Ruth 2:18 - Mbeti ti Nzapa - Tënë so amu fini

¹⁸ Lo mu ale ti kobe ni si lo kiri na kodro; lo fa ni na mama ti koli ti lo. Tanga ti kobe so lo te si angba so, lo sigigi nga na ni si lo mu ni na kogara ti lo.

Ruth 2:18 ပူးပေါင်းရင်းမြစ်များ

1 Timothée 5:4

Tongana mbeni wali-mua ayeke na amolenge wala atara, alingbi ala hinga ti bata azo ti sewa ti ala kozoni, ti kiri na peko ti nzoni ye so ababâ na amama ti ala asara ando na ala. Ye so anzere na le ti Nzapa laa.

Ruth 2:14

Na ndembe ti tengo kobe, Booz atene na Ruth: “Ga mo te kobe. Mu mbeni mapa, mo fâ ya ni, mo yoro na ya ti ngu ti kasa si mo te.” Ruth aduti na tere ti azo ti fango ale ti kobe ni si Booz amu na lo mbeni gba ti ale ti kobe so a yoro ni yorongo. Lo te ni, ya ti lo asi si lo bata tanga ni.

Ruth 2:17

Ruth aro ale ti kobe ni ngbii asi na lakui. Na pekoni, lo pika ya ti ale ti kobe so lo ro so. Ale ti kobe so lo wara so aga nduru ti si kota sembe oko.