Ruth 4:15 - Mbeti ti Nzapa - Tënë so amu fini

¹⁵ Fade lo yeke sara titene mo duti nzoni; lo laa lo yeke bata mo na ngoi so mo yeke ga kangba biani biani; molenge ni ayeke bata mo, ngbanga ti so wali ti molenge ti mo so aye mo mingi so laa adu lo. Wali ti molenge ti mo ni asara nzoni na mo ahon amolenge-koli mbarambara.”

Ruth 4:15 ပူးပေါင်းရင်းမြစ်များ

Tongo nda ti aye 45:11

Kâ, mbi yeke sara ande titene mo wara kobe ti tengo ni, ngbanga ti so fade kota nzara ayeke kiri ti sara na ya ti ngu oku. Tongaso si mawa ati na ndö ti mo, azo ti sewa ti mo, na aye ti mo kue pepe.’

Tongo nda ti aye 47:12

Joseph amu na babâ ti lo, na a-ita ti lo, na asewa ti babâ ti lo, kobe ti tengo ni alingbi na wungo ti amolenge so ala yeke na ni.

Abia (Psaumes) 55:22

Tënë ti yanga ti lo anzere tongana mafuta ti wotoro, me tënë ti bira ayeke na be ti lo kâ. Atënë ti yanga ti lo ayeke woko zo ahon mafuta, me atënë ni ayeke kpo zo tongana zeme.

Amato 18:24

Zo so ayeke na gba ti akamarade, ye so alingbi ti ga kota kungba na ndö ti lo; me taa kamarade ayeke sara na mo ahon ita ti mo.

Ésaïe 46:4

Mbi yeke ngba gi tongaso ngbii asi na mbakoro ti ala; mbi yeke yo ala ngbii kua ti li ti ala avuru. Mbi laa mbi sara ala, mbi laa mbi yeke yo ala. Biani, mbi yeke ngba ti yo ala si mbi yeke soo ala.

Ruth 4:16

Noemi amu molenge ni, lo yo lo na kate ti lo si lo ga zo ti batango molenge ni.

1 Samuel 1:8

Koli ti lo Elkana atene na lo: “Anne, mo yeke toto si mo ke ti te kobe ngbanga ti nyen? Be ti mo ayeke na vundu ngbanga ti nyen? Na le ti mo, mbi hon amolenge-koli baleoko pepe?”

1 Samuel 2:5

Azo so ayeke te ye lani ya ti ala asi so, ala kiri ayeke gi kua ndali ti kobe ti yanga ti ala. Me azo so lani nzara ahon ndö ti ala, ala yeke wu tere ti ala fadeso. Wali so ya ti lo akanga lani, lo du fadeso amolenge mbarambara. Me wali so adu lani gba ti amolenge, lo yeke kiri ti du fadeso pepe.