Ruth 2:20 - Mbeti ti Nzapa - Tënë so amu fini

²⁰ Noemi atene na Ruth: “KOTA GBIA so angba lakue ti sara nzoni be na azo so angba na fini nga na azo so akui awe, lo sara tufa na ndö ti koli so-oo.” Na pekoni, Noemi atene na Ruth: “Booz ayeke mbeni zo ti sewa ti e so popo ni ayo pepe, lo yeke mbeni zo so alingbi ti mu e, ti bata e.”

Ruth 2:20 ပူးပေါင်းရင်းမြစ်များ

2 Samuel 2:5

David atokua na azo ti Yabesh so ayeke na sese ti Galaad atene: “Ayeke nzoni KOTA GBIA asara tufa na ndö ti ala, ngbanga ti so ala bata be ti ala na gbia ti ala Saul si ala lu kuâ ti lo so.

2 Samuel 9:1

Mbeni lâ, David ahunda ndo, atene: “Mbeni zo ti sewa ti Saul angba na fini pepe? Mbi ye ti sara nzoni be na lo ndali ti Jonatan.”

Mbeti ti Job 19:25

Ti mbi, mbi hinga so zo ti zingo mbi ayeke na fini; na ndani, lo yeke luti na ndö ti sese.

Amato 17:17

Zo so aye mba ti lo, lo yeke ye lo na ngoi kue. A du ita titene lo mu maboko na ya ti ye ti ngangu.

Awayango-sandaga 25:25

“Tongana mbeni mba ti ala aga wayere si lo lingbi ti ka mbeni mbage ti sese ti lo, fade mbeni zo ti sewa ti lo so songo ti ala ayo pepe, lo so a mu na lo lege ti vo sese ni alingbi ti kiri ti vo ni na maboko ti mba ti lo ni senge.

Filipe 4:10

So mbi ga oko na *Kota Gbia awe, be ti mbi anzere mingi ndali ti so ala kiri afa na mbi atene, be ti ala angba ti ye mbi. Mbi hinga so be ti ala aye ando mbi, me lege ti sara na mbi ayeke daa pepe.

Ruth 2:21

Ruth, zo ti Moab atene: “Lo tene na mbi atene, fade mbi ngba na tere ti azo ti kua so ayeke fâ ale ti kobe ni so ngbii ala hunzi fango ale ti kobe ti yaka ni kue si.”

Ruth 3:12

Biani, ndia amu na mbi lege ti mu mo, ti bata mo. Me mbeni zo ti sewa ti e ayeke daa, popo ti sewa ni na koli ti mo ayo pepe. Lo laa lo lingbi ti baa lege ti mungo mo kozoni na mbi.

Ruth 4:14

Nilaa awali atene na Noemi, atene: “E gonda KOTA GBIA! Lo mu na mo zo ti batango mo awe. Ayeke nzoni iri ti molenge so a du lo so awu amu ya ti kodro ti Israel kue.

Ruth 4:4

Nilaa, mbi ye ti tene tënë ni na mo. Tongana mo yeda, na le ti azo so kue ayeke ge so, nga na le ti akangba ti kodro ti e, mo vo ni, mo bata ni. Tongana mo ye ti vo ni ti bata ni, mo vo ni mo bata; tongana mo ye pepe, mo tene tënë ni na mbi si mbi hinga, ngbanga ti so mbeni zo nde alingbi ti vo ni ti bata ni pepe. Na peko ti mo, ayeke mbi.” Koli ni akiri tënë, atene: “Mbi laa mbi yeke vo ni.”

Ruth 4:6

Koli so alingbi fade ti mu Ruth ti bata lo so akiri tënë, atene: “Mbi lingbi ti mu Ruth titene lo ga wali ti mbi pepe, ngbanga ti fade mbi buba aye so mbi yeke zia na peko ti mbi. Mbi laa mbi lingbi fade ti mu lo biani, me mbi mu lege na mo ti mu lo, ngbanga ti so mbi lingbi ti mu lo pepe.”