye ayeke na fini, fini ti lo ayeke na ya ti mene ti lo. Ndani laa KOTA GBIA atene na azo ti Israel: ‘Ye so kue ayeke na fini, fade ala yeke te mene ni pepe, ngbanga ti so fini ti ye ni ayeke na ya ti mene ti lo. Zo so ate mene ni, fade a yeke tumba lo na popo ti azo ti Israel.’

Malashii 2:12

Zo so asara mara ti ye tongaso, ayeke nzoni *KOTA GBIA azi asewa ti lo kue na popo ti azo ti Israel! Ayeke nzoni zo oko akiri angba pepe ti mu *sandaga na iri ti lo na KOTA GBIA so ayeke na ndö ti dunia kue.

Wungo ti azo 28:17

Na lango baleoko na oku ti oko nze ni so, ala yeke to nda ti matanga ni. Na ya ti lango mbarambara, ala yeke te mapa so a sara na mama ni pepe.

Wungo ti azo 9:13

Me tongana mbeni zo aga *sioni pepe si lo ke ti sara matanga ti Pake, ataa so lo gue na mbeni tambula pepe, fade a yeke tumba lo na ya ti bongbi ti azo ti Israel, ngbanga ti so lo ya sandaga na KOTA GBIA pepe na lango ni so a fa. Fade ngbanga ti sioni ti zo ni ayeke kiri na li ti lo wani.

Matthieu 16:12

Tongaso, adisiple ahinga atene, lo yeke tene tënë na ala titene ala kpe mama ti mapa pepe, me ala kpe fango ye ti afarizien na ti asadusien.

Nzoni Tënë so Luc asu na mbeti 12:1

Na ndembe ni so, azo abongbi gbani gbani, ala yeke pete tere na popo ti ala si Jésus ato nda ti tene tënë na adisiple ti lo, lo tene: “Ala sara hange na mama ti mapa ti *afarizien, so ti tene azo so tënë ti yanga ti ala ayeke nde na sarango ye ti ala so.

Nzoni Tënë so Luc asu na mbeti 2:43

So matanga ni ahunzi awe, babâ na mama ti Jésus amu lege ti kiringo ni, me molenge ni angba ti lo na Jérusalem, ala hinga ye oko daa pepe.

Awatokua 12:3

So lo baa ye so lo sara anzere na be ti azuife, lo tokua titene a gbu Pierre. Ye so asi na ndembe ti matanga ti Mapa so a sara na mama ni pepe.

Galasii 5:12

Azo so ayeke buba li ti ala so, ayeke nzoni ala fâ gi ganza pepe, me ala ga *ambaiwa ma!

Ndia ti fani use ni 16:3

Na ndembe ti matanga ni, mapa so a sara na mama ni, fade ala yeke te ni pepe. Na ya ti lango mbarambara, ala yeke te gi mapa so a sara na mama ni pepe, ngbanga ti so ala sigigi na loro na sese ti Ezipte. Tongana ala yeke te mapa ti ye ti vundu so, ala yeke dabe ti ala na lango so ala sigigi na sese ti Ezipte; ala yeke dabe ti ala na ni na lango ti fini ti ala kue.

Ndia ti fani use ni 16:5

Ala lingbi ande pepe ti mu sandaga ti Pake na ya ti mbeni gbata nde so KOTA GBIA Nzapa ti ala amu na ala.

Ndia ti fani use ni 16:8

Na ya ti lango omene, ala yeke te mapa so a sara na mama ni pepe. Na lango mbarambara ni, ala yeke sara matanga ndali ti KOTA GBIA Nzapa ti ala; ala yeke sara kua pepe.