Ruth 3:14 - Mbeti ti Nzapa - Tënë so amu fini

¹⁴ Ruth alango na mbage ti gere ti Booz ngbii ndo ahan. So ndo angba kâ, na ndembe so zo alingbi ti baa mba ti lo ti hinga lo pepe, Ruth alondo ti lo awe. Ruth alondo hio tongaso, ngbanga ti so Booz aye titene azo ahinga atene, Ruth aga na le ti lakere ni pepe.

Ruth 3:14 ပူးပေါင်းရင်းမြစ်များ

Zo ti bongbingo azo 7:1

Titene iri ti zo awu nzoni, so ayeke nzoni ahon yombo ti ngangu ngere; lango ti kuâ ti zo ayeke nzoni ahon lango ti dungo lo.

Rome 12:17

Tongana mbeni zo asara sioni na ala, ala kiri peko ni na lo pepe. Ala gi lege ti sara ye so ayeke nzoni na le ti azo kue.

Rome 14:16

Ye so ala baa tongana nzoni ye ndali ti ala, alingbi aga sioni ye na le ti amba ti ala pepe.

1 Korente 10:32

Na lege ti sarango ye ti ala, ala sara si mbeni zuife, wala mbeni zo ti mbeni mara nde, wala mbeni zo ti *Eglize ti Nzapa ati pepe.

2 Korente 8:21

Ye so agbu be ti e ayeke titene e sara ye mbirimbiri gi na le ti Kota Gbia oko pepe, me nga na le ti azo.

1 Tesalonike 5:22

ala kpe ye so kue ayeke ye ti sioni.

1 Pierre 2:12

Alingbi dutingo ti ala na popo ti azo ti amara nde ayeke nzoni. Tongaso, ataa so azo ni ayeke bi tënë na li ti ala atene, ala yeke azo ti sarango sioni, azo ni abaa nzoni sarango ye ti ala si ala gonda Nzapa na ndembe so lo yeke ga.

Ruth 3:15

Booz atene na Ruth: “Ga na kota bongo so ayeke na tere ti mo so; gbu yanga ni nzoni.” Ruth agbu yanga ti kota bongo ni si Booz amu mbeni sembe, lo haka na ale ti orze fani omene si lo tuku na ya ni; lo zia ni na li ti Ruth si lo mu lege, lo kiri na kodro.